انا زيك يارانو انا واخواتي وماأكيف مزبوط الا اذا اكلت الهيل حلو طلعتي زينا عمري ماشفت احد يحب أخر القهوه غيرنا
وفوله الله يعطيك العااافيه وماشالله على الحلى بنتك مسويته اسم الله عليهااا وذكر الله كم عمرهااا
الصفحة الأخيرة
الإستيقاظ 6 الفجر
الصلاة
تشغيل غسالة الملابس _كنت منقعة ابيض وغسلته _
تنظيف الصالة من الأوراق والألعاب وكنسها
وخرت مكتبة التلفزيون وكنست تحتها ومسحت
شوفو ايش لقيت على طرفها
صارت كدا
وبعدين غسلت الفرشة اليدوية وعلقتها تتصفى
على فكرة الفرشة حقت فوحة المسك وانا استعرتها منها
ومايصير استعيرها وارجعها وسخه
شلت مقاعد الجلسة وكنست من تحتها ورجعتها وكنست الصالة
كبيت كل الزبايل اللي في البيت ومايبغالها غسيل لأني غسلتها السبت اعتقد وبعضها مايبغالها لأنه نوعها كدا
وكدا
رتبت غرفة الصغار
بناتي الله يحفظهم استلمو المطبخ اليوم مادخلته نهائيا
رحت غرفتي رتبتها وكنستها
جبت علاقات جديدة وجسلت ارتب دولابي
ودا شكل العلاقات
وطولت مرة عشان فرز الملابس
وبعدين رحت على درج الملابس الداخلية
برضو حطيتلها تقسيمات جديدة بس ماصورتها
اتغدينا بعد المغرب بعد ماجا زوجي يعني غدا وعشا
وبعد العشا كانت بنتي مسوية دا الحلى
ودا منظر الصالة دحين مستحيييييييييل تجلس مرتبة