مساء الخير للجميع
الحاجه اللي البارح قلت لكم ادعو انها ماتصير
اني كنت شاكه اني حامل وطلع صدق حمل
الحمدلله ع كل حال اللهم لااعتراض
من البارح بعد ماقفلت منكم وانا نفسيتي دمار
ابدا ماكنت متقبله فكرة الحمل

واليوم سويت الشغل اليومي بس
ابله هدوء
اعذريني ان شاء الله اكمل معكم بس
اكيد مو بنفس النشاط

كيفكم بنات انا مادخلت خميس وجمعة والحين اشوف الردود ما شاءالله كثير
يعطيكم العافيه كلكم وكل ما اقرا عن وحدة وعملها اتشجع ويجيني حماس ابغى اقوم واخلص
هدوء - الياسمين - بدوية متحنية - zahedh - البرنسيسة - جود - دمعة فرح

مشكوووووووووووووورين على التشجيع وعلى الردود الحلوة ربي يسعدكم ويرضيكم
جود مشكورة على كتلوج ايكيا من زمان نفسي فية
عزوله الاموره
لا تزعلين ربي كاتبلك الخير وان شاءالله ربك ييسرها ويهونها عندك
دمعة فرح مكنسة الغسيل رووووووعة انا اشتريتها لاني سكنت في بيت مافية سيراميك واضطريت افرشة موكيت وساعدتني كثير اغسلة كل شهر ويجلس كانة جديد
بالنسبة ليومياتي قمت الساعة سته الفجر وديت بنتي ورجعت افطر امس شريت اكياس للمفارش والملابس اللي تسحبون منها الهوا ويتقلص حجمها بصراحة روووووعة رتبت اغراضي واليوم الصبح حطيت المفارش اللي ما استخدمها والملابس الصيفية لان البرد بدا
رتبت المخزن ورتبت الصالة ومجلس الرجال مسحت الافياش والابواب كنست الارضية ورحت على المطبخ ونظفتة خلصت منة رحت غرفة النوم ورتبتها وشلت المفرش وبدلتة وغسلت حمامي وخلاص بعدها رحت اطبخ وما فضيت الا الحين عشان اكتب وبحط الصور اول ما الاقي فرصة

سمن وعسل هلا والله منوره والله يتقبل دعاك ياربي


شغلي اليوم في الصباح تعبت تعب الله لايوريكم
بغيت اموت والله جاني طعنه في صدري وظهري
لين ظهر ماقد صارلي في حياتي كذا ابدا
بس الحمد لله عدت على خير بعدهاقمت وصليت جهزت الغدا
و قلت اعوذبالله من الشيطان ورحت غسلت دريشة الغرفة بس واهي مكانها ظهري يعورني ماعاد اقدر احركها من مكانها وغسلت المكيف ومفاتيح الكهربه وحمام الحريم عميق الجدار بالدريشه بالغسالة وكله على قولهم وغسلت البيت وغسلت مكيف غرفة النوم وغسلت المجلس في طريقي مره وحده والحمد لله انا ماعاد عندي شغل غير ملابس عيالي غسيل وخلاص نوووووووووووووووووم
عميق



فصل الربيع يعتبر من اجمل الفصول السنة ففيه يكون :


