مساء الخير
معليش ابلة روعة ما راح اقدر اكل الملف هذا معاكم

صحيت اليوم دخلت الحنام الله يكرمكم الا والبول فيه دم اعزكم الله
ورحت على المستشفى وعملت تحاليل وادتني مسكن وا
وادتني فورار ومسكن وقالت اعيد التحليل بعد اسبوع
البنات الي قالو عندهم الاعراض
لاتهملون نفسكم نصيحة وربي تعب الله لايوريكم
ما اقدر امشي
الالم مو بس مكان الجهاز البولي لا
من رقبتي الى رجلي من جهة اليسار
انتبهو انتبهو
استودعكم الله الذي لاتضيع ودائعة



معليش ردي فيه اغلاط من التاب ولو بعدل بيطير الرد كالعادة

السلام عليكم ورحمة الله وبركاته ِِ

كيف الهمهوماات ان شالله همه وحماس

بسم الله ماشاء الله ِِ

يومياتي يعني ماخلصت كل اللي قلت لكم
امس بسوي بس شوي الحمدلله نعمه ,

بعد الغداء وغسل المواعين وطبعا" ماتحركت
الااا قبل المغرب بساعه من الكسل فركت
الفرن رشيته بخاخ جف من فوق والواجهه
اللي فوق واللي تحت وحوالينه الجدار
ونظفته وبعدين الكونترات وجبت المكنسه
الكهربائيه وفضيت اللي فيهاا وشلت الفلتر تبعهاا ونفضته من التراب وخففت من الغبار
غسلته على خفيف لحد ماطلع التراب
وحطيته بالغساله مع مناشف المطبخ
وغسلت برميل المكنسه الكهربائيه وجبت
الليي تبعهاا وفككته وغسلته من جوا وبرى
هاذا كله بالمطبخ لاني بغسل الارضيه مرا وحده وصح تذكرت جبت خيشة البصل وفرغته
خففت من قشوره وحطيته بدرج الثلاجه
رتبت الثلاجه على السريع وغسلت ارضيت
المطبخ وبعد المغرب ريحت وتقهويت وذاكرت لولدي
طبعا شي مفروغ منه يومي صف اول ضروري
المتابعه وتحفيظ قران وبعدين شلت الملابس
اللي بقت من الشتوي والجاكيتات ودخلتهااا بالشنط
وحطيت غسيل ملون ونشرته ومناشف المطبخ
نشرتهاا ....
كنت برتب غرفة الاولاد ما امداني بكره باذن الله وغرفة المعيشه انا اعتبرها الصاله والمجلس الداخلي كلها نستخدمهاا ودايم
ارتبهاا باستمرار وراح اخلي العميق فيها
ان شالله مع اسبوع المجالس وبكره ان شالله
يكوون يوم مميز امر على البيت كامل اذا ربي
احياني اللهم لك الحمد والشكر من قبل ومن
بعد ,,,,,

والحلااا اللي بالصوره تارت جاهز من سويتز
عجبتني الفكره للزنقات وشريته على اساس
فيه طريقه للعضوه انامل ناعمه وقلت بجرب
بس زوجي جا على باله حلاا ومافي وقت
قمت جهزته حطيت حشوات سريعه من عندي
وهي نوتيلااا ورشيتها بشوي اوريو والثاني
فتفت كيك لوزين وصبيت عليه توفي وعجبهم
مرااا قلت اوريكم يمكن يعجبكم ... وفيه منه
مالح وحلو .





معليش بنات لما انزل يومياتي احس كلامي
وشرحي كثير ههه مدري احب التفاصيل
فييه بنات ردودهم مختصره ومفيده وشامله
ماعرفت :(اسوي مثلكم سامحوني ...

