همتكم معاي يا بنات وزائرات البحرين(( ايش اشتري من البحرين؟؟))

حبيبتي عندج المجمعات التجاريه
مثل السيف والعالي ومجمع البحرين والدانه كلهم قريبين من بعض ومتواجد فيهم مثل اي مجمع ثاني
السيف والدانه فيهم سينما بس سينما الدانه اوسع بالنسبه حق الكراسي واريح
التذكره الوحده دينارين ونص

عندج شارع بوكواه بالرفاع الشرقي متواجد فيه افخم الجلابيات واحلاها

بالنسبه حق السوق العادي
سوق المحرق : في منطقه المحرق ويبيع العبايات.. محلات احذيه..ملابس..عطورات..خرابيط للشعر من اكسسوارات وشرايط..غير طبعا الحلوى البحرينيه المعروفه من شويطر والرهش والمكسرات وانواع اخرى من الحلويات وجلابيات البيت ومحلات الرجال من تفصيل الثياب والشماغات وغيرها الكثير

سوق المنامه: في وسط المنامه وقريب منه مجمع يتيم وفي هالمجمع محل ناسيع اسمه بس يبيع قمصان نوم وحركات للمتزوجات من منكهات للجسم واشياء اخرى حلوة وفيع محلات رياضه للرجال اما بالنسبه للسوق نفس المتواجد في سوق محرق

مرينا مول: مجمع عند دوار اللؤلؤ ومن محلاته مذركير ..لايف ستايل..شومارت..هوم سنتر..اسرار ساره

ورا مرينا مول مباشره عندج مجمع الولو عندهم ثياب للكبار واكسسوارات وجلابيات وشيلات وشنط واحذيه..

اذا تحبين تقدرين تمرين منطقه الصخير واهي منطقه التخييم عندنا تلقين كل العالم هناك الي يدور بالموتر سايكل مالته والي يشوي التكه والي يقاحص بسيارته والعالم سهرانه خصوصا ايام العطل

وفي مجمع مدينه عيسى في نفس المنطقه وفيه نفس باقي المجمعات من ثياب وشنط واحذيه

بالنسبه للمطاعم اذا حابه مطاعم راقيه وكوفي شوبات غير المتواجدين في مكان ثاني هذي اسمائهم
1. ليلو كافيه (منطقه العدليه)
2. هاش هوش ( العدليه)
3.كوكوز (العدليه )واسعاره عن جد مناسبه
4.ميزالونا (العدليه)
5.بلو اليفنت منطقه السيف جريب من الرتز كارلتون المكان روعه بس اكله مو ذاك الزود
6.مونسون (العدليه)

المطاعم الثانيه مثل
نينو
تشليز
جوني كارينوز
وتر ليمون
كلهم عند مجمع السيف

انشاءالله كفيت ووفيت اذا في شي لاتترددين

تسلمين الماسة سوداء كفيتي ووفيتي وهذا عشمي في اهل البحرين حبايبي

8
8
8

في محل لانجري في السيف جابت لي منه وحده من صحباتي عنده العجب العجاب..

شوفي غاب سبورات مو عندنا.. وفيه في السيف ماركة bcbg مو عندنا برظو حلوه..

وطبعا لازم تمرين السعفه .. اذكر وحده قد شفت عليها تيور يجنن قالت من البحرين مجمع الشيراتون ومدحت المجمع مره..

تسلين غاليه ...بس وش اسم المحل اللي بالسيف ؟؟؟ ووش جابت لك منه؟؟؟