استغفر الله الذي لا اله الا هو الحي القيوم واتوب اليه

قرات ردودكم

الله يوفق كل اللي ردت ودعتلنا بظهر الغيب

احاول الان ما اشغل نفسي في هذا الموضوع

راح افكر بنفسي وبمستقبلي غير الزواج

مدري مو شرط تكون قاعده لاني اعرف بنات وربي وربي وربي شاهد على كلامي تعدوا الثلاثين وسود وشينات استغفر مااقوله من باب الاستحقار بس عشان ابين لك واعرفهن شخصيا يعني مااحد قالي
الاولى اصغر خواتها واشينهن كلهن تزوجوا بدري الاهي يمكن وصلت 34 تخيلي لدرجة ان اخر واحد خطبها وافقت بالرغم ان مواصفاته مو مناسبه بس البنت تبي الستر وكان اسمر وبالاخير خطب غيرها حتى ماقال لها خلاص مانبيكم تخيلي جالسه على امل المهم جاء خطبها واحد ابيض ابيض ابيض ابيض فاهمه شلون ابيض يعني لون اهل الشام اللي بياضهم بحمره مو مثل البياض السعودس اللي لاجاء حنطي قالوا ابيض المهم اللي شفوه يقلون انه جميل جدا ومن قبيله معروفه وهي طبعا الزوجه الثانيه وزوجته الاولى بيضاء تخيلي الحين زوجته الاولى فقط متزوجين على الورق دايم عند السمراء حتى لما تروح عند اهلها يروح يجلس وياها اهلها طفشوا حتى منه هههههه والحين ماشاء الله عندها بنت وولد

الثانيه كذالك تعدت الثلاثيين ودوبها متزوجه قبل شهر سمراء ماخذه ابيض قبيلي مملوحه لكن عيبها وزنها ماشاء الله كبير

الثالثه مو سمراء سوداء وغير اجتماعيه حتى مع اهلها يعني لاتاخذين منها حق ولاباطل وعمرها فوق 32 وكانت تقول ماراح اتزوج الا ابيض ويخطبونها سمر وترفض وتقول اذا ربي كاتبيلي نصيب مااحد بيوقف بوجهي وشوفي زواجها الشهر الجاي على ابيض قبيلي وتخيلي له اربع سنوات وهو يخطبها يبيها وماكان ربي ميسر امور زواجهم والحين الحمدلله


وسبحان الله اغلب اللي اشوفهم متاخرين بالزواج وهن سمر الاحظ انهم ياخذون بيض يعني انتم لاتتشددون بمسئلة انه لازم يكون اسمر مثلكم عادي يااختي حتى لو جاكم ابيض او متجنس عايش بالسعوديه وماشي على عاداتها وتقاليدها واهم شي يخاف ربه وافقوا

وكثير سود وسمر تزوجوا انا قلت هالنماذج مو نقصان بالون الاسمر بجميع درجاته بس عشان ابين لكم ان الناس اذواق ولد اختي شوفينا ندور له على عروس ويقول ابي سمراء البيضاء ماابيها تخيلي شفنا وحده حنطيه مو بيضاء ورفض يقول لا ابي سمراء فاتحه برونزيه كذالك واحد من اخواني يعجبه اللون البرونزي المايل لسمار ويبي يتزوج وحده بهاللون


وانتي اهم شي روحي اطلعي واستنانسي وفليها وادعي ربك ولاتفكرين بالزواج يعني لاتحصرين امورك وفرحتك بهالزوج اللي بيجي ماتدرين هو خيره لك والا شر ماانكر ان الزواج حلم كل بنت لكن نصيحه لاتخلين هالحلم يخرب واقعك واذا لك نصيب بيجيك ولاتنسين تاخذين بالاسباب كذالك ارقي نفسك انتي وخواتك وبيتكم لان كثير سبب تااخر زواجهم يمكن سحر او نفس

سبحانك اللهم وبحمدك لااله الا انت استغفرك واتوب اليك

أنااعرف بنات (بشرتهن سمراء او بالاحرى سوداء)
تزوجن وتطلقن وتزوجن مره ثانيه
يعني ليش مايحق لك ناس تتزوج اكثر من مره وانتي كاتبه هل يحق لي ان احلم !!!بالزواج
انتي توكلي على ولاتحطمين نفسك وثقي بالله
والله انا اللي اكتبلك مرلايت بسنوات مايعلم فيها الا ربي كنت ابكي دم من الهم والغم واموري المتعطله وكنت ودي يجيني نصيبي حالي حال البنات ؛ وماشاءالله لاقوة الابالله
هذا انا الان متملكه وربي يجبر بخاطرك مثل ماجبر بخاطري
انتي تدعين العزيز الجبار الحي القيوم............ له الاسماء الحسنى
لاتياسين وادعي وادعي وادعي وماتدرين متى ويين الخيره .

باااااك
ياقمر رديت مره ثانيه عشانك اعرف رقم خطابه تقول عندها سمر بس ترى اغلبهم وظايفهم على قدهم يعني شركات وحراس امن كذالك عندها ناس سمر وظايفهم حلوه ضباط ومبتعثين بس تقول قليل ويبون سمر فاتحات لكن الاغلبيه واللي مايتشرطون وظايف على قدهم مدري عنك اذا تبين قوليلي ارسلك رقمها
بس تكفين فكري قبل واستخيري ولاتستعجلين لان الزواج مب كل شي والحياه صعبه الحين وخصوصا اذا انتي مو موظفه ومرتاحه في بيت اهلك اصبري بيجيك نصيبك ان شاء الله غالبا البنت مصيرها تتزوج حتى لو وصلت الخمسين والعنوسه تراها ظاهره عامه الكل يشتكي منها البيض والسمر يعني مالها دخل باللون هو بس النصيب وبشوف عيني وربي فيه بنات سمر الوانهم غامقه والذوق بالملابس ماحولك احد والاسلوب الله يستر علينا وعليهم وشوفيهم بعيالهم وفيه سمر ماشاء الله تبارك ملامح وجسم ولون وانوثه وشعر واخلاق والتزام ومع ذالك مااكتب الله للحين زواجهم يعني مو شرط السمراء ماتتزوج
وعلى قولهم لولا اختلاف الاذواق لبارات السلع واهم شي كوني واثقه من نفسك وحبي نفسك ولاتحطين ان اللون عائق لان لكل لون مميزات وحلاوه ويكفيك جاذبيه اللون الاسمر اللي مافيه لون يوقف ضدها وهالشي شوفيه بعينك انتي بس ابرزي الاشياء الحلوه فيك وعيشي يومك ولاعاد تقولين هالسؤال اللي بالعنوان وابعدي عن الناس اللي تحطمك او نظرتهم سودويه
سبحانك اللهم وبحمدك لا اله الا انت استغفرك واتوب اليك