تصدقي من المبلغ وربي يبارك لك فيه واشتري بالجمله او من الشركات اللي تكون رخيصه مثل الشركات التجاريه الخاصه الثلاجه العالميه وغيرها مو لازم من الغالي وخلي معاك مبلغ ع جنب لاتصرفيه مره وحده بقي من المصروف للحالات الطارئه
قسمي المبلغ بظروف كل ظرف خصصيه لشي محدد قبل تروحي السوق وربي يبارك

تكفي وزياده ان شاء الله

ببدا معاك بالمنظفات
صابون المواعين : كارفور دايما يسوي عروض على منتج رقم 1 اذا تعرفينه اللتر بـ 3 ريال اذا لقيتي عرض خذي كميه
الكلوروكس : مو لازم تاخذين الكلوروكس العادي ماغيره في انواع ثانيه ونفس المفعول وسعر ارخص مثل منتج رقم 1 وفيه ماركه اسمها كوين وكلهم سعرهم اقل
منظفات الاثاث والحمامات الله يكرمك خذي من العروضات عودي نفسك على العروض مدري وش اكتب لك منتجات لان الناس تختلف

صابون الملابس :
صابون الملابس البيضا : خذي تايد خيشه كبيره فيها 20 كيلو ولونها من برا اصفر او اورنج تلاقينها بمحلات الجمله سعره 145 تقريبا يعني يطلع ارخص من السوبرماركت
معطر الملابس : خذي رقم 1 من كارفور 3 لتر بـ 8 او 9 ريال وفيه منه وردي وازرق وكلهم حلوين
الملابس الملونه : انا بصراحه اغسلهم بصابون اليد السايل عشان ماتبهت الوانها انا اشتري جالون 4 لتر بـ 8 ريال اسم الصابون مذهله واخذه من رامز

المواد الغذائيه :
الرز خذي خيشه ام 40 كيلو اوفر لك بكثير من الخياش الصغيره
المكرونه دايما الاقي عروضات 7 اكياس بعشره او 9 بعشره
الخبز اسعاره ثابته وان بغيتي تحافظين على النعمه من الكب وعلى فلوسك من التبذير اشتري خبز كميه كبيره وحطيهم بالفريزر وكل يوم طلعي على قدك عشان ماتضطرين تشترين كيس 8 صاموليات وتاكلون ثنتين والباقي يجف ويتغير طعمه ولا تستفيدين منه
البهارات اشتري بهارات عدله من عطارين العويس انظف واوفر
الفواكه والخضار احسبي كل اسبوع كم تحتاجين وجيبي على قد الاسبوع وفيه احيانا قدام المسجد تجي سيارات يجيبون خضار من المزارع وسعرها ارخص بكثير من السوبر ماركت
الزيت والسكر اسعارها ثابته واحيانا يسوون عرض على زيوت دوار الشمس وانا انصحك فيه لانه صحي اكثر من زيت الذره
الشاهي والقهوه وغيرهم جيبي الكراتين الكبيره لان فيها توفير اكثر من انك تجيبين علب صغيره خصوصا ان الشاهي يستهلك يوميا وباستمرار
الحليب واللبن خذي منتجات نجديه ارخص من المراعي جربيها واذا اعجبك طعمها خلاص اعتمديها
الزبادي اذا تستهلكونه يوميا خذي العلبه الكبيره ام كيلو اوفر لك وصيري اغرفي منها كل يوم ورجعي الباقي للثلاجه
الدقيق انا اخذ رقم 1 من كارفور
اما الطامه الكبرى وهو الحلا تصدقين ان الحلا هو اللي يدمر الميزانيه لذلك اذا اشتهيتوا حلا خذي من محلات الحلويات اللي ينباع بالحبه تشيز كيك او تيراميسو تصدقين يطلع اوفر من لو تجيبين المقادير للبيت وتسوينه بنفسك وفي الاخير تاكلون شوي ويبقى ثلاثة ارباع الصينيه محد ياكلها


نسيت اقولك الاسفنج وسلك المواعين هذي كلها خذيها من محلات البلاستيك لانها ارخص طبعا
وروحي رامز بتنهبلين من الرخص اللي بتشوفينه هناك

رفع

وين رامز مابعرفو يا ريت توصفيلي مكانو يعني قريب من اي مول او اي منطقة ولك جزيل الشكر

انوثة طاغيه
الله لايطغينا
ايوه تكفي تكفي وتزيد كمان احنا اكثر منكم بكثيييييييييييييييييييييييييييييييييير ماشاء الله واخذ للبيت 2000 ريال واحاول ابقي منها وانا فيه بعض الاشياء اشتريها بالكراتين

فإنتي اطلبي منه 2000 ريال وحاولي تشترين الوازم اللي تحتاجينها وحطي في راسك مبلغ لااااااااااااااازم تجمعينه وتوفرينه حطيه في مكان بعيد عن اليد وكل شهر وفري وحطي فيه

بشرط ماااااااااااااااا تقصرين على البيت

بس بالله عليك في ذمتك لاتسمعين نصيحتي غير لو كنتي قدها ولو كان راتب زوجك مايخس عليه مبلغ 2000 يطلع منه
بلييييييييييييييييييييييييييييز ماني ناقصه ذنوب


وفكرتي هذي لو كنتي مدبره صح

1/ تشترين للبيت براحتك
2/ المبلغ اللي توفرينه ينفعك في الاشياء اللي زوجك يقولك مالها داعي
او تغيرين فيها تنجيدة كنب قديم
او تعملين صدقه عنك وعن زوجك واهلك
او حفلة
او تفكين لزوجك بيها زنقه وهو يظن ماعندك فلوس
او تكرمين فيها ظيف جاكم اخر الشهر على غفلة