هل يوجد مدرسة قدرات بالخبر

وعليكم السلام ورحمة الله وبركاته

حبيبتي
في منتدى قدرات للأستاذ محمود النمري
يقيم دورات عن بعد جميله جددددا
وهي مدتها اسبوعين وقيمتها ١٠٠ ريال بس
إذا بغيتي ادخلي للمنتدى
وأنا إحدى تلميذاته

بالخبر صراحه ما أعرف أنا بالرياض
لكن ما شاء الله السنة هذي صار عندكم ثلاث اختبارات
يعني فصلوا التحصيلي عن القدرات هذا احلى شي

بتلقين بالمنتدى تجارب الطلبه إذا انتي مترددة ومنها تجربتي ^_^

والله يوفقكم
اعرفي انك اذا بغيتي تحققين حلمك لازم تتعبين

ياقلبي إنتي مشكوره على مشاركتك معي
ربي يسعدك يارب بس حبيت اسالك
هل انتي اكتفيتي على هالموقع هذا ولا سويتي اشياء ثانيه
بصراحه صايبني اكتئاب وخايفه منه مره لدرجة حتى إختباراتي
حق السنه احس مارح افلح فيها ..!
محتاجه معلومات اكثر ولو في دوره تمسكني من الحين الا وقت
الاختبار يكون شي جيد أتمنى أي أحد يعرف لايبخل علي
وأنا بجرب اللي قلتيه حبيبتي وربي الموفق إن شاء الله

لك الشكر مره ثانيه ~

العفو قلبي ..

شوفي بتكلم لك عن اختبار القدرات..

هو مهارات أساسية + ذكاء ..

طبعاً الذكاء يجي مع التدرب على الأسئلة والوقت والسرعة ..

لكن إذا ماعندك مهارات أساسية ( اللي هي العمليات الحسابية السريعة والقوانين ) هنا تحتاجين مذاكرة ..

والتدريب على أسئلة سابقة أحسن شيء .. وتدربي على الوقت .. يعني مثلا خلصتي السؤال بدقيقة .. طوري نفسك وتدربي عشان تصيرين تحلينها بثواني إن شاء الله

وأقرأي تجارب الطلبة .. راح تزيد من إيجابيتك ..

بمنتدى قدرات ..
نفس الأستاذ الله يعطيه العافية مقسمه حسب الإختبار ..
وكمان التحصيلي إذا أنتي أدبي بتستفيدين من الأسءلة

لكن علمي أظن موادكم مطورة ..

واتذكر كمان نفس الموقع يسوي دورات للتحصيلي بس مو أكيد ..

اتمنى أكون أفدتك .

وتراا ما أدخل كثير هنا ..
فــ عذريني إذا ما رديت بعض الأحيان .. إذا بغيتي شي ضروري ارسلي عالخاص وانا بالخدمة إن شاء الله