هل لما خربت اول مره سامحناها وجبنا بدل الأجهزه الي خربتها وفهمناها لو خربت مره ثانيه بنخصم من راتبها
والحين خربت مره ثانيه و ورا بعض وتضحك عند بنتي تقولها عادي سعودي فلوس كثير
هذا الي خلاني أشك في لؤمها وخبثها
وانا ماخليتها الا محتاجه لها وعندي ظروف وهي مدركه حاجتي لها ومتاكده أني مقدر استغني عنها


بس زوجي زعل لانها خربت كل الأجهزه خلال شهرين او اقل وبيوديها للمكتب يقول هذي ينخاف منها مستهتره


طيب انا وش اسوي محتاجه لاجهزة المطبخ الي خربتهم وزوجي مصر مايدفع ريال


يعني انا بين نارين

عزيزتي
مادام نبهتيها اكثر من مره وللاسف منفع معها واتوقع انها متعمده تكسر وتخرب وغير مهتمه
اخصمي من راتبها
انا حاطه ورقه على الثلاجه وكاتبه جدول فيه الاغراض الي كسرتها وسعر الي كسرته اذ كان الشي سعره يزيد عن ١٠٠ ريال واكثر اسجله وباذن الله اذ جات مسافره خلاص راح اخصم من راتبها علما انه خدامتي فلبينيه
اصلا الاغراض الي تشتروها وهي تكسرها من راتب زوجك يعني زوجك يشتغل ويتعب وييوفر لكم كل شي من راتبه مو حرام اهي تكسرها بعد
واذ مانتي في حاجته الشغاله سفريها والله يعوضك خير

الله اعلم

النصيحة للفتوى عندي رقم جوال الدكتورة نورة عبدالله المطلق بنت الشيخ المعروف
واذا ابغيتي الرقم اعطيك بالخاص
اما بخصوص الأجهزة اللي خربت والله افضل انك تجمعين شوي شوي لمن تشتريها ولا تخصمون من راتبها
ولاتسفرونها وهي حاقدة عليكم يمكن تسوي لكم سحر ولا بلا ويمكن تدعي عليكم
فيه وحدة كانت تضرب شغالتها وبعدين طفشت الشغالة وطلبت السفر وبس سفروها سحرت البيت كله لمن تبهذلوا وشافوا الموت والسبب الظلم
فانتبهي الله يحفظك
في الاجهزة ولا فيكم عساها فداكم

الله يجزاكم خير
اقسم بالله ان مرو علي شغالات كثير وكلهم كانو يخربون بعض من الأجهزه او يكسرون بدون قصد او تخرب معهم بعض الملابس سواء في غسيل او كوي لكن كانو يفهمون ومايكررونها الا ماندر وبدون قصد وعمرنا ماخصمنا ريال واحد لان الخطأ وارد
بس هذي مجننتنا تكسر ولا يهمها ترمي في الزباله ولا يهمها تخرب الخلاط اكثر من مره وعادي حتى الوجه مافيه اَي تعابير لندم او أسف
يعني استهتار بمعنى الكلمة وزوجي يشتكي يقول حلالي راح على الغساله والفرن والاجهزه والمكوى والخلاط ووووالخ
كل شهر رايحين على اكسترا نجيب جهاز جديد اقسم بالله بدون اَي مبالغه