همم عاليه {22} ِِ*ِِ اذواق رفيعه وفصول اربعه ِِ*ِِ بضيافة هدّوو ^ـ *

دمعة فرحـ!_! • 15 سنة

ْ
ْ
؛؛؛؛؛

وقع حصان أحد المزارعين في بئر مياه عميقة ولكنها جافة، وأجهش الحيوان بالبكاء الشديد من الألم من أثر السقوط واستمر هكذا عدة ساعات..
كان المزارع خلالها يبحث الموقف ويفكر كيف يستعيد الحصان؟؟

ولم يستغرق الأمر طويلاً كي يقنع نفسه بأن الحصان قد أصبح عجوزاً وأن تكلفة استخراجه تقترب من تكلفة شراء حصان آخر، هذا إلى جانب أن البئر جافة منذ زمن طويل وتحتاج إلى ردمها بأي شكل..

وهكذا، نادى المزارع جيرانه وطلب منهم مساعدته في ردم البئر كي يحل مشكلتين في آن واحد، التخلص من البئر الجاف ودفن الحصان..
وبدأ الجميع بالمعاول والجواريف في جمع الأتربة والنفايات وإلقائها في البئر.

في بادئ الأمر، أدرك الحصان حقيقة ما يجري حيث أخذ في الصهيل بصوت عال يملؤه الألم وطلب النجدة. وبعد قليل من الوقت اندهش الجميع لانقطاع صوت الحصان فجأة، وبعد عدد قليل من الجواريف، نظر المزارع إلى داخل البئر وقد صعق لما رآه، فقد وجد الحصان مشغولاً بهز ظهره! كلما سقطت عليه الأتربة فيرميها بدوره على الأرض ويرتفع هو بمقدار خطوة واحدة لأعلى.

وهكذا استمر الحال، الكل يلقي الأوساخ إلى داخل البئر فتقع على ظهر الحصان فيهز ظهره فتسقط على الأرض حيث يرتفع خطوة بخطوة إلى أعلى. وبعد الفترة اللازمة لملء البئر، اقترب الحصان. من سطح الأرض حيث قفز قفزة بسيطة وصل بها إلى سطح الأرض بسلام.

وبالمثل، تلقي الحياة بأوجاعها وأثقالها عليك، فلكي تكون حصيفاً، عليك بمثل ما فعل الحصان حتى تتغلب عليها، فكل