السلام عليكم ورحمة الله
.
بيست فيوتشر... الحمدلله على سلامتك ياقلبي وفعلا ربي دفع عنك السوء بفضل الصدقة سبحان الله
ام الابطال الثلاثة ... الحمدلله على سلامتك ولدك الحمدلله فرحتيني وريحتيني والله مانسيتك من الدعاء الله يجعله قرة عين يارب
جروح الوداع ... الله يرحمهم جميعا وسلامت زوجك
ويعطيك العافية تعبناك معنا.
باقي البنات اللي نزلوا يومياتهم ... يعطيكم العافية وعساكم عالقوة
.

وعن اذنكم ياحلوات اكمل شغلي المطبخ عندي حايس دعواتكم

السلام عليكم
كيفكم احبتي
دخلت قلت خلينا نطل عليكم رغم ان الانفلونزا ذابحتني بس عشان اتشجع شوي
امس ما نمت من بنتي الله يهديها رحت بها للمشفى وجتها حاله نفسيه تحلم وتصارخ عشانها تخاف من السسترات والمستشفى بشكل عام
صحيت متاخرة يادوب صلحت كاسه حليب دافيه وساندوش صغير شرربته ثم نمت ما حسيت بعمر الا 2.30 ثمت وصلحت لنا مضغوط خضار مع التونه في الكاتم
وتغدينا وغسلت المواعين على طول
وبعد العصر صلحت للي نعناع عشان اتنشط وبس

مساء الخير
كيفكم مع اول يوم مدارس انا عن نفسى احس راسى هادى من الصراخ والهواش الله يحفظهم
لكل من سال عن الوالده او دعا له اسال الله العظيم يرزقكن الفردوس لاعلى من الجنه ويعطيكن من خير الدنيا ويصرف عنكن شره يارب
الحمدلله راح يعطوه الكيماوى بعد اسبوعين عشان يحدون من المرض وان شاء الله يكتب له الشفا
والله قلبى يتقطع عليه بس اهى ماشاء الله راضيه ومستبشره خير ونفسيته تمام
دعواتكم يابنات وجزاكن الله خير

هلا هلا دخلت بسرعه لانى قرات حالة حبوبتنا فروحه لسع فروحه لانى الف الدنيا لف الحبوب ايلى طلعت فيكى اعطيكى اكبر معلومات عندى هذا زى المرض انتشر فيروس معدى وناس خسرت فلوس كثيره وصلت لفوق اربع الف ريال ولم يختفى المرض هذا ويسبب حكه شديده والحين اقوال لك ان كل ميروح يكشف يقولون غيروا كل اثاث البيت وغسلوا ملابسكم بمويه حاره وتسبحوا يعنى تروشوا بمويه حاره وايلى قالوا لهم غسلوا بصابون الكبريت وايلى قالوا لهم غسلوا بصابون ديتول لكن مافى فايده وهذا منتشر حتا عند الاغنياء موبس كذا لم يفيد اى علاج معهم ولو اقوال لك حاره كامله جاهم المرض هذا وينتشر بين افراد الاسره حتا لوغسلتى ملابسك لوحدها وعملتى الف احتياط لم يفلح الاطباء بحل لهذى الحبوب ومنها حبوب مقيحه وتطلع بقع كبيره ومنها صغيره تحك حك وناس اشترت ادويه غاليه من المئه الى فوق هذلى معلوماتى والله شاهد ولكن ابشرى بخير فى دعاء ومرهم قيمتوا فوق العشر ريال بعطيكى اسمه ادهنى وشوفى نتيجه سريعه من اول حطه هو الحل الوحيد ايلى طلع وبدات اعطى منه الناس والشفى هو الله بعد شوى انزل اسم الكريم لانى رايحه السوق مع امى وسلامتك عسا معلومتى تفيدك ابشرى العلاج موجود لاتشيلن هم بسيطه وتسلمين

السلام عليكم تبارك الله تجمع رائع كلما أحسست بالخمول والكسل أستمد نشاطي بيومياتكم . جزاكن الله خيرا على مجهوداتكن