هل يعايرك زوجك بمواقف قديمه حصلت أيام الخطوبة أو الملكة؟
يعني من ناحية خجلك الزايد أو العكس(جرأتك) ..!؟
هل يذكرك بمواقف إنتي كنتي تسوينها والحين منحرجة؟.؟
بنات أنا لمن أشوف بعض البنات الحين الله يهديهم أيام خطوبتهم أو ملكتهم من ناحية اللبس والكلام اللي ينقال في التلفونات ...أقول هذول مايخافون يذكرونهم رجالهم فيها بعدين.!
وخاصة ً إن اللي حاصل الألحين إنه الحركات للمخطوبات والملكات ... بس تعرس تنسى كل شي (طبعاً مو الكل) فيتذكر المسكين وش كانت تسويله .. يعني تبقى مجرد ذكريات.
والله تصدقون أفرح الحين لمن دايما يقوللي زوجي إنتي جننتيني أيام الخطوبه من ثقلج وتغليج ..
و لمن يسمع شيسوون البنات ألحين من التسيّب الزايد لدرجة إن الوحده تسمح لخطيبها يشوفها ويتمشى معها قبل الملكة يقول لي عفيّة عليج ,, الرجال يحب الوحده الثقيلة إللي يدورها ويركض وراها مب هالخفيفات إللي طايرين على رجالهم.
بس أتنرفز أحيانا ً لمن يقلبها علي ..
ويقولي ما سويتي فيني خير لمن كننا مملكين .. كنتي بتخليني أتهور من حركاتك.. وطبعا عييّار ما سويتله شي ..بس تدرون ملاهيف أول مره يشوف بنت ..
المهم يا بنات شاركوني آرائكم ..هل تشوفين إن الرجال يتذكر..ويحسبها عليها من ناحية الثقل أو الخفة..؟
وهل إنتي مع أو ضد الدلع الزايد..؟
لأن بصراحه في كثيييييييير بنات يتبعون أسلوب المياعة والإغراء من أيام الخطوبة ..
وأنا بصراحة دايما نصيحتي : الثقل والتغليّ عن تجربة هم الي يعذبون الرجل
عسـل @aasl_5
عضوة نشيطة
يلزم عليك تسجيل الدخول أولًا لكتابة تعليق.
violet_roo7
•
هههههههههههههههه وليش تبين تعذبينه .................... انا اسلوبي الحينه وياه طنش تعش وهو يخبر الوالده هاذي ما تحس فيني .... بس اللي لفت نظره اكثر الحياء ........ وبس ما حبيت اظهر من غير رد :)
تعذيب عاد ؟؟
خير الامور الوسط
اذا ملك عليي فهو حلالي و انا حلاله.. بس طبعا احنا عندنا عادات و تقاليد واضعين لها ضوابط و امور في الحسبان
انا بصراحه كنت البس و اتزين و اتدلع عليه ..... و حشى بالله ماعمره عايرني و لا ذكرني بشي يضايقني
لانه اصيل .. و الاصيل يحترم زوجته ام عياله و يبتعد عن هالامور السطحيه اللي مالها داعي الا هدم السعاده ...
موضوع حلو .. اشكرك على طرحه اختي عسل
خير الامور الوسط
اذا ملك عليي فهو حلالي و انا حلاله.. بس طبعا احنا عندنا عادات و تقاليد واضعين لها ضوابط و امور في الحسبان
انا بصراحه كنت البس و اتزين و اتدلع عليه ..... و حشى بالله ماعمره عايرني و لا ذكرني بشي يضايقني
لانه اصيل .. و الاصيل يحترم زوجته ام عياله و يبتعد عن هالامور السطحيه اللي مالها داعي الا هدم السعاده ...
موضوع حلو .. اشكرك على طرحه اختي عسل
شابورة
•
هلا والله بعسل .. موضوعك لذيذ زي العسل ..
أنا عن نفسي .. كان يكلمني قبل الملكة الله يهديني واياه وبعد مااخذ موافقة ابوي وامي ..
كنت مررررررررة خجولة معاه ولما يسألني يادوب ارد عليه .. وبعد اول اسبوع من الملكة
والله ماصار بايدي اثقل عليه خخخخخخخخخخخ .. ولا هو يمكن فوق ال4 مراااات يتصل علي في
التلفون .. وكان كل اسبوع يجي من الرياض عشان يشوفني .. بس انا من رأيي ان المخطوبين
لازم يعيشو حياتهم ليش اضيع الايام الحلوة بالثقل والتطنيش والله مو معاكم انا .. ولهفة
الخطيبة لخطيبها مو خفة بالعكس هذا زوجي وحلالي .. هذا رأيي واذا كلامك صحيح
كان ينقال عني اخف من الهوا خخخخخخخخخخخخخخخخ .. لاني كنت اتدلع عليه
واتغنج وكان ينجن بحركاتي ..
ويعتبر زوجي ايام الملكة من احلا ايام عمره وانا بعد .. الله ياخذ ابليسك دخلتيني جو وذكرتيني
باللذي مضى ..
شموخ ينصر دييييييييينك والله كلامك عين العقل فعلا الرجال الاصيل والمحترم مايحط
الامور هذه في باله ويحترم زوجته وام عياله .. روحي ياشيخة الله يسعدك دنيا
واخرة ..
أنا عن نفسي .. كان يكلمني قبل الملكة الله يهديني واياه وبعد مااخذ موافقة ابوي وامي ..
كنت مررررررررة خجولة معاه ولما يسألني يادوب ارد عليه .. وبعد اول اسبوع من الملكة
والله ماصار بايدي اثقل عليه خخخخخخخخخخخ .. ولا هو يمكن فوق ال4 مراااات يتصل علي في
التلفون .. وكان كل اسبوع يجي من الرياض عشان يشوفني .. بس انا من رأيي ان المخطوبين
لازم يعيشو حياتهم ليش اضيع الايام الحلوة بالثقل والتطنيش والله مو معاكم انا .. ولهفة
الخطيبة لخطيبها مو خفة بالعكس هذا زوجي وحلالي .. هذا رأيي واذا كلامك صحيح
كان ينقال عني اخف من الهوا خخخخخخخخخخخخخخخخ .. لاني كنت اتدلع عليه
واتغنج وكان ينجن بحركاتي ..
ويعتبر زوجي ايام الملكة من احلا ايام عمره وانا بعد .. الله ياخذ ابليسك دخلتيني جو وذكرتيني
باللذي مضى ..
شموخ ينصر دييييييييينك والله كلامك عين العقل فعلا الرجال الاصيل والمحترم مايحط
الامور هذه في باله ويحترم زوجته وام عياله .. روحي ياشيخة الله يسعدك دنيا
واخرة ..
الصفحة الأخيرة