هل يوجد حل

مشكلتي اني ركبت تقويم لأسناني عند دكتور فاشل اسمه زاهر جازيه وندمت .. طبعا بالبدايه كتبت معاه عقد ودفعت كامل الفلوس وكان غالي وشغله جدا جدا سيئ
من ناحيه ان بالبدايه قالي اسوي قص لثه وقال مايستوي التقويم الا فيها واروح اسوي قص لثه ويجي يركب التقويم بعدها تجي المعاناه بالتنضيف لثتي صارت تنجرح بسرعه يعني كلمره افرش يطلع دم ..
طيب سكت .. يجي للطامه الكبرى الثانيه يقولي برد الاسنان وطبعا يقولي التقويم مايستوي الا فيها ويحن يحن وبقوه يبي يبرد وهنا القهر طاوعته خرب صفه اسناني وشوه ابتسامتي وهذا اكثر شي ندمت عليه
بعدها قلت ان لازم يشرحلي كلشي يسويه بس رده كان دائما بعدين بعدين !!! بالله هذا رد دكتور
كملت عنده التقويم والشد شسوي بعد دفعت فلوس بعقد ولا اقدر اكمل عند دكتور ثاني .. شوي واقوله جيب انا اسوي الشد انا فعلا كنت افكر اشتري مطاطات واشد لنفسي !
حتى شد مايعرف يشد يشمخ اسناني وتتكسر ادواته اثناء الشغل وتجرح لثتي سببتلي التهابات اقعد ايام اعاني منها حتى السلك مايعرف يشيله يكسر التقويم واصدمكم حتى التقويم مايعرف يفكه جدا يده ثقيله ودفش كسر اسناني مع التقويم
اخر شي الدكتور زهق يبي يخلص قام حطلي ثلاث شدات تقويم فكي راح فيها الم مايخليني انام الليل حسبي الله
بعد معاناه استمرت ٦ شهور رحت عياده ثانيه افك التقويم بسعر غااالي واسوي المتحرك استغربو لما قلت الدكتور كسر سني وهو يفك حبه التقويم يقولوا مايصير
والحين اقولكم شكل اسناني قبيح كان قبل البرد بيكون جدا جدا اجمل كانت حتى قبل التقويم اسناني حلوه الكل يقول ماكان في فراغات كثير بس بالوسط الاسنان الاماميه رحت عند هالدكتور رغبه فقط يسد لي هالفراغ وخرب كلشي 💔💔💔
اشتكيت عليه عند المدير الطبي عند هالعياده ومايندرا .. اذا ماتجاوب معاي تكفون قولولي شسوي ايش الحل هل اسوي حشوه للاسنان الاماميه واعدل الي خربه هاادكتور و هل اقدر اشتكي عليه .. 🥺