بسمالله الرحمن الرحيم
شلونكم خواتي.هذي طبعا اول مشاركة اللي واتمنى اتساعدوني لانه ماشالله عليكم داءما اقرة هذا المنتدى واشوفكم شلون تجاوبون اللي يطلب المساعده برحابة صدر
بنات اني شعري خلص من ورة الاصباغ والدكتور نصحني بالحنا الاصليه اللي مو مغشوشة وصراحه اني خايفه لانه لون شعري فاتح واني اموت بشي اسمه شعر اسود او ماروني غامق.ونصحوني انه اروح صالونات الهنود وفعلا رحت صالون اسمه سومر بالشارجه لانه اني ساكنه فيها وسالتها وكالت تعالي واني اخليلج الحنا.بس اني خايفه ليروح شعري يصير برتقالي وزوجي بعدله كم يوم يجي من السفر.بس سمعت في حنا سودة زين هذي وين الكاها بالشارجه وشنو اكول للعطار وهل فعلا تنطي لون غامق من اول مرة استعمال.على فكرة اني قبل 10 سنين كنت كله استعمل حنا بس لمن كنت بالعراق وكان لون شعري فضيع والكل كان يتوقعون انه خاله صبغ برغندي لانه كنت اول قبل مااحني بيوم اخلط وسمه مع لبن واحطهم واطلع للحديقه على الشمس لمدة ربع ساعه يتحول شعري فحم وثاني يوم اخلي حنا ايرانيه اسمها بازركان وهذي لونها احمممممممممممر وكنت مرتاحه عليهم بس تعرفون هالاصباغ اللي بالسوك شلون تغري بعلبها والوانها وتخلينا نترك الحنا ونتوجه الها
المهم طولت عليكم بس كولولي ياصالون مضبوط بالحنا للشعر في الشارجه واللي اطلعلي اللون الغامق او من وين اشتري الحنا السودة من مكان بالشارجه مضبوط واني اخليها لشعري بالبيت بس ياريت تجاوبوني بسرعه الله يخليكم
شناشيل @shnashyl
عضوة جديدة
يلزم عليك تسجيل الدخول أولًا لكتابة تعليق.
شجون20
•
بتصير ين مجنونه لو حطيتي حنا سوداء بشعرك لانها تدمر الشعر وتقصفه انا شفت بنات حاطينها الله لايوريك شي صارت شعورهم تحف والي شعرها ناعم يقلب خشن ولو فكرتي تحطين صبغه عليها اعرفي 1000000% انه راح يطيح او اذا تحمل تقصف نصيحه لك اختي ولكل الخوات ابتعدو عن الحناء السوداء لانها تعتبر تمليس وماهي طبيعيه وفيها مواد بتروليه ولاهي حنا ولاهن يحزنون يقصون علينا بس <<كاني طولت وهذرتي واجد بس من كثر ماشفت ناس تعاني منها
الصفحة الأخيرة
تقطع الشعر بعد 6شهور