ام بيبي^_* :

بسم الله الرحمن الرحيم نبدا على بركه الله ماشاء الله لا حول ولا قوه الا بالله اللهم صل على محمد انا خلصت شغل قبل ما تعملو الملف وراح اقولكم بس للاسف مافي صور لاني ما ادري عن الملف الجديد انه اتعمل قبل يوم الاربعاء نظفت المطبخ تنظيف شامل من والى داخل الدولاب وخارجه ولمعت كل شئ يوم الاربعا قمت مسحت الابواب كلها بالعملاق روعه يعطيها لمعه ونظفت الحمام تنظيف عميق كمان بـ 101 الجدران والارضيات والمغاسل وكل شئ حتى الغسالات ونظفت الصاله وجدرانها ومسحت المكيف ومسحت سيراميك البيت كله بعدها يوم الخميس كان عندي حفله فقمت من بدري غسلت البطانيات تبع بنتي الصغيره وحطيتها في الغساله وعملت عجينه عشان الكوروسان ونظفت المطبخ ورتبته لاني نظفته من قبل وبدات ترتيب للحفله من العصر طبعا انا واخواتي كل وحده عليها شئ عشان كذا ماتعبت مره الا من الاجازه الاسلاميه فقط خخخخخ الحمد لله انتهت الحفله على خير ولعبو الاطفال واللي فرحني اكثر ان الاكله كله خلص الحمد لله وما اضطريت ارمي شئ وكمان انا ما عملت اشياء كثيره يوم الجمعه طبعا صحيت بدري يمكن 9 او 10 المهم فطرنا واتحمم زوجي وراح يصلي انا حممت العيال ورتبت المطبخ ع السريع والصاله ورحنا نتغدا بيت اهلي وبعدين طلعت زياره عند صديقتي اليوم السبت صحيت بدري ع 10 عملت الفطور وصحيت زوجي وشوي قاموا العيال فطرنا بعد صلاه الظهر زوجي سافر الله يحفظه يارب فقمت فتحت النت الا الاقي الملف ال6 وقريت الجدول الا اول اسبوع غرفه النوم انا اصلا نظفتها من قبل بس قلت دام اتعمل الملف خليني ابدا معاهم من جد ومره وحده اغير فيها شئ واستغل ان زوجي مو عندي دخلت غرفة النوم بدات بالتسريحه غيرت ترتيبها استعملت كراتين الاحذيه عشان اتب الاغراض لان تسريحتي مو عمليه ابدا وطلعت تفتح النفس ما شاء الله لا حول ولا قوه الا بالله رتبت السرير والمفرش نظيف اصلا ومسحت الارضيات والكمودينات وطبعا التسريحه وملحقاتها باقي بس ترتيب الملابس هيا مرتبه اصلا بس ارتب اللي طايح واللي ما ادري ايش يبغى قلت بكره ان شاء الله وكملت باقي البيت من تكنيس ومسح السيراميك ورحت للمطبخ نظفته وكنت عملت مكرونه جهزت المكرونه وقت ما خلصت تنظيف فاكلتها انا واولادي يمي يمي الحمد لله والحين جالسه اكتب لكم اليوميات مع كوب بابونج روعه طبعا نسيت اقولكم اني حطيت الملابس في الغساله ولسه ما خلصتها لووول بالنسبه للجانب الديني ما اقدر اليوم اعمل غير الدعاء والاستغفار واي شئ غير الصلاه والوضوء خخخ اما الجمالي الحمد لله امس الجمعه عملت تقشير لوجهي وكل يوم ادهن رجلي وايدي قبل النوم وكمان اي وقت احس انهم جافين اما البقيه راح اعملها خلال الاسبوع باذن الله و نلتقي في يوميات اخرى باذن المولى عز وجل اختكم ام بيبي دعواتكم

بسم الله الرحمن الرحيم نبدا على بركه الله ماشاء الله لا حول ولا قوه الا بالله اللهم صل على...