حملة (حنا بخير لو تركتونا)
بسم الله الرحمن الرحيم
السلام عليكم ورحمة الله وبركاته ,,
طبعا فالبدايه حبيت اسوي لكم شرح عن الحمله والله ماسويتها الأ من القهر اللي شفته غصب يبون يلبسونا ثوب مو بثوبنا لا الله ولارسوله يرضى وهذا الأهم حتى اخلاقنا وتقاليدنا ماتسمح ولا ابائنا واجدادنا يرضون.
ومن هالمنتدى ببدأ وأتمنى منكم الدعم .
بما أني خارج السعوديه كان من ضمن احلامي انا وزوجي أن ندرس عيالنا بالسعوديه لأن هي الدوله الوحيده اللي باقي تعليمها احسن من باقي الدول العربيه والاسلاميه الأخرى لا إختلاط والتعليم سليم يتركز على المواد الدينية والعربيه اللي هو اساس التعليم عندنا يالعرب ,,لأن الحين وللأسف احنا عايشين بدوله إسلاميه وعربيه وخليييييييييييجيه تخيلو التعليم صاير انجليزي والعربيه والأسلاميه مهمشه كأنها الفنيه والإقتصاد المنزلي والله يمكن بعد هالمادتين افضل هذا من غير الرحلات الطلابيه لأماكن غللللللللللللللط مالها علاقه بالتدريس كلش والمصيبه اطفال اطفال ياناس غصب يبون يربونهم ع هالشئ قالوا أيش قالوا تطوير التعليم ,لا وربي دفن الدين والأخلاق ومسح الحياء من بنات المسلمين كوره ورقص والخافي أعظم آآآآآآه يالقهر ...
انا اقص لكم التعليم عندنا بديرتنا وللاسف وما أبي هالشئ يصير بالغاليه السعودية بس تدرون أيش اللي مريحني أن كل هالتطوير اللي يقولون فاااااااااااااااااااااااااااااااااشل والحين بدوء يتراجعون حبه حبه مايبون يقولون فشل ,قالوا تطور بدري وين الناس الحين دول اوربا وأمريكا تفصل بين الجنسين وهذا التطوير وعندنا يجمعون بين الجنسين ويقولون تطور (فشلتوووووووووووووووووونا وخليتونا مصخره)
واللي خلاني افكر بهالحمله من خلال متابعتي لقنوات السعودية شفت برنامج المكعب اتمنى ماغلطت بالأسم وفيه أختلاط ايش بيخسرون لو سووا برنامج نسائي بما انهم مهتمين هالكثر بالحريم والأ ماتتحقق المساواه الأ أن الرجل والمرأه بجنب بعض تروا المساواه بالحقوق مو بالطول والعرض!!
وحبيت ازيدهم ترى قدرة الرجل مو مثل قدرة المرأه أنا معاهم يساوون بس بشرط يشتغل الرجل والمرأه مع بعض فالبيت وبرأ يعني يطبخ ويشوف الأطفال ويغسل الملابس وووووو والمرأة تطلع تداوم معه وتقضي أغراض البيت وووووو
مع أني عارفه مو بهذا المساواه المقصوده بس ماقدروا يقولون تفسخوا وسوقوا وارقصوا ...
ثانيا كذا مره اشوف اشياء غلط على قناة اجيال مع اني بالصدفه وانا اقلب بالقنوات تطلع لي اما بنت وولد اصدقاء مدري عشاق وفلم كرتوني اتوقع رياضي ماعرف اسمه والله شفت شخصيه كرتونيه طبعا اللي هو الكابتن لابس فانيله عليها صليب لا ويركزون بالتصوير على الفانيله وانتوا تعرفون الحين الأطفال ومدى تعلقهم بملابس الأبطال وبتشوفون بكره اذا ماينزلون فانيلته بالسوق ,,
حفل أفتتاح جامعة الأميرة نورة<<<< عجزت اتكلم اترك التعليق لكم
السواقه اللي كل يوم يناهقون فيها مع احترامي لكم وماقلت يناهقون الأ تعبير على عدم فهمهم ياناااااااااااس قلنا لكم مانبي غصب هي؟!!
اشياء كثير وانتوا ادرى بها هذي الأشياء القليله اشوفها بالصدفه فالتلفزيون لاجيت اقلب القنوات والله العالم لو تميت يوم على القناة السعوديه وقريت جرايدها وأخبارها ايش بطلع من المصايب ..
طبعا كلنا نعرف ان هالأشياء والضغوطات وطلب التغيير من برى واتمنى نسوي حملة توصل لهم رسالتنا أنا أحنا بخير بس يتركونا بحالنا,,ودعوتي خاااااااااااصه لبنات جنسي ومانستغني عن مساعدات اخوانا من أهل الخير والغيره,,
أتمنى تعذروني على الأسلوب بس وربي من القهر ماعاد عرفت احط كلمة على كلمه .
الله عطانا نعمة الأنترنت وأنت مكانك أرسل رسالتك لأنحاء العالم ,طلب اللي مشترك بالفيس بوك يحاول يوصل رسالتنا لأنه يصعب علي دخول الفيس بوك..أقل شئ انشروا رسالتي للمنتديات مسامحتكم..
ادعمونا ولوا بدعوه
((صراحه معاها حق صدقوني ان حالنا هالأيام مايسر))
للأمانه منقول
وربي سجلت خدمه لهالحمله ولأني عارف أن هذا مكانها الصح حملة تخصنا وأحنا أولى بها...
حوائيه كشخه @hoayyh_kshkhh
عضوة جديدة
يلزم عليك تسجيل الدخول أولًا لكتابة تعليق.
رفع ومعك ياقلبي والله انك صادقة وللمعلوميه انا مرتاحة من التلفزيون حاليا وسابقا ماعندي هالقنوات
والتعليم في تدهور من يوم اعتمدو على التقويم يالبى دراستنا اول وبس ولا الحين خلف الله على اجيالنا
والتعليم في تدهور من يوم اعتمدو على التقويم يالبى دراستنا اول وبس ولا الحين خلف الله على اجيالنا
الصفحة الأخيرة
ولا يعلمون بأنه التدهور !!!!
والله يستر علينا هانحن بالبداية ، إذا ماأمرنا بالمعروف ونهينا عن المنكر ، على الدنيا السلام !!!!!!!!!!!!!