هل يحق لي طلب الطلاق ؟!!

السلاام عليكم ،، 
انا بدخل بالموضوع على طول ،،
انا متزوجه من سنه عمري 25 مشكلتي مو مرتااحه بحياتي الزوجيه لاسباب كثيره اولها عمل زوجي شفتات يجلس ساعات طويله بالعمل وانا  لوحدي في البيت وماعندي جارات يطلعون ويونسون .. ثاني شي ساكنه مع اهله وماا احس باستقلال وحريه في حيااتي كل شي مرتبط فيهم العزايم والرحلات حتى الضيوف مايجون عندنا يجون عند اهله وينادوننا والكشتات معهم مااحس باستقلاليه وحريه  زوجي ماهو اجتماعي ماعنده اصدقاء ولا معارف بس اهله ،  يجي من العمل ينام يصحى اليوم الثاني جالس على التلفزيون اذا قلت طلعني  طفشانه وداني مكان بعيد لوحدنا مافيه ناس وكل مره يطلعني نفس المكان اذا قلت ودني منتزه عام او مجمع  يقول مما احب الناس وزحمتهم لاتقولون كلميه وخذيه باسلوب وفهميه " تعبت اقوله لدرجه اني بكيت قدامه من حالته وانطوائه ولا تغير "
..رابعا زوجي يدخن وبشراهه وريحه فمه شنيعه اكرهها وتحوم كبدي نصحته كثييير وكلمته بكل الاساليب ودايم ادعي له بس لا حياة لمن تنادي 
وممره قبل 6 شهور شفت معاه حبوب بيضاء طلعت كبتاجون وانصدمت يوم شفتهاا وبكيت  وتأزمت وواجهته وحلف انه ماياخذها الا اانادر واقسسم لي انه ماعاد يقربهاا ، بس ممدري اخاف انه باقي يستخدمها الى اللحين زي الدخان يقول والله لاتركه والى اللحين مااتركه ،،
.. خامسا اكيد اقل شي تتمناه البنت العادية قبل تتزوج  شقه حلوه  وبسيطه على ذوقها وتحط لمساتها وابداعاتها فيها تعزم صديقاتها وهي ممرتاحه حتى تجلس فيها تحس بالراحه لكن انا ولااا شي من هذاا تحطمت من شقتي صغيره وقديمه واثاثها شين و على ذوقه  ، جاتني ضيقه منها حاولت نطلع منهااا بس مافيه امممل يقول ما اطلع من بيت ابوي اروح استاجرر يقول اصبري 15 سنه اعممر اسكنك بيت ملك 😭😭 انا من وين لي الصبررر بعدين الترميم غالي وعنده قروض ما يقدر يسوي شي فيه حتى لو رممه انا كارهته صغيييير مره ولو جا لنا عيال مافيه الا غرفه نوم وحده ،  وطبعا الراتب مايلحق الراتب مماادري وين تروح فلوسه ممو من كثر ما انزل السوق ولا صرفيه البيت وساكن بلااش ، ولا يقدر حتى يشتري ارض عليه قرووض واحس مستقبلي مجهوول  معاه نفسي يكون عنده ارض على الاقل اكون على امل اني اسكن بيت حلوو ومستقل 

بختصااار انااا مليت من حياااتي ما احس زي المتزوجات اللي تروح وتجي وتعزم وتطلع وتسافر وساكنه بيت حلو اناا محروووومه من هذي الاشياااء كلهاااا دااايم لوحدي بالبيت واذا رحت لاهله زاد الطفش اكثررر واكثررر ماهم يونسون كله معصبين وطفشانين 

صررت انطوائيه ودااايم ابكي ومتحطممه من كل شي ، نفسي اطلب الطلااق وارتاح من السجن اللي اناا فيه