هل يريدني حقاً .. أم أتركه ؟!

السلام عليكم ورحمة الله وبركاته


:27: انا مسجلة بهالمنتدى اللي اكثر من رائع من فترة طويلة ومتابعة للمواضيع وردودكم اللي تبرد الصدر فهذا شجعني لطرح مشكلتي هنا وأتمنى منكم التفكير دقايق معي بمشكلتي والرد علي بما تجود به قريحتكم !

مشكلتي تتلخص بالاتي : انا ارتبطت بقريب لي من فترة قريبة ولله الحمد ، ومع اني مؤمنة بقضاء الله وقدره لكن اللي صاير سوء الحظ ملازمني فسبحان الله مع كل فرحة بقلبي تُغتال من طرف اهله ومع ذلك كانت عائلتي تختلق لهم الاعذار وذا كله كان قبل ارتباطنا رسميا ..
ونحن الان بفترة الخطوبة الرسمية ( الملكة ) وبدأت اكتشف فيه اشياء مرات اقول عادي ومرات يفيض فيني وافكر انه خلاص انهي ارتباطي فيه ! :icon33: لكن المشكلة انه قلبي متعلق فيه :(
ادري انه مافي انسان خالي من العيوب لكن عيوبه كثرت بعيني :D وانا ماادري هل ذا كله بشخصيته وذا طبعه او انا مكبرة الموضوع ولا انه مغصوب ومايبغى يرتبط فيني او انه متعلق بوحده مع اني سألته ورد انه الزواج مو لعبة محد يقدر يغصبه وهو يبغاني انا :27:
اللي مو عاجبني فيه اولا : تصرفاته اللي تدل على عدم الاهتمام بشخصي واللي واضحة من قلة اتصالاته - زياراته - ولمن يجي يزورنا مايجيب هديه معاه - كلامه جدا قليل وبعض الاحيان الاحظ منه الكذب وكثرة السرحان..
لكن فيه شيء حلو لمن انبهه على شيء ينتبه بعض الاحيان ويحاول مايكرره
انا ماادري وش الحل من عدم الاهتمام ذا لاني تعبت من التفكير
وعذره من ذا كله انه تعبان ومو بيده وانه عنده شغل ومايحب اني اسأله عن شغله فهو قاعد كأنه يحط حاجز بيني وبينه..
انا ماادري ولاعندي خبرة لا بالاشخاص ولا بالحياة لكن من تجارب زميلاتي وصديقاني انه الرجل بهالفترة يكون عطاءه اكثر من المرأه وانه البنت عاد اللي تتغلى !
:angry: وانا اللي صاير معايا العكس انا اللي اتصل واكلم وهو اللي ساكت ويتغلى !

زميلاتي يقولون لي انه المفروض انا اطنشه ولاعاد اتصل فيه !
وبعضهم ينصحوني انه انا ألف من يتمناني فخلاص انفصلي عنه ذا مو شاريكي وانه انا ايش شايفة فيه لا من ناحية الشكل ولا المستوى التعليمي ولا المعيشي
لأني انا بالفعل تنازلت فيه عن اشياء كثيره وفضلته على كثير غيره وبالمقابل هو لسه كلمة احبك لي ماقالها !
ووحدة من زميلاتي تقولي لا تنفصلي عنه دامك خلاص ملكتي اصبري عليه ان شاء الله يتعالج ويتغير بس خليه يداوم عند الشيوخ والادوية لكنه هو مابيداوم على علاجه حتى :(


تكفووووووووووووووووووون انا تعبت أبي حل بالله فكروا عني الله لايبلاكم بمثل هالمشكلة لكن جد عجزت العقل يقولي اسيبه لكن قلبي تعلق فيه


الله يسعد قلب كل وحده ترد ويسخر لها زوجها ويخليها في عينه جوهره