هل يوجد شقق سكنية في هذه الأحياء بمدينة الرياض

بحي الحمراء فيه شقق الثنيان .. هو يبني و يبيع .. و الناس يشترون منه و يأجرون .. يعني استثمار
ايجاراتها تقريباً بين 20 الى 22 الف ...
بس نظيفة و جديدة .. ثلاث غرف نوم .. مجلس و صالة ..
روحي الحمراء و دوري العماير اللي مكتوب عليها الثنيان ..
اهم شي تكون خالصة و مبيوعة .. عشان تستأجرين من اللي اشتروا لان الثنيان مايأجر ..
و اذا عاجبك السعر ممكن نسأل عن العماير اللي قريبة لنا اذا فيها شقق فاضية ..
بس راسليني على الخاص لاني ما ادخل المنتدى كثير ...

الحنين مشكورة اختي احنا ما نحتاج نشتري لأنه ما راح نطول مجرد دراسة سنتين أخي ومعه اهله في الكلية التقنية وخلاص راجعين
Guesss سعر الإيجار جدااااااااااااااا مرتفع ما نقدر عليه
جزاكم الله خير على الرد
لكن بجد الله يوفقكم ويرزقكم دورو بيت شعبي بس يكون مسكر زين ومحفوظ أو شقه خيرية أو سكن في مسجد او شقه اجارها معقول يعني في حدود 12.000 الله يرزقكم ساعدونا وترى الشيبان اللي عندي راح يدعون لكم وأنا مستعده اساعدكم إذا جيتوا مكة ندور لكم على بيوت ونحجزها لكم بس ساعدوني في العثور على منزل ولكم دعوة صااااااااااااقة من اعماق قلوبنا جميعا واللي تلاقي تراسلني على الخاص ولكم الشكر والتحية والتقدير

الله لايحرمنا من دعوة الشيبان ويطول بعمر والدينا ووالدينك

اختي الاحياء هذي معروف انها غاليه والان فية ازمة سكن والايجار غاااااااااااااالي
تبغون دور ارضي غرفتين نوم مجلس مقلط ب17بحي الفيحاء قريب من الروابي والسلام
ولا شقة مؤثثه ماتحتاجون نقل اثاث ومكيفه ب20
انتظر رسالة بالخاص ان بغيتي الطلب

الله يوفقكم لعمل الخير والله يعينكم على إيجاراتكم الغالية وش ذا 22.000 و20 عندنا عمارة في حي قريب من الحرم بمكة وشققها مبحبحة وكبار وغرفها كثيرة ومأجرينها ب 15و16و 18 في السنة وكمان سامحين لهم إنهم يأجرون في الحج على الحجاج ما اقول الا الله يكون بعونكم
وما زلت اتقرب بنات الأجواد يدورون عن المناسب والله يجزاكم خير

شقق الثنيان يابنات ماتدرون على كم في البيع؟؟