أختي ولدك لسه صغير وأنا أولادي طفشوني مستحيل ينامون لوحدهم
وخاصة ولدي الكبير عمره 6سنوات ما شا ء الله وما ينام إلا يمسك يدي
واللي عندها حل تقولي عليه .

اهههههههههههه انا ولدي ماينام الا لما ارضعه من صدري وهو بيقرب
السنه ....م:32::06:عاناه ..حتى ماني قادره افطمه اللي عندها حل لا تبخل علينا !!!!!!!!!!!!

أخواتي اللائمات ؛ أنا أتمنى إني أعطي طفلي كل الحنان اللي يحتاجه ، لكن المشكلة إنه أحيانًا يكون راضع قبل نصف أو ربع ساعة وبعدها ينعس ، مو ممكن أرضعه مرة ثانية ، لأنه راح يرجع ، فأيش ممكن أسوي في هذه الحالة؟!!

والله الأطفال يختلفون منهم اللي مريحين أمهاتهم ومنهم اللي مطلعين عيون أمهاتهم أنا مثلاً طفلي سهرت الليالي وياه في شهوره الأولى وما كان يبغي إلا اني أتم شالتنه وتعذب من الغازات والمغص لدرجة انه كانت تمر الأيام وأنا مب راقدة
كان يرضع شوي ويرقد وهو يوعان وبعد نص ساعة يوعى يكمل رضاعة يعني مأساة
بعدين قام ما يرقد إلا جنبي وأهزه وأغنيله الين ما تطيح جبدي يالله يرقد
وألحين بعد السنه صار ينام وياي على السرير في الليل يكون الليت مبند والجو هادي وبعدين أشله أحطه في سريره بس إذا انتبه وأنا أحطه يتم يصرخ يبا سريرنا

يقولون هذا اسمه الخوف من الانفصال عن الأم


بينما بنت أختي ماشالله عليها من يوم ما كانت بنت 6 شهور وهي تقبظ المرظعه بروحها وتتلحف في سريرها ترضع وترقد والأم مرتاحة

واي جنكم تتكلمون عن معاناتي مع بنتي ودي واتمنى انها تنام بروحها مثل عيال اختي بس ما نس عارفه شلون ادربها عمرها 6 شهور وللحين ما تحب تنام الا وهي ترضع صدري حتى اذا كانت شبعانه و تقوم اكثر من مره بليل ما تبي افراشها جننتني الله يحفظها