هل يجوز أن احرم أم أبني من إبنها لأني ..... ؟ (للأمهات خاصة)

السلام عليكم



انا رجل تزوجت قبل 3 سنين من امرأة اكبر مني بثمانية اعوام . طبعاً اهلي رفظو وخربو الدنيا
لكن انا الي ردته فيها إنها تدرس شريعة اسلامية , يعني صراحة ردت فيها الدين لأني اكيد راح
اربح فيها ان شاء الله . المهم بعد زواجي صار عندي ولد ما شاء الله عليه احلى ولد بالعالم كله
لكن يا خسارة ما قدرت اشوفه إلا شهرين ببداية ولادته لأني امه للاسف تقاتلت معاي ومع امي وراحت
لأهلها , ولانها من غير بلد وانا حاولت كثير كثير لحتى اسافر عدهم بس ما يخلوني اسافر سواءا هم او
السفارة يلي اطلب فيزة سفر إلها ... إلا بطلب زيارة منهم ... المهم :
القصة مشت وانا يوم بعد يوم ازداد ألم بفراقي عن إبني , اكيد الحل ما يصير بين إثنين إلا يلي مطلع
تماما ً على تفاصيل كل شئ بينهم وهيك راح يعرفوا يحلوا الإشكال كله , وهنا صارت المشكلة
لأني يلي اراد التدخل كان اخوها وطبعا لأني انا اعرف إنه راح يحل الاشكال كله و يغصب إخته على
الرجوع عن قرارها و ترجعلي و اشوف إبني يلي ما اشوفه الا كل شهور بالصور وعن طريقه هو حصرا
بالإنترنت يبعثلي كل كام شهر صورة أو ثنتين وهو حامله وكأنه يقول أنا عم اربيه ... وطلع اخوها يطلب مني
اشياء فوق العقل , وهو يعرف إني انا ماعندي مقدرة هالشئ يلي طلبه , كأنه يريد يقول مالك عندنا شئ.

للآن ما تصرفت بأي شئ علما إني عندي القدرة إني اسوي اشياء لمصلحتي .
انا احب ابني وعشت طول حياتي يتيم بلا اب و أبي الله يرحمه عاش طول عمره بلا أب ... يعني
انا من سلالة أيتام ...

انا هسه اريد استشيركم وكل واحد يقول يلي يشوفه صح حسب رأيه و إن شاء الله تساعدوني
لحتى اصل لحل بفضل رب العالمين .


اكرر قبل كل شئ انا تزوجت حسب الحديث الشريف لدينها ... وهيه للأسف دنيوية فقط ... وكفى.

يكفي إكتشافي تطلع بلا حجاب قدام اقربائها وهاد يلي طيرلي عقلي بعد ما اكتشفت هالشئ منهم بالصور
يلي بعثوها إلي ... لاحول ولا قوة الا بالله

انا راح اقدم طلب للسفارة لحتى استرجع ابني منها. الولد راح يصير عمره سنتين ونصف
يعني لو اخذت ابني منها حلال لو حرام ؟...

اقصد بصراحة اكثر : هل يجوز احرمه امه .؟



امي تقولي يا ابني خذ حسبك رب العالمين و إصبر .
وتقولي ما يصير تحرمها ابنها .

انا تعبان كثير كثير لبعدي عن ابني

يمكن ما تصدقون لو قلت لكم ابكي كل فترة قبل ما انام لدرجة تصير المخدة مي كلها

انا سألت بعض الأقرباء عندنا اغلبهم قال حرام تحرمه امه .

يعني يفكرون بالأم وما يفكرون فيني !!!!!


كيف اعيش وما اشوف القمر يلي نور لي حياتي كل لحظة وكل ثانية




لا تقولو اصبر
لأني تعبت من شوك الصبر وما بقى لي مكان امسح دموعي إلا كان إرتوى من دمعي وجفاني