اهلين جوري
ولدك يعتمد عليك في هذي الفتره لين خلاص تحسينه عرف خلاص
الطريقه انك كل 2ساعه تودينه الحمام وتحاولين حتى لو رفض اهم شي لاتعصبييييييين وخلي اعصابك فالفريزر
رشي عليه مويه واقعدي عنده لين يتبول اذامره ماعنده رجعيه بعد ساعتين
حتى اذا نام صحيه الفجر يروح الحمام وارجعي نوميه
هذي الطريقه صعبه بس الحمد لله عودت عيالي عليها وماشاء الله لاقوة الا بالله مايسوون فملابسهم شي
واذا كنتي فجمعه خذيه ووديه غصب
مع الايام راح يتعود
ومن بعد المغرب لاتكثرين عليه سوائل
ولايروح الفراش الاوهو رايح الحمام
وصدقيني راح يتعدل

اهلين ام فارس اخبارك

دلع وش رايك تعلمت

بسمات وينك اليوم ماشفتك
يومياتي الحمد لله البيت نظيف بس برتب غرفة الجلوس واحط الغسيل الابيض فالغساله

صباح الخير على السنعات ماشاء الله عليكم ملف أكثر من رائع والله حمستوني على الشغل ...

لكن عندي مشكله عندي ثلاث عيال الأول في ثاني أبتدائي ... وبنت عمرها سنتين و8 شهور وولد

عمره 9 شهور .. الله يخليهم لي ويصلحهم... ومشكلتي في الثنين الصغار مطلعين عيوني وإذا كانوا كلهم

صاحين وأبوهم موب عندي والله ماأقدر ألتفت مو أزين شغل ... البنت الله يصلحه غير شقاوته وكثر

حوسته حاطه حرته بأخوها بس تحاول تضربه وتدفه وتسوي أي شي يضره...

غير طبعا مسؤليتهم أكلهم وتحفيظهم وتلبيسهم ... والله أحيانا ماأقدر أصلي إلا إذا صكيت على الصغير

بغرفه ويجلس يصيح لحد ماأفتح...

وغير كذا نظام نومي متلخبط مع نومهم... الصغير ماينام إلا قبل الفجر وأخته على حسب إذا نامت

بالنهار ماتنام إلا الفجر وإذا مانامت تنام الساعه 12 ونص... وغير كذا دوام زوجي شفتات يعني ثلاث

أيام يداوم 12 ساعه بالنهار وبعدها ثلاث أيام مايداوم .. وبعدها ثلاث أيام يداوم 12 ساعه بالليل

وبعدها ثلاث أيام راحه وبعدها بالنهار وهكذا...

يعني نظامي متلخبط مابين عيالي ودوام زوجي ... والله ودي أصير مرتبه في بيتي وفي نفسي إلى أبعد

حد لكن للأسف ماأعتقد وحده مثل ظروفي تقدر تصير مرتبه على طول يعني تجي أيام أحاول أرتب

بسرعه إذا كان الصغير نايم وأنظف وأغسل الملابس لكن بمجرد مايقوم خلاص ماأقدر أسوي شي...

شكلي أزعجتكم بمشاكلي بس والله ودي أشترك معكم وودي أفضفض شوي...

بسمات ماشاء الله عليك مرتبه ومنظمه الله يزيدك...

وبالنسبه لبنتي مثل عمر بنتك سنتين و8 شهور وبسم الله عليها كلامها زين مره وحاولت أحفظها الأخلاص

لكنها عنيده تعيي تقرأ معي ... وحاولت أعودها الحمام ورفضت أشيل الحفاظه تقول ليش زودي يلبس

حفاظه والله يعيني عليهم يارب...