فوحة المسك :

يومياتي اليوم الأحد ...... ما شاء الله تبارك الرحمن ... الأعمال اليومية .... ترتيب الغرفة و ترتيب الفراش و تلميعها بشكل سريع .. ترتيب الصالة ... من أعمال البارحة المتبقية .... سلة كوي هالكبر !!!!! كنادير و ملابسي و ملابس عيالي ... و كنت غاسلة عبي الطلعاب و الشيل و كله طبعا يباله كوي .... خلصت كل شي و أخذ مني 3 ساعات كوي .... اتكسر ظهري ... عطرتهم و عالكبتات ... غسلت وعيان الغدا ... و هذا غدانا .. ما شاء الله .. غسلت كل الوعيان .. و راحت إيدي من الغسيل نسيت أو بالأحرى تعايزت عن لبس القفازات !!! نظفت الفرن اللي كان يستنجد بعد قلي السمك ... شلت القصجدير و غسلته و لبسته واحد جديد ... و نقعت العيون في ماي حار و فانيش ... و في هذه الأثناء كان في واحد يبا يربطني و يجرني تطبيقا للجرار الأحمر على براعم ... يا ويلي كل شي يربطه في سيارته و يبا يجره خخخخخخخخخخ و فركت الكبت فوق و كل الأبواب بماي و صابون و شوية داوني الأبيض .. و نويت على سدة المنظفات .... شلت النايلون القديم و فرشت جديد و رجعت رتبت الأغراض مرة ثانية و طلعت تفتح النفس ما شاء الله تبارك الرحمن .. يتببببببببببببببع ...........

يومياتي اليوم الأحد ...... ما شاء الله تبارك الرحمن ... الأعمال اليومية .... ترتيب...