هل يستحق الكره الي في قلبي

السلام عليكم ورحمه الله وبركاته خواتي انا لست عضوه جديده بس غيرت الاسم علشان فيه عضوات معانا يعرفوني اولا ابي اقولكم سالفتي انا انسانه متزوجه منذ 16 سنه وعندي اولاد الحمدلله الله يخليهم لي امين بس مشكلتي اكره زوجي كره الموت تعرفون وشلون كثر انا كارهته بس ساكته علشان عيالي تقولون لي ليش انا راح اقولكم مواقف صدرت منه ناحيتي هي كثيره احتاج صفحات علشان اقولكم بس الي ماثره علي بالمره الي دايما بين عيوني ماني قادره انساها خاصه اذا جيت انام مرت علي السنين كانها لحظات وخاصه المره منها انا ابي اقولها1-اول شهر زواج دايما يسهر بس اسكت يعني مايرجع الي البيت الا الساعه 7 صباحا بس مره كان رايح لبيت بنت اخوه وسهران عندهم هي وزوجها ماكنت ادري انه عندهم علي بالي عند اصدقائه كالعاده بس من بكري صار عندهم عشا وعزمونا ورحنا لما اجتمعو الحريم قالت لي قدامهم علشان تحرجني قالت فلان عندنا الي الساعه 4 الفجر تقصد زوجي بس ماتقول عمي الانها اصلا ماتحبه بس قلنا له ياخي ماوراك زوجه تسهر الي الفجر احنا نبغي ننام وتضحك انا سكت الاني مادري انه كان عندهم وانحرجت بس اختها هاوشتها وسكتت لما ركبنا السياره قلت له قالي وش دخلك وصارت هواش كثير بس ماهو موضوعي لاني ابغي رايكم 2-الثاني كنت بالسوق وكنا ايام عيد وطلبته وحنا داخل السوق ابغي اشتري عبايه الامي هديه والله كانت185 ريال ياليت رفض ومشينا الا صار قدام الناس يهاوش ويصارخ يقول استري لعجوز عبايه ودفع المبلغ باعلي صوته انا انحشت السياره استحيت الا تقولون مامعه الا راتبه تقريبا 14 الف وماهو بخيل بس نذاله علي شاني 3-كانت امي تعبانه وبيتهم شوي بعيد عن بيتي فارحت علي شان اشوفها بس والله يمكن ساعه الاني ينجن اذا دري اني رحت زياره طبعا كان ايامها مانعني اروح طبعا تقولون ليش كل هذا علشان امه هي ساكنه معنا بالبيت ماتروحين وتتركينها بس لنا تركت عيالي بالبيت وخذيت بنتي عمرها 6 شهور بس شوي علشان اشوف امي رحت علي رجولي مشي وهو دري اني رحت تخيلو والله قعد يدور بالشارع حتي شافني طلعت من بيت اهلي والله قعد يلحقني بالشارع ويهاوش هوبالسياره وانا علي رجولي والله اركض بالشارع ممكن يسوي اي شي ولحقني علي البيت وجلس بحوش الحريم لما دخلت طردني من البيت ويبغي ياخذ عيالي مني بس ترجيته وسكت حسبي الله ونعم الوكيل 4- الموقف الرابع قمه الظلم والله العظيم اني صادقه كنت حامل بالشهر السابع وكانت الساعه 2 الظهر مخلصه شغلي وجيت انسدحت شوي حامل وشغل بيت جا عندي قالي فلان جاي طبعا اخوه قال يبغاكي تصلحي له قهوه قلت والله تعبانه طيب زوجته وين قال حرام مسكينه تعبانه كانت حامل بالشهر السادس قلت طيب انا مثلها حامل بالسابع قال الا انتي مافيك البلا قلت طيب بناته كان عنده ثنتين بالثانوي قال مالك دخل وجا يبغي يضربني بالترمس 5 - كان زواج اختي ومنعني اروح اشتري ثوب لزواج اختي ليش قال علي شان ماتروحين وتتركين امي وانحرمت ماشريت هالموقف مر عليه 5 سنوات ياكثر المواقف 6 - الموقف السادس امه تسوي الله يكرمكم بكل مكان هي تمشي مافيه شي بس يمكن عندها رخاوه في المناطق الله يعزكم مايضايق الا البراز وغسله من علي الموكيت يوم قلت له قال امي حره لو تبغي تسوي فوق راسك هي حره بنات والله المواقف كثيره الي تقهر بس بجد انا هالحين كرهته بس علشان عيالي تخيلو والله اكره حتي انام عنده اهرب ماحس احساس الزوجه ناحيه زوجها هل معي حق في كرهه والله ارتاح لما يطلع من البيت استانس حتي احيانا استغفر الله اتمنا له الموت ارجو من خواتي الي تبغي ترد تحط نفسها مكاني وتحكم