همتكم معي اخواتي ساعدوني على اهل زوجي

عارفة ان الموضوع مكرر والكل يعاني منها ، لكن مشكلتي اني مااتحمل ،، أنا عمري ماغلطت على احد لكن لما يجي الغلط من احد احبه يكون قمة المشاكل ، اكتب لكم اللحين وحالي مايعلم فيه الا الله.
تزوجت من 6 سنوات وكنت زوجة الولد الثاني ، زوجة الولد الأكبر علاقتها مع اهل زوجي في قمة السوء وجيت أنا ورحبوا فيني الى درجة مااحد يتصورها طبعا علشان يقهرون زوجة الأكبر أنا على نيتي رحبت فيهم وصرت معاهم زي السمنة على العسل نسهر و نطلع ونضحك الى درجة انه احدى اخوات زوجي السبع قالت لي وبالنص (( عمري ماشفت اخواتي مرتاحين مع احد غريب مثلك )) ولكن بعد 3 سنوات من هالسعادة تزوج اخو زوجي الثالث وتعالوا شوفوا وشلون صارت معاملتهم معي ، بدأوا يهملوني ولاكأني موجودة واهم شيء عندهم هالزوجة الجديدة حاولت اكسبها علشان تصير بصفي لكن اكتشفت انها تجلس معي لما مايكون موجود احد تتسلى معه فقط وغيره ماتعرفني واللي قهرني اكثر انها ساكنة في الدور العلوي من بيتهم ولما يكونون مجتمعين عندها وادخل عليهم ماتقول تفضلي في بيتي لا .بل تجبرهم ينزلون القهوة والشاي في مجلسهم تحت ، ولما نروح لزواج يجلسون مع بعض وأنا اجلس لوحدي وادا رحت وجلست معهم قاموا عن الطاولة لطاولة اخرى (معقولة هالتصرفات والله لو كنت قاتله احد عيالهم :icon33: ) واللي يغث ويرفع الضغط وعمري ماراح انسى هالموقف اني كنت مره معزومة عند احدى اخوات زوجي (وهي صديقة لسلفتي الجديدة) وكنت آخر من وصل وقبلي بخمس دقائق جت سلفتي جابوا القهوة وصبوا لجميع الموجودين وأنا علنا ماصبوا لي وجابوا الحلى وقدموه وأنا ولاكأني جايه وخالتي كل شوي تقول عطوا فلانة (تقصد سلفتي )والله العظيم أنا مايهمني هالشيء لكن صعبة جدا لما يكون في العلن خصوصا انه سلفتي قاعده طول الوقت تطالعني . قسما بالله بغيت اصيح وابكي .. :icon33: كل ماافكر بحالي قبل واللحين معاهم انقهر وزوجي غير متفهم بالمرة اللحين أنا لي شهر مارحت وكل يوم زوجي يقول متى تروحين لأهلي وأنا اتهرب (أحد يروح لمكان علشان يضيق صدره !!) ،، مع العلم انه بعد هالمشاكل صرت اقلل من زياراتي لهم،، وعمري مادخلت عليهم ويدي فاضية لازم اخد حلى أو شوكولاته أو شي غريب لسه نازل للسوق أو هدية لخالتي (هدايا العيد (العيدية )مع حلوى العيد مااحد يهديها لخالتي ويجهزها من 6 سنوات الا أنا صارت عادة عندي وشكلها صارت الزامية عندهم). والمشكلة العظمى لما اراد اخ زوجي الرابع الزواج فرحت قلت لعلى وعسى يجي احد يشغلهم وتجرب اللي جربت ، صروا سلايفي القديمة والجديدة زي الخوات مع خوات زوجي :angry: ، يعني شكلهم حاطيني بروسهم ويبغون يضايقوني بأي طريقة , ولما ولدوا سلايفي دقيت ابارك لهم ولا وحده فيهم ردت على الجوال مع العلم اني ادق اوقات متفرقة وفي ايام متفرقة ، تدرون وش كانت النتيجة !!؟ طلعوا سلايفي من الاربعين وقالوا لخالتي وبناتها اني مادقيت مع العلم اني لما يأست ارسلت رسائل . وخالتي خلتها مشكلة وقالت لزوجي ، ولما سألني قلت له اني دقيت اكثر من مرة ومااحد رد! كدبني وقال ليش مادقيتي قدامي :icon33: . أنا ثرت وصارت مشكلة وقسما بالله فكرت بالطلاق يعني وش جاني منك ومن اهلك الا الضيم والمهانه.
واخيرا اخواتي ساعدوني انا ماابغى اروح لهم ابد ولاابغى اي شي منهم بس يتركوني في حالي .............. وش الحل قربت اجن منهم.

ملاحظة،،، اقسم بالله العظيم انه لم يصدر مني اي شر لأي منهم وهدا اللي قاهرني
ارجوكم خلونا نحط ملف صريح وواضح للتعامل مع اللئام منهم