هل يحق لي أطلب رضاوه ع زواجه أفيدوني؟

السلام عليكم
يابنات انا زوجي خطب قبل 7 سنوات وجاب لي شبكه ك رضاوه وكان بياثث لي البيت اثاث جديد بس ماتمت الخطبه ووقتها أم زوجي قالت في حرمه دقت اليوم عالشيخ وقالت ياشيخ زوجي بيتزوج هل لي حق اطلب رضاوه وملزوم يعطيني ولا لا وقال الشيخ لا مو ملزوم الا بشي من نفسه قلت بنفسي سبحان الله ماجت الحرمه تدق الا بوقت زواج زوجي المهم عدت الايام وماتم زواجه منها
وقبل سنه بالضبط دريت انه هو وامه رايحين يخطبو من ناس هو قال لي وهي قالت له لحد يدري ان رحت معاك وانا اللي اعرفه انها ضد عيالها يتزوجو الثانيه لانها غيور مره ع زوجها الله يرحمه ودايم تقول الحمدلله مات ماتزوج ولما خطب قلت ابي رضاوه 20 الف منها أصلح أسناني ابتسامة هوليود واجدد ملابسي وقتها وافق ونفس الشي ماتمت الخطبه
والحين طالع لي بسالفة أن الرضاوه مهي بالدين وانه مو ملزوم يعطيني وانا عارفه انه امه اللي قايله له انا عارفه انها مو بالدين بس مو تعويض ع صبري طول ال15 سنه ع الفقر والحاجه حارمه نفسي ابسط الاشياء ويقول باتزوج ولا ريال اعطيك قلت قول للي يقولو لك مو بالدين ترى مو بالدين بعد اني اغسل لك واطبخ لك وانظف لك هات دليل من السنه والقران يلزمني بالطبخ والغسيل والتنظيف
والله يابنات باموت من القهر وافكر اذا تزوج اترك له البيت لانه مايستاهل هالتضحيات وامه ليش تحرضه وهي حاسه بحرارة الضره بس متطمنه زوجها ميت ماقول غير حسبي الله ونعم الوكيل
ايش رايكم معاي حق اطلب رضاوه ولا لا لانه لو مومقصر بالبيت مايحق لي اعترض بس مقصر مره وامه دايم تقول له صلح بيتك لان الكل يعرف ان بيتي اقرب ماله خرابه
ولا أهج واترك له كل شي