ماشاء الله الى الامام يافريقنا لآلئ في محارها
استمروا الفوز قاب قوسين او ادنى بإذن الله

كل اللي سألوا عني مشكورين ومأجورين
احبكم كلكم

يوومياتي امس واليوم مافيش لاننا سافرنا
وامس غسلت جزء من الملابس ماكملتها
ماامداني سافرنا للرياض وراجعين بعد يومين ان شاء الله
بس ولايهمكم لما احصل فرصه ادخل واقرا واحمسكم
الى الامام سر

::بنات من تساعدني الصور طلعت كبيرة مررة::


::ومركز التحميل بعد متعب انقذوني::

كيف حالكم يالغاليات

والله يعطيكم العافيه ان شاء الله

سلام خاص مخصوص لسأكون وان شاء الله راح اسمع كلامك واروح اسوي التحليل

قريبا والله يسمع منك ان شاء الله احساسك صحيح ..

باقي البنات

شنو هذا

وين ردي الاخير

وين ادور على ردي وش صار وش ما صار

بس كم صفحه على السريع الي شفتهم

فوحة مسك صورك جنان ما شاء الله تحمسيني عفيه عليك

سنوعه نفس صابون المواعين حقي استخدمه هههههه واسم الله عليج يالغاليه حاسبي مره ثانيه وانتي طالعه من الحمام تعالي بقول لج متى معرض الخريف ابتدى ومتى ينتهي عسى بداية الشهر فيه شنو هالحركات الناس ما خذت رواتبها وفوق هذي امتحانات من بيروح ؟؟

مس رانو روعه صورك آآآآآه اموت بطباخك ههههه يسلم ايدك يا رب

اميرة بكلمتي يا حبي لك احب اضافتك كثير الله يعطبك العافيه

منو بعد منو بعد

ايه ذوق حبوبه اخبارك يالغاليه وحشتيني كثير

شيماء الله يعطيك العافيه من ذوقك والله انتي الي تشجعينا الله يجزاك خير

والله كل البنات معجبات فيهم وادعي لكم بظهر الغيب ان الله يقويكم ويحرسكم والى الامام

عموما يومياتي :::::


نمت متأخر اشوي وقعدت على صلاة الظهر لان عندنا اجازه يوم السبت عكسكم يعني


لما قعدت صليت الظهر ويلا خليت ولدي يقشر لي بطاطس هههه

وبنتي تعبي لي المويه وتقصص البطاطس

وانا اقصص الدجاج وابهره

وكل واحد خليت يسوي لي شي

وبالنهايه خلصنا من الطباخ

والكل مبسوط من المشاركه الحمدلله رب العالمين

خلصنا من تقديم الغداء

كنست البيت كله بعد ما قدمت الشاي يعني خمس واربعين دقيقه راحه بعدها ابتديت شغلي

بعدها نظفت المطبخ وغسلت المواعين

بعدها توجهة للغسيل حطيت وجبه بالغساله وفطل ما اخلص

غسلت الحمامات عدد اثنين

ورتبت غرفة نومي وغيرت الستاره تبع غرفتي لان امس غيرت اللحاف فاللون ما كان يناسبه

هههههههه احيانا اغير الستاره واشتري الستاير الخفيفه بالغسل ولكن غير شفافه

فكل ما ابي اغير من ديكور الغرفه اشتري لحاف وستاره جديده طقم او على حسب الذوق اركبهم

يغير لي نفسيتي كلها الحمدلله فكره بسيطه ومريحه ...

طيب وعدلت امم درج المكياج

مثل ما هو واضح لكم بالصوره





مره ثانيه راح اصور لكم مكياج السهرات الي عندي انا ماخذه دوره بالمكياج واحب احط للعالم ههههه

بس هالصوره بس لمكياجي اليومي فقط بالبيت

بعدها عدلت درج البكل واكسسوارات الوجه مثل الفصوص وغيره من التناتيف الصغيره





بعدها رتبت درج ثالث الي احتفظ فيه بالكريمات تبع الحروق و اللصقات تبع الجروح وميزان الحراره

وملصقات احتاجها فجأه واقلام وغيره يعني من ما جميعه مع ان عندي صندوق خاص للاسعافات الاوليه بس حاطه البعض منهم قريب بالدرج هذا ..






وبعدها نظفت علبة السجادات لي ولزوجي وبخرتهم ورتبتهم وحطيت نهاية العلبه بعض الادعيه عشان تكون قريبه

لما اشيل سجادتي اختار الكتيب الي فيه الدعاء واتوجه للصلاة





نسيت اني اقول لكم بعد ما نظفت الحمام كرمكم الله وغسلته رتبت بعد اغراضي من الكريمات الي رازتهم هناك

غسلتهم واعدت ترتيبهم وسويت لهم جرد







الى اللقاء غدا ان شاء الله مع يوميات جديده ان شاءالله مصوره بإذن لله

أرسليها لي في رسالة خاصة وأنا أصغرلك هيا وأرسلها
أنتظرك

سأكون
يعني انتي نفس وضعي اللي حولك مثلل اللي حولي
الله يعين والله شي يقهر والبلا يقولون الشغل مو عيب
اجل ليش تعقدوننا
وش رايك تشجعيني واشجعك
انا حطيت براسي فكرة تصميم وتنفيذ اطواق الشعر
اشوف الناس هابين فيهاوهي اشياء روعه وسهله بس يبغالها خامات
وناويه انتهز فرصة سفرتي للرياض واشتري بس ماادري من وين بالضبط
انصحوني وافيدوني ِ
ووش رايكم بشارع السويلم القى طلبي فيه ؟؟؟؟؟ وبالذات الاطواق عشان انفذ عليها

نجوى القلوب مطبخك يشبه مطبخي كثير وبالذات دولاب المواد الغذائيه نفس حقي بالضبط ونفس مكانه
لاتكونين انتي انا خخخخخخخخخخخخخخ