السلام عليكم
كيف الحال يا بنوتات
انا متزوجة لي سنة واحب اخذ ذوق اللي معي بالرغم ان ذوقي الحمدلله حلو بس احيانا اذا احترت في شي اخذ راي احد
تزوجت قلت الحين بشتري على ذوق زوجي وبخلية هو بعد
يختار لي لبس بذوقة علشان يشوف اختيارة علي:hahaha: مصدقة ان الاخ رومنسي ولا كفو
وصرت كل ما رحت اتسوق معة وقليل يوديني السوق بعد الحنة على راسة مايحب السوق ابد:06: وحنا يالبنات نحب السوق بس ماروح الا لحاجة احتاجها واذا وداني ماد البوز شبرين:hahaha:
واقولة وش رايك باللبس هذا اخذ راية يقول مدري كيفك انتي اخذي اللي يعجبك اقول طيب وش رايك فية حلو ولا مو حلو ولا اخذ لون ثاني وكذا كلة مدري مدري كيفك تعبت مدري متى يقول اخذي هذا ولا احب اشوف هاللبس عليك ويختار معي يشاركني
مثل باقي الرجال اللي مع حريمهم يتسوقون ومبسوطين واللي ماسك يد حرمتة كأنها بتطير :o وانا يد يمين يد يسار الله يخلف:hahaha:
حتى اكياس اللي اشتريها ما يتنزل يشيلها عني وانا اشيل وانافخ من التعب:06: ياعمري علي
مرة بالعيد اول زواجي رايحين نتسوق وشفت بلوزتين عاجبيني
طبعا هم نفس بعضهم بس اللون يختلف وانا محتارة اي وحدة آخذ:p
كل بستشير بو الشباب قلت وش رايك قلبي اي وحدة احلى هاذي ولا هاذي قلت مدري كيفك انتي:06: قلت طيب انا بلبسها لك انت
قال اخذي اللي يعجبك قلت اجل باخذهم ثنتينهم:hahaha: وخذتهم وراح يحاسب المسكين يستاهل محد قال لة مايقول وش الاحسن خلني اورية العين الحمراء من اولها :p
ويالله الحين ابي تجاربكم مع ازواجكم هل يشترون على ذوقهم لكم
وهل يعطونكم آرائهم واذواقهم في الملابس او لا؟
لا تبخلووووووووون بالردود نبي تفاااااااااااعل يا الغاليات
(ربي يرزق كل ما تتمنى الذرية الصالحة والازواج الصالحين ويشفي جميع مرضانا ومرضى المسلمين ويرحم موتانا و موتى المسلمين يارب)
يلزم عليك تسجيل الدخول أولًا لكتابة تعليق.
أفضل انت تختاري وماتاخذي شوره ابد
وبيني له انك انت الذوق اللي ماتحتاج استشارة واثقة من نفسها ومن ذوقها
اني نهائي بالسوق ماآخذ رأيه أعتمد على نفسي وبس وماأحب حد يتدخل اصلا
وبيني له انك انت الذوق اللي ماتحتاج استشارة واثقة من نفسها ومن ذوقها
اني نهائي بالسوق ماآخذ رأيه أعتمد على نفسي وبس وماأحب حد يتدخل اصلا
الصفحة الأخيرة
صح انه يعطيني رايه أوقات بس ماودي يروح ابداً معي ..
ماتعودت اتسوق ومعي رجال , طول عمري ببيت أهلي اتسوق ومعي اختي