الاسبوع الثالث
،، متنوع ،،،

السبت


الديني / اذكار الصباح والمساء + صلاة الضحى + قراءة حزب او جزء من القران + الاكثار من الاستغفار قدر المستطاع
صلاة الوتر + اذكار النوم + حفظ مقرر من القران.
التنظيفي / ترتيب الثلاجة + تنظيف المجلس من الى + حمامه تنظيف عميق .
الجمالي / تقشير الوجه + تفريش الاسنان مرتين على الاقل + ترطيب اليدين والرجلين باي مرطب متوفر لديك
فازلين / جلوسيد / زيت / او اي مرطب معتمد لديك.+ بديكر

طريقتي في تنظيف البشرة كالاتي :
1ـ اخذ قطن واحط علية اسكينول وانظف في البشرة >>> وهذا الخطوة تصلح كل يوم ومرتين في اليوم في الصباح و قبل النوم
وهذا صورة للي ما تعرفة


2ـ مقشر او سكراب استفيز بالمشمش: مرررره حلو يعطي نضاره وينظف الوجه من الجلد الميت والشوائب استخدمه مره بالاسبوع و ينعم الوجه <<< يكون الوجة مبلل بالماء وتحطينه على الوجة ويفرك بلطف وبعدة يغسل بالماء البارد
وهذا صورة المقشر اي نسيت اقول ... ( مرة في الاسبوع )


3ـ اغلاق مسام البشرة : اغسلي وجهك بالماء البارد مخلوط فية ماء ورد

وبس هذا طريقتي مرة في الاسبوع
اما الي في الشهر اقولها لكم في موضوع خاص بي

اهلين بنات عساكم بخير ..
مشكورة عزيزتي الصمت ..
فرحتيني بالمركز الي اخذته وشجعتيني اكثر .. ربي يجعل ايامك كلها فرح وسعادة ..
بعيد عن القرقرة عالسريع راح اقول يومي امس ..
نمت متاخرة لظروف على الساعة 4 وجلست تقريبا 6 صحيت العيال وجهزتهم للمدرسة ..
الظهر جهزت الغذاء ورحت الموعد ورجعتي كملت بقية الغذاء والسلطة والحمد لله بعد الغذاء كان يومي جدا زحمة الى فوق 12 وانا اشتغل ..درست العيال وغسلت المواعين ونظفت الفرن ورؤسه تنظيف عميق .. و رتبت و مسحت الدواليب من فوق والطاولة ..
ونظفت الثلاجة عميق وغسلت الملابس البيضاء والملابس الداكنة نظفت الصالة وكنستها ورتبتها تنظيف يومي ..وكذلك غر فتنا وغسلت الحمام .. مع قراءة بعض الاذكار ..وبعد ماعملت العشاء غسلت المواعين ..وكذلك المجلى وبعدين كنست المطبخ وغسلت الارضية ودعكتها دعك ..لين خليتها تلق ..بعدها رحت مع بنتي المستشفى كانت حاررتها ساخنة ومارجعت الا شوي متأخرة ..
واليوم جلست وحممت اولادي وجهزتهم للمدرسة .. و رتبت غرفتهم .. وحاولت ارتب بقية البيت ترتيب سريع .. وبعدين بعد ما اريح الحين عندي ثياب يبي لهم طواي وتطبيق .. وراح اغسل واحد من الحمامات عميق .. اضافة الى الجدول ..

الحين البيت تقريبا نظيف بس يرجعوا العيال الله يصلحهم تنقلب الدنيا فوق تحت ..
انا احاول التزم بالجدول .. اهم شي انه نهاية الاسبوع مخلصته ..
وساعات اضيف عليه اشياء من عندي ..
ان شاء الله ارجع لكم بعد ما نتهي شغل ..
في امان الله ..

هنوده الله يفتح على اولادك ويجعلهم يجيبواالدرجات الكامله
وييسر لك امر مطبخك ويبارك فيك عندكم سنتر بوينت فسوريا
هذي بعض اكلاتي ان شاء الله تعجبكم
اذا ودك تسوين باميه جربي باميه بالكفته رهيبه
329654

وهذاحلى العلب بس فصحون ههه ينفع وقت الزنقات وسريع وحلو
329655


وهذي مكرونه ايطاليه بالجبن والبصل الاخضر خيااال
329656

وهذي قهوه سهره مع :arb:
329660
وهذا تشيز كيك سويته مع الفراوله المجمده ماكان عندي باي فيلنق وطلعت التجربه حلوه

329661

اصبحنا و اصبح الملك لله وحده لا شريك له

له الملك وله الحمد وهو على كل شئ قدير
هلا و غلا
حبايبي ومشكورة اختي الصمت
على الوسام
ربي يسعدك

*
**
نجوم إستغنت عنها السماء

أب أختار البعد عن أبنائه وإضاعة وقته بين الشركات والأموال والنساء واللهو فهو نجم إستغنت عنه السماء


ضحت بولدها لترضي ذاتها فقدمته هدية للخادمة
وإختارت سيدات المجتمع المخملي والنادي وعمليات التجميل
فهي نجمة إستغنت عنها السماء



أخ تسلط وتجبر بحق أهله وأخوته
وإختاررفاق السوء ليكونوا له خير أسرة
فهو نجم إستغنت عنه السماء


أخت ترفض الأستماع لنصيحة أمها
وتتطالب بكل جديد يخص الموضة
وجديد الأغاني فهي نجمة تخلت عنها السماء


حبيب أرخص العشرة وباع الحب بلا ثمن
ترك خلف ظهره جراح تنزف دماً
فهو نجم تخلت عنها السماء


طالب رافق الفشل وتخلى عن الطموح
وصار يشكو قلة الحيلة ويبرر بشتى الطرق
ضعفه فهو نجم تخلت عنها السماء


طبيب باع الضمير بأبخس الاثمان
وأصبح يتاجر بشرف المهنة
فهو نجم تخلت عنه السماء


صديق غدر مرة وبطيبتك مسحت على غدره
بالتسامح ثم عاد وغدر بك حتى سقط من عينك
فهو نجم إستغنت عنه السماء

**
*
329662

للفائدة
((النظافه من الايمان))

زهوووده ابي كل الوصفات وخصوصا حقت الباميه

سمونه دائما متألقه في مشاركاتك ربي يسعدك