عاشقة خيــــال :

الوالد الله يرحمه ويسكنه الفردوس الاعلى من الجنة قبل لايموت كان دائما مبتسم وكان طول الوقت يجلس مع الوالده الله يطول في عمرها ويمسك يدينها ويناظر في عيونها ويبيها جنبه قبل لايموت الله يغفر له اشترى كل اغراض البيت وكان فيه كم شغله في البيت يبيلها تصليح صلحهم وكتب في ورقة كل اللي له واللي عليه سبحان الله قبل لايتوفى بكم شهر كنت احلم ان اسناني الامامية طايحة وغير كذا احلم حريم في بيتنا لابسين عبايات ويصيحون وانا في حزن شديد ..وصار يتكرر علي هذا الحلم بس الغريبة ماكان تفسيرها موت ..اللي صار ان المنظر اتحقق في الواقع وغير كذا مدري وش صار فيني تجيني افكار غريبة اتخيل ان الوالد الله يرحمه مات واقعد اصيييييييح واكلم صديقتي واقول انا مدري وش راح اسوي بدون ابوي واصيح عندها .. وفي نفس اليوم اللي مات فيه وفي نفس الساعه اللي صار عليه الحادث ومات حسيت بخنقة غير طبيعيه وكأن روحي تبي تطلع مني وسبحان الوالد اتوفى الوالد في نفس الساعه !! في اخر مرة شفته سافرت عشان الدراسة وهو يودعني في المطار حسيت بشعور غريب سلمت على راسه وحضنته ومشيت وهو يناظرني نظرة غريبة ..ًصرت امشي على قدام وراسي لورا اطالع فيه وهو واقف الى مارحت من عند البوابة وقلبي متقطع عليه.. اعتذر على الاطالة لكن الموضوع قلب علي المواجع الله يرحم الوالد وموتانا وموتى جميع المسلمين

الوالد الله يرحمه ويسكنه الفردوس الاعلى من الجنة قبل لايموت كان دائما مبتسم وكان طول الوقت...