👍👍

اشكرك عزيزتي نجمة ،، انتِ الأروع 🌹

السلام عليكم


والله ردود البنات احد مثاليه لدرجة طلع علي الضغط
واحد واقعيه لدرجه خفت عليك
والبعض ترد على الهامش والبعض من خلال تجربتها هي فقط مش تحط نفسها مكانك
وبكذا انتي بتضيعين بين اراء مختلفه


لكن اقولك يا اما تصلحين امورك من النقطه اللي انتي وقفتي فيها وتتصالحي مع زوجك
ياترجعين من النقطه اللي بالبدايه وتعدلين كل شي من الاساس
وهي انه تخلي ابوك الله يحفظه يسحب السياره منه وتخلينه يروح الدوام حافي وانتي ان لك مشاوير استعيري سياره من خواتك ولا من ابوك متى بغيتي اتصلي احد تمر تاخذك الحمدلله الآن القرار مسموح للكل


وكمان خليه يسحب الشقه ويقول بياجرها ولا بيبيع العماره ولا اي شي ويقوله تقلع انت وحرمتك وعيالك انت رجال وكيفك تصرف




وهنا بيظهر معدنه اذا يبغيك بينزلك بشقه من عرق جبينه واذا لا بيكون طلقك وارتحتي من الهم اللي تقولي عليه وماراح تندمي عليه بيوم من الايام وبتقولي هو ما تمسك فيني عشان اعض اصابعي ندم عليه


والعيال ياشيخه بيكبرون تحسسوني ان عيال المطلقات ساكنين بشهار
لا يالغوالي بالعكس اكثر الناجحين هم عيال مطلقات ولما يشوفو بحياتهم امهم اكلت قهر هما يحاولو ينجحو ويشتغلو ويكونو اسره اقوى لكن عيال الدلع يظلون مستهترين بالحريم حتى تزوجو


ارجو تغيرون فكره انه مطلقه يعني عيالها ضاعو الا اذا الحرمه ماتقدر تربي هنا تستاهل تجلس مع زوجها حتى كسر راسها عشان لا تضيع العيال


لان التربيه على الام اما الرجال بالغالب بين الدوام والسفريات لا نكذب على بعض


وبعدين تقولكم رجال مريض


ولكن بعد هذا كله ارجع لك يالاخت صاحبة الموضوع :
انتي بعد هذه التنازلات كلها حسيتي انه خلاص لازم يوقف فهذا شي طبيعي حريم بيجننو عليهم وبعد فتره صارو مايحبون ازواجهم
احيانا المقارنات بيين الغير اذا لك صاحبات يحكون عن دلع ازواجهم لهم ارجوك ابتعدي عنهم
واذا احد من خواتك تسافر مع زوجها او تحكي لك عن دلع زوجها لها اطلبي منها ما تحكيلك


لان هذا الشي يؤثر نفسيا عليك


وماتعرفين ان نص هذولا اللي يتدلعو بازواجهم بالمجالس يمكن ياكلو ضرب كمان ولا يحكو بس الله يهديهم يخربون على باقي الحريم اللي قلوبهم بيضاء ويصدقو انه فيه رجال بعد الزواج وبعد العيال عاده يدلع الحرمه


قلو وقله قليله من الرجال اللي كذا




ولكن لا تنسي ان تعيديه من الصفر وتحسسيه انه لازم يصرف بيته بنفسه وبلاش تعطينه من خير ابوك


واذا تخلى عنك جاك الفرج وخلي ابوك يعيشك بالشقه نفسها وسيارتك تحت يدك وش عاد بغيتي اصلا الرجال كذا كذا ما يعطيك حقك الشرعي فماعليه الحسافه بشي لا بدنيا ولا بدين ماغير انك تكسبين اثم في نفسك وبعيالك اكيد نفسيتك زفت عليهم




الله يفرج كربتك يالغاليه واستخيري قبل كل شي

ابوك ماقصر ومسكنك عنده انتي وعيالك وزوجك وجوده زي عدمه مااقول لك تطلقي بس اطرديه وخليه يتمرمط كم شهر عشان يعرف قدرك ان رجع وتعدل فهو خير من رب العالمين وان ضل زي ماهو والله ماعليه حسافه لو تركتيه واحد غيره مفروض يبوس رجلك ساكن ببلاش وتصرفين عليه ومشتريه له سياره وش باقي ماسويته له وكل هذا ولا يقدرك صراحه ماعليه حسافه ابد

الله يفرج همك
سبحان الله العظيم