هل يجوز ان افي بالنذر قبل ان يتحقق ما نذرت له

السلام عليكم ورحمة الله وبركاته
اخواتي
معلش انا ححكي حكاية طويلة علشان تفهموا بس الوضع
انا من فترة تعبت ورحت للدكاترة مفيش سبب عضوي وكلت امري لله
والتعب بيجي على فترات شوية ابقى تعبانة خالص وشوية فترة قليلة وشوية بخف
فكان كل ما يزداد التعب انذر اني حتصدق بمبلغ لله اذا شفيت تماما مما انا فيه
اخف شوية وايام ويعود التعب
طبعا انا في نيتي في النذر انه لما اشفى تماما

بس انا بصراحة مش بعرف ايه هي شروط النذر
اسمع الناس عندنا بيقولوا نذر عليا لو حصل كذا اذبح لله او اطلع مبلغ لله

مش عارفة ليه كده حسيت اني بشترط على الله يعني لو خففتني حتصدق


فبدأت ادفع من النذور الي عليا قبل الشفاء
طبعا انا مقتنعا اني حأشفى باذن الله وكمان حبيت اخرج الصدقة الأول

فهل ينفع قضاء النذر قبل ان يتحقق ما نذرت له ؟


وهل يجوز دفع المبالغ على فترات يعني مش مرة واحدة



ومعلش سؤال تاني
انا عندي قريبة لي عزيزة عليا دايما بتطلب مني فلوس على سبيل السلف بس هي معروفة انها مش بترد الفلوس تاني ابدا حتى لو توفر معها مبلغ
وانا بتكسف ارفض لها طلبها
ودلوقتي طالبة مني مبلغ كبير طبعا مع وعد بارجاعه وانا عارفة انها استحالة حترجعه
طلبت مني واتكسفت اقولها لأ بس نويت انها تبقى من فلوس النذر واسامحها فيهم هل يجوز كده؟

معلش أسألتي كتيرة قوي