هل يجوز اني أوري أخوي صورة بنت للزواج؟؟

السلام عليكم ورحمة الله وبركاته

اخوي يبي يتزوج وجالسين ندورله وللحين ماحصلنا
خطبنا له وحده وقعدنا شهووور على ماردولنا وهو تعلق فيهم وراح قابل ابوهم وراحت امي شافت البنت ويوم جت الشوفة الشرعية رفضت تدخل البنت نهائيا ولا شافها اخوي وقال لابوها حاولوا فيها لو بعد شهر مستعد اصبر ورفضت المهم حامت كبده وكنسل الموضوع

ادري ان الخطبة إحراءاتها كثيرة بس اخوي كبير ومل من الانتظار

المهم انا في بالي وحده وودي اخطبها لاخوي وهي من الاقارب بس مايعرف شكلها نهائيا
ودي اوريه صورتها بدون ما اقول من تكون عالاقل تكون نظرة اولية وبالصورة ماتختلف كثير عن الواقع مثل بعض البنات الصور تكون غشاشة

ما أدري هل يجوز هذا الشي؟ والا لا وطبعا الاعمال بالنيات ونيتنا ولله الحمد للزواج