سمعو يا خواتي مافي ضرر اذا كنتو تحطون كحل يوم خلطه بشعوركم بس اهم شي تلاحضون نقطه مستفيد شعركم من هالشي اذا كان ايه فعادي وطالم هذي الاشياء طبيعيه مافي اي ضرر بس اهم شي ما تخلون الخلطه مده طويله على شعوركم بالكثير اربع ساعات وبالنسبه يا حبيباتي عن الشامبو انتو ينيتو تغسلون شعركم كل يوم بالشامبوه بروح الشامبو ماده كيماويه وفوق هذا في مواد معطر يعني انخبلتو وقعدتو تصلحون شي وتجلسون سعات وتخربونه بدقيقه اللي هي غسلكم بالشامبوه سمعوني وانا اخويتكم بعطيكم شي سهل وينظف وماله تأثر سيء على شعوركم وفي نفس الوقت راح يفيدكم الا وهوه الســـــــــــــــــــــدر كل يو غسلو شعوركم بالسدر واذا كانت الخلطه اي الزيت ثقيل حطو قطرتين من الشامبوه وخلطوه بالسدر بس لاتكثرون من الشامبوه نسبه قليله جدآ وبجذيه بتكونون عملتو عنايه من الاول الى الاخر ناجحه مئه في المئه واللي مثل ماتقدر تستغني عن الشامبوه تحطه مره في الاسبوع بس وادري انكم راح تقولون ان السدر ينشف الشعر

صح بس بقول لكم طريق لمن تغسلون شعركم خذو زيت اللوز وقطرو شوي منه في يدكم ومسحو على شعركم موكثير لا قليل جدآ على قولتهم على الريحه اهم شي الاطراف مثل وضعج لبلسم انتظري خمس دقايق او عشر واغسليه بالماء البارد او المعتدل مو الحار ولا الدافىء وبس او طلعي من الحمام اكرمتو ونشفي شعرج بس مو بالستشوار لا بالفوطه وخليه ينشف لوحده وبعدها مشطيه لمن يجف وبجذيه راح يصير الشعر روعه في اسبوع بس اهم شي يا خواتي اللي تحب تعتني كل يوم لاتحطون كل يوم زيت لا نوعو يوم زيت ويوم فواكهه يوم تدليك بماء بارد بس يوم بالاسبوع تحطو حمام زيت مو كل يوم مثل ماقالت وحده من الاخوات المهم ان كل يوم شي حاولو يكون الزيت ثلاث مرات في الاسبوع بس وباقي الايام غيرو يوم حنه ويوم فواكهه يوم زيت يو كذا اتمنى اني فدتكم والله يوفق الجميع

ريانه العوود

اهلين اختى ليلى مراد
ممكن تقوليلى وش الخلطه اللى انتى كانتى تحطينها
لان انا عندى نفس مشكلتك
اختك
نوتى

مشكورة عين البحرين مراد عالنصايح..... بس السدر يروح من الشعر؟؟؟؟ ما يلزق مثل الحنا لما نتسبح ولا كيف الطريقة؟ :)


الاخت ليلى مراد.... شو الزيت اللي عالج شعرج وخلاه كثيف ما شاء الله وكيف غلظ شعرج شو سويتي :)

ومنكم نستفيد...

تسلمون جميعا على المشاركه