انا الحمدلله نفع معاي الزعتر بس مو العادي
(البري)
اللي يستعمل في صلصات البيتزا الجاهزه
في كوب احط ملعقتين كبار زعتر بري ورق مو مطحون
وبعدين اصب فوقها مويه مغليه
واغطي الكوب تقريبا ربع ساعه
يكون نقع وبرد شوي
واشربه مره وحده اذا الكحه زادت علي
تروح الكحه على طول وادعي للي قالت لي الله يجزاها خير والحمدلله
والزعتر البري احسن شي تاخذينه من محل منتجات اردنيه او فلسطينيه
فيه في الربوه قريب عند جامع الراجحي الجديد بالضبط ما ادري وين
واذا ما لقيتي خذي من عطار عادي بس حاولي تكون ريحته قويه شوي
كمان فيه في اسواق التميمي في علبه طويله شفافه وغطاها احمر في قسم البهارات
يكون زي الاوراق الصغيره خضراء وناشفه ومتكسره بس مدري ايش اسمه

الله يكتب لكم العافيه ويبعد عنكم الكحه
ان شاء الله اكون افدتكم

اهم شئ تشربين سوائل دافية وتبتعدين عن البارد
وما تشوفين شر........

استخدمي الزعتر مثل ما قالت أختنا أم معون المزيون ..

و ممكن اتفورين التين اليابس و تشربيه في اليوم كاسين أو ثلاث و هو دافئ .. مجرب و يفيد في علاج الكحة ..

الله يشفيك و يعافيك و يسهل عليك الولادة ..

ما لك الا الثلاثة هذه .. وتحاولى تقراين الايات فيها : الفاتحة ، المعوذات ، واية الكرسى .. كلا ثلاث مرات

فنجان القهوة تضعى فيه ملعقة صغيرة من العسل .
ملعقة صغيرة من الكركم المدقوق فى البيت .. يعنى الحطب .
قطرات من الليمون.. وماء دافى تقريبا ثلاثة ارباع الفنجان ..

كرريها مرتين فى اليوم صباحا ومساء .. ويستحسن قبل النوم بنصف ساعة .

شفاك المولى وعافاك .

ابشركم لقيت الحل من صديقتي الله يجزاها خير
بس تاخرت علي شوي
لكن يالله مو مشكله
هوشراب من الصيدليه اسمه بروسبان خلاصة اوراق اللبلاب الطبيعي
ماشاء الله
انصحكم فيه واللي محليه انه طبيعي
وماتشوفون شر اخواتي العزيزات
دعواتكم