الطقس يكون معتدلاً

والسماء تكون صافية

و تتفتح اوراق الاشجار

وتتفتح الازهار

وينمو العشب الاخضر

وتزهر الاشجار

هدوء الله الله ربيع بعد شتاء الحين خلصتي الفصول الحلوه ورا بعض
ماشاء الله الصور والمقدمه روعه
كابشتينو على قول تومي مشكوره وشعور متبادل وانا والله كان نفسي اكون معاكم بس المرض شين وزاهده متزوجه اخويه وبنت خالتي
دمعه حزن سلامة بنتك والحين فايرس في الجو اغلب الناس عيونهم ملتهبه وانا اليوم حالتي حاله من يوم صحيت وعيوني تدمع والدراسه بالعكس حاجه حلو الله يسهل امورك يارب والحج الحمد لله ربي ساعدكم
زاهده جدي عيضه هاه على قولك الرجال مات خليه يرتاح في قبره
ماشاء الله شغلك يفتح النفس يعطيك العافيه
هلاله تستاهلين اكثر وانتي من زمان تشاركين صح بس اختفيتي فتره
عزوله الف الف مبروك وقولي الحمد لله يمكن خيره والله اعلم بك من نفسك وخذ حمض الفوليك وارتاحي كم عندك عيال
هموسه سلامتك وانتبهي لحالك
سوزان يعطيك العافيه
جود سالت عنك العافيه
مهندا سلامة ولدك اسامه مايشوف شر
هنادي سلامتك من كل شر
ام شعر منكوش يعطيك العافيه كيف جسمك اليوم
كولكشن اذا الستاره ماتنزل وثقيله خليها مكانها ونظفيها واذا تنزل احسن وانظف
سجود السحر ماشاء الله عليك الله يزيدك من فضله
قمرهم وين القمر مختفي اليوم طلي علينا
براءة الحمد لله على سلامة امك نور الطايف يالله البيت من غير الام
ماله طعم كانكم ضايعين
رسيلا زهرة الجوري زبده وام شهد وطيف يعطيكم العافيه والصحه
جوى الحب وينك ياحرمه
دلع الحويه وينك ان شاء الله خير
كرامتي زعلانه منك ليه ماعاد نشوفك لو مره في اليوم بس
برياني حلمت البارح انك دخلتي بس معرفك لونه احمر الله يستر
ام ريما وين ضيف الشرف شكله اعتذر تعالي
جمر وحشتنيييييييييييييييييييييييييييييييييييييي
مووووووووووووووووووووووووووووووووت
فيه بنات شاركو مره وحده كلي ذوق وباتشي ليتكم تدخلون
هبة الله وينك
ملكة السكون ان شاء الله امورك تمام
ام الحلوين خلاص تعالي عندك بشكاره اسمها يفطس ضحك
ام الرسام الله يسعدك في الدارين ويرزقك من واسع فضله

عقدت الربطة الحريرية جيدا,,




حملتها بخفة ,,




تطوقني رائحتها الندية




باقة الورد




يبلل نداها أطراف أناملي المرتعشة




لا أعرف تماما من أي جهة أمسكها




لخوفي من تفكك الورود و تناثرها




مثلما تتناثر السعادة امامي دائما




و أحاول التقاطها عبثا





بلا فائدة





.
.
.






أتساءل أحيانا,,




ما هو سر الورد!




مجرد وريقات رقيقة ملتفة




متلامسة الحواف




بطريقة دائرية لولبية




و ذات ألوان متعددة




برائحة و أغلب الأحيان عديمة الرائحة





و لكــــــــــــــــــــــــــــــــــن





مجرد رؤيتنا لها ننغمس في محيط من البهجة




و نتذوق شيئا محسوسا و ملموسا بأعيننا




العيون قادرة على التذوق بالنظر






و بعض النساء تبهجهن وردة حمراء




أتت على غفلة أكثر من بهجتها من هدية





قيمة مخطط لها مثل المجوهرات و غيره




فسبحان الله






و هي نصيحة رقيقة للرجل أردت أن تشاركوني قراءتها:



كن حذرا من جعل المرأة تبكي..


لأن الله يحسب دموعها


فالمرأة خلقت من ضلعك


ليس من قدمك لتمشي عليها


و لا من دماغك لتتعالى عليها


خلقت من جانب ضلعك كي تتساوى بك..


و من تحت ذراعيك لتحميها


و من جانب قلبك لتحبها

اول ايام الربيع .... اصبح الجو بديع ..... بخلص شغلي على السريع .... وبعدها يمكن اصيع


مساء الخير كيفكن اخباركن ...... قريتها من شوي بس لقافه يمكن فيه سالفه ماقلتوها

هدوء انثى


اسعد الله مسائكي بكل خير

اعمالي

اليوم لما صحيت الاولاد للمدرسه وتيسرو حاولت انام بس ماقدرت قمت على طول وقلت يابنت ..... ايه هين
قومي خلصي كم شغله مادام عيالك نايمين
وقمت على المطبخ وقمت احوس به ورتبت المونه والمعلبات حايسينها عيالي من كثر مايدورون بها الدروج يبون حلاوه الجالكسي والكاكاو مايدرون انه قدام خشومهم حاطته بعلبه حليب من الكبير وبالرف ...... بس لا تعلمون
وزعت الصاله ولميت الملابس
وهالحين جالسه قدام ولدي من شان يكتب رفع ضغطي يكتب كلمه وينام واذا كلمته كتب كلمه او يلعب وساعه يتشكى
يارب رحمتك
يمكن تروح السوق بعد صلاه العصر مع اختي وبس هذي علومي




تحياتي