هل يوجد صابون لغسالة الصحون غير توبي وفنش ؟؟

السلام عليكم يا حوائيات
الحمد لله شريت غسالة صحون وكنت ناوية أنزل تقرير مفصل عنها لكن لهيت مع رمضان
وبإذن الله راح أنزل التقرير بعد ما ينتهي رمضان وأفضى شوي

سؤالي الآن
هل يوجد صابون لغسالة الأطباق غير توبي وفنش ؟
فنش 3 في 1 جدا ممتاز والأطباق تطلع كأنها جديدة حتى الاستيل
لكن توبي مرة ما عجبني :44:
رغم إن سعره رخيص مقارنة بفنش
والحجم أكبر طبعا

لكن لاحظت إن الصحون تصير عليها طبقة بيضا وما تصير نظيفة
والاستيل بعد يبقى فيه نفس هالطبقة وما يصير فيه لمعة
واذا رجعت لفنش رجعت الصحون نظيفة جدا !!

علما إني مستخدمة الملمع من فنش
والملح من فنش
والصابون من النوع البودرة (توبي وفنش)

طبعا صابون المكعبات تبع فنش 3 في 1 مرة غالي فما شريته
وما لقيت أي صابون مكعبات آخر
والعثيم ما حصلت فيه شي غير الملمع والملح
وما لقيت أي صابون ثاني غير توبي وفنش فشريت الاثنين >> في بنده إللي على طريق خريص


فالله يجزاكم الفردوس الأعلى ويسخر لكم جنود السماء والأرض
مين تستخدم صابون زين وسعره معقول ؟ وتدلني من وين شرته ؟
ومين جربت صابون فنش العادي مو 3 في 1 ؟ وكيف سعره ؟ ووين ألقاه ؟؟

تكفون الله يرفع قدركم دنيا وآخرة ارفعوا الموضوع لين أجد الإجابة

وترقبوا تقرير غسالتي الألمانية (Bosch) قريبا بإذن الله :time: