هل يزعل هالموقف ؟؟

مساء الخير على الحلوات انسات ومتزوجات ومنفصلات وارامل ,, حبيت اسألكن لو مر من عندكن هالموقف هل تحسونه شيء يزعل ,, لو كنتي بعزومه والمجلس مليان من جميع الاعمار وكلهن متزوجات (( طبعا هالناس يزوجون بناتهم بدري بعد الثانوي ع طول وقليل اللي تدخل جامعه )) ,, وما في مكان الا واحد وجت اخر ضيفتين متزوجات ,, ووحده جلست وبقت وحده وجت صاحبه العزومه وقومت وحده من الضيوف (( دكتوره ومو متزوجه )) وقالت لها اجلسي مع الصغار بالمجلس الثاني ,, بالرغم ان في المجلس من هم اعمارهم اقل من عشرين ومو داخلين جامعه ومتزوجين حديثا جالسات بصدر المجلس ,, هل راح تستغربين من الموقف ولا الشيء عادي ,, انا الصراحه نقدت عليها ,, جداتنا كانوا يفصلون البنات عن الحريم علشان سوالف الزواج وعيب لكن اللحين المجتمع اختلف والنت ما خلا شيء يعني معقوله دكتوره وما تفهم سوالف الحريم ؟؟ والدكتوره جلست مع الصغار منقلب وجهها وما شفنا خشتها في العزومات اللي بعدها ,,