مساء الأناقة والجمال
مساء الثقة بالنفس والتفاؤل
ليش متعقدة من سمارج؟
ليش ماعندج ثقة بأن لونج حلو؟
ليش لازم تكونين بيضا علشان تكونين حلوة وراضية عن نفسج؟
ليش تركضين ورا كل عطار وتكتين الفلوس على هالخلطات علشان البياض؟
الصراحة أسمحوا لي أقول لكم ثقتكم بنفسكم (سالب صفر)
خلج ذكية وتميزي يستايل خاص فيج ، وحولي العيوب اللي معقدتج ،ونقاط الضعف ألى جماليات ونقاط قوة
يعني مثلا حاولي توحدين لون جسمج ،مو بالخلطات آنا ألحين اللي أكتب لكم جربت كل شي ومالقيت شي يوحد لون الجسم غير (الفازلين- وصنفرة هيمالايا بالمشمش)
كل يوم قبل النوم أدهني جسمج فيه ،واليوم اللي بعدة تسبحي بالصنفرة ،المسألة راح تطول معاج لشهور بس النتيجة حدها حلوة(أظن أن ماوراكم شغل )
وأكبر دليل على أن كلامي صحيح (شوفوا اللبنانيات اللي ميتات عليهم) يسوون (برونزاج)علشان يكسبون(سمار الخليجيات الخمري)ويصير لونهم (مثل سمار اللاتينيات)
ثاني شي-أختاري كريمات أساس على لون بشرتج موأفتح وفيه لمعة ذهبيهة(shainy)
علشان يعطيج أشراقة وآخر شي أعتزي بسمارج الخليجي اللي كله ملح وقبلة ،ولاتعقدين منه
وعلى فكرة الممثلات الهنديات ماتعقدوا من سمار بشرتهم الشديد ،وشوفوا شحلاتهم
وتذكري دائما أغلب الشعراء تغزلو بالسمار والشعر الأسود
(سمراء ياحلم الطفولة)
(آه يالأسمر يازين)
مع أمل أن تحطون في بالكم ان الثقة بالنفس أساس الجمال
وأنطلقن ياسمراوت
تقباوا تحياتي
للامااانة منقووول
يلزم عليك تسجيل الدخول أولًا لكتابة تعليق.
بصراحة معك حق انا اهم شى توحيد لونى اذ فتحت درجة الحمدالله بس الاهم اللون موحد والبشرة تلمع وناعمة وعلى فكرة كل شى يبى لة وقت يعنى الى تستعمل اشياء طبيعية لازم على الاقل شهرين وتبان النتائج مو الخلطات الى منتشرة تفتحك بسرعة بعدين مجرد ماتتركينة اوتستمرى عليها فى كل الحالات نتائج عكسية ياامراض او بشرة اسواء من قبل الاستعمال كنت بسوى الخلطات اقصد الكريمات الى تنخلط مع بعض بس بعد ماسمعت جابر القحطانى وكم طبيب وانها يمكن تسبب فشل كلوى وامراض خطيرة وكلها زئبق هونت الحمدالله جزاك الله خيرا
الصفحة الأخيرة
فعلا اهم شي صفاء البشره و نقاوتها بغض النظر عن اللون