كوبونات الراقية تسجيل الدخول

>ود<
>ود< •
صباحكم عسل بنات
قصيميه جديده عنيده
قصيميه جديده عنيده •
صباحك فل ورد وياسمين ود
لووني عسل
لووني عسل •
ماشاء الله تبارك الله لاقوة الا بالله
ماقدرت اقرأ كل اليوميات بس كل وحده فيكم لها تصفيق حاااااااااار مني على مجهوداتكم الروعه
اليوم جلست الظهر وسويت الغدا وتغدينا وغسلت صحون الغدا بس لسى ماشطبت المطبخ :(
اعتبر نفسي لسى بدأ يومي ومنشان هيك لسى باقي شغل كتير منشان اعملوا لكن الله يعين

لانواليوم راح اروح السوق ان شا الله اغير جو وبكره معزومه

اشوفكم بالليل ان شا الله مع باقي المستجدات والتفاصيل
هاديه وحبوبه
هاديه وحبوبه •
عصر الخير على الجميع
يومياتي

قمت الساعة12 رتبت سريري وصلحت لبنتي رضعة
ونومتها ثم صليت وكلمت اختي شوي كانت متضايقة
من زوجها شوي هديتها وقلت لها تنتبه لنفسها وتهتم
بروحها وقلت لها حاولي تشترين كتب وتقرينها


سكرت منها وصلحت حلى لاني ابروح لاهلي
وغسلت المواعين ومسحت الدولاب تبع الزبالة
اكرمكم الله
ومسحت الخلاط والكباسه صارت تلمع
كنست المطبخ وباقي امسحه


مسحت طاوله الكمبيوتر
والغداء باقي من امس مكرونة بالباشميل ابحميها والحمدلله على النعمة
وبعدين ابصلح قهوة وشاهي لزوجي
فوحة المسك
فوحة المسك •
يومياتي اليوم الأحد ...


ما شاء الله تبارك الرحمن ...



نشيت الفجر الساعة 5 و كان زوجي يجهز للدوام و سويتله شراب برتقال مخفف و سندويشة جبن ... و توكل بحفظ الله ..

توضيت و جلست أتريا الصلاة و شيكت علييكم شوي خخخخ .. صليت و رجعت رقدت ..

صحيت الساعة 11 ... رتبت حجرتي و الشراشف و علقت الثياب الطايرة منيه مناك ..

سبحت الصغارية و هذا لوحده جهد و خاصة فهالبرد تبين تسبحينهم و تلبسينهم بسرعة ... و تم بحمد الله ..

غسلت الوعيان و جهزت الغدا دجاج مشوي و عيش أبيض و روب و سمن عربي ..

رتبت الصالة ترتيب خفيف ..


الجانب الجمالي ::

سبحت و اتهندمت لبست جلابية حرير سودا و فيها ورود حمرا .. و اكسسوار في شعري ..

دهنت وجهي بكريم (مينا ) المرطب المبيض .. استخدمه أوقات فالبيت بدل البودرة عشان ما يتعب وجهي ..

دهنت إيدي و رجلي بفازلين زبدة الكاكاو و لبست دليقات ( جوارب ) .. بس مشكلة الإيد ما يتم فيها الكريم كل شوي فاتحة الماي خخخ

طبعا قبل كل هذا الصبح أول ما أصحى أغسل وجهي بغسول كلين آند كلير .. و أرش عليه ماي ورد بارد ... قمة الانتعاش ..


الجانب الديني ::


الحمد لله مواظبة على أذكار الصباح و المساء و أذكار عقب الصلاة ..

كنت راح ابدا معكم الختمة من البداية ... بس فضلت أكمل ختمتي أنا واصلة ألحين سورة المؤمنون ..
و طلعت أجزاء القرآن ببدا أقرا فيها عشان ما تكون مهجورة .. كل جزء لوحده ..






أما تحدي غرفة النوم ... ما أدري أحس نفسي مكسلة اليوم و إذا بغيت أغير شي لازم أكون مصحصحة ، هي ما شاء الله مرتبة بس إذا بغير الأماكن و إلا بعيد تنسيق بعض الأغراض ..

سويتلي دلة شاي بماء الورد .... و اتفضلوا شاركوني ..









و عندي كوووومة كوي إن شاء أقدر اخلصهم ..

هذا كل شي للحين و سنوافيكم بالمستجدات ..