الله يرحم موتاااكم ....

الله يرحم موتى المسلمين

انا وحده قريبتي ، توفت وعمرها 16 سنه .. كانت نايمه وجات امها تصحيها عشان تروح المدرسة وتآخذ شهادتها سبحان الله لقوها ميته بفراشها
وقبل ماتتوفى بأسبوع كلمت خالاتها وجدتها وكل إلي نعرفهم من قرايب ابوها وأمها ، حتى امها كانت تهاوشها تقولها ذاكري ، تقول طيب بس نفسي اسمع صوت فلان او اسلم على فلانه.. وكمان امها كانت حامل في الشهر 8 ..تجي عند امها وتقولها في بطنك بنت وراح تسميها (نجود) على اسمها ، جلست امها تهاوشها تقولها كيف اسميها نجود وانتي اسمك نجود >> صارت تقولها بتشوفين بعدين اذا ماسميتها نجود ووعد
وقبل ماتموت بيوم (كان آخر يوم في الأختبارات النصفيه) صديقتها لما جو العزى كانوا متجننين و مومصدقين ..يقولوا امس كانت تلعب معنا بالمدرسه عشان آخر يوم بالأختبارات
حتى وهي طالعه يقولها صديقاتها نشوفك في الترم الثاني ، قالت >> لا انتو راح تجو العزى حقي.. سبحان الله كانت حاسه
وبعد ماتوفت ، راحو يلمون أغراضها ..لقوا الكتب حقتها والدفاتر إلي كانت تذاكر فيها وفتحوها ,, لقوا طول ماكنت تذذاكر تكتب على جنب في الكتاب او الدفتر كلمة (موت) او (القبر) وتزخرف الكلمه..ولقوا رساله لصديقتها تطلب منهم يسامحونها
وقبل ماتروح تنام سلمت على اختها الكبيره وعلى أمها وتبووس فيهم ..حتى اختها تضايقت منها تقولها خير إيش عندك تبوسيين فينا ..قالت بكره تدورين عليا ماتلاقوني

لاآله الا الله .. الله يرحمها يارب > والله الى الحين حكايتها مأثره بالكل مع انه لها 3 سنوات
وفعلآ امها جابت بنت وسمتها بأسمها ..

الله يرحم جميع اموات المسلمين ولا يفجعنا بغالي ..

الوالد الله يرحمه ويسكنه الفردوس الاعلى من الجنة قبل لايموت كان دائما مبتسم

وكان طول الوقت يجلس مع الوالده الله يطول في عمرها ويمسك يدينها ويناظر في عيونها ويبيها جنبه

قبل لايموت الله يغفر له اشترى كل اغراض البيت وكان فيه كم شغله في البيت يبيلها تصليح صلحهم وكتب في ورقة كل اللي له واللي عليه

سبحان الله قبل لايتوفى بكم شهر كنت احلم ان اسناني الامامية طايحة وغير كذا احلم حريم في بيتنا لابسين عبايات ويصيحون وانا في حزن شديد ..وصار يتكرر علي هذا الحلم بس الغريبة ماكان تفسيرها موت ..اللي صار ان المنظر اتحقق في الواقع

وغير كذا مدري وش صار فيني تجيني افكار غريبة اتخيل ان الوالد الله يرحمه مات واقعد اصيييييييح واكلم صديقتي واقول انا مدري وش راح اسوي بدون ابوي واصيح عندها ..

وفي نفس اليوم اللي مات فيه وفي نفس الساعه اللي صار عليه الحادث ومات حسيت بخنقة غير طبيعيه وكأن روحي تبي تطلع مني وسبحان الوالد اتوفى الوالد في نفس الساعه !!

في اخر مرة شفته سافرت عشان الدراسة وهو يودعني في المطار حسيت بشعور غريب سلمت على راسه وحضنته ومشيت وهو يناظرني نظرة غريبة ..ًصرت امشي على قدام وراسي لورا اطالع فيه وهو واقف الى مارحت من عند البوابة وقلبي متقطع عليه..

اعتذر على الاطالة لكن الموضوع قلب علي المواجع

الله يرحم الوالد وموتانا وموتى جميع المسلمين

لا حول ولا قوة الا بالله

والله خنقتني العبرة من كلامكم .. الله لا يفجعنا ولا يفجعكم في غالي ..

الله يرحم موتنا وموتاكم ويثبتهم عند السؤال ..

الله يرحم امواتنا وأموت المسلمين أجمعين ويسكنهم الفردوس الأعلى