اللهم احفظني من بين يدي ومن خلفي وعن يميني وعن شمالي ومن فوقي واعوذ بعظمتك ان اغتال من تحتي ,,

ماشاء الله لاقوة الا بالله





اليوم نويت على مجلس الرجال
وجه المكيف نظيف بس مسحته من برى وغطيته من الجوانب فيه فتحات ويعدم المجلس غبار ..الدريشه نظفت المسارات
ونفظت الستاره ومسحة العمود من فوق ..
المجلس جلسه ارضيه وموكيت شلة كل اللي عليها ..وكنسته ونفظتها
ورجعتها
(بقي الجدران ..والباب ومفاتيح الكهرب +المقلط بكره ان شاء الله)

فتحت البلكونه وانصدمت من اللي شفته فيها غبااااااااااااااااااااار فظيع كنسته ونظفته ورجعت غسلتها وسارت تلمع ..


غسلت ملابس دفعتين ..


اخر شي اخذت سجاد الصاله وغسلتها بمكنستي الجديده ماشاء الله طلعت نظيفه وغسلت معاها قطعة سجاد صغيره ومريت على مدخل الرجال غسلته مره وحده..واستنيت زوجي لحد مارجع ونشرناها ع البلكونه الله يستر خايفه يطلع فيها ريحه من غسيلي ..

((المكنسه اللي عندي بيسيل اللي عندها نفس النوع ياليت تقلي كيف افك القطعه اللي قدام عشان انظفها ))

الله يعين احاول اخلص العميق احتمال يجونا ضيوف ابغى اكون مستعده..

السلام عليكم
أخبارك أختي روعة الله يقويك
هدوءأنثى ماشاءالله عليك أختي الحلى شكله يمي يمي عليكم بالعافية

واجب أمس قبل صلاة الفجر سويت كيكة وعملت ماسك لوجهي وبعدين غسلته وصليت
وجهزت الفطورللعيال وابوهم
وعلى الساعة ثمان نامت الصغيرة وقمت نمت معاهاوصحيت الظهر وصليت وسويت الغذا وبعدالغذاغسلت المواعين
ورغسلت الفرن رشيته بجف وببخاخ مسترمصل والعيون نقعتها في ملح الليمون وشوية خل وماء وتركتها
واتجهت للمكرويف وغسلته بفيري ومسحته بديتول
وغسلت الأجهزة الكهربائية خلاط المولينكس وحماصة البريد وآلة الفشار
وبعدهارجعت للفرن مرة ثانية وفركته ومسحته واخرشي بخيته بديتول وشوية خل ومسحته وصاريلق ماشاءالله
بعدماخلصت تروشت وصليت المغرب بعدهاتقهويناوسويت عشا خفيف
بالنسبةلغرفة الاولادماامداني اسوي فيهاشي
الصغيرة بس تبكي تبغاني اشيلها
وهذاكل الي سويته امس

رانيا
سلامتك والله ..نفس اعراضك جتني بس الحمد لله مع الادويه مدة اسبوع تختفي
الله يشفيك


هدوء
هههههه انا مثلك لازم اشرح بالتفصيل اعيشكم الجو :35:
والحلى شكله روووووووعه تسلم ايدك



دلع الحويه
ماشاء الله على الهمه..ومبروك ملكة اختك الله يتمم لها على خير
وان شاء الله تنحفين من غير شر ياااااااارب


ام ضي
النمل قبل فتره جنني في كل مكاااااااااااااااان مافيه غرفه مااحصله فيها
مهما انظف واغسل بكلوركس اليوم الثاني يطلع:06:
كنت اذا شلت السجاد تبع الصاله القاه تحتها على طول ترويبة السيراميك

المهم اخذت بودرة ريد




(او بف باف نفس المفعول)







ورشيتها تحت السجاد ورجعت غطيته
اليوم الثاني مالقيته بس حول ورى الثلاجه ..
سرت اتبعه المكان اللي القاه فيه ارش من البودره وماشااااااااااااااء الله ماعاد طلع

بس انتبهي لبنتك منه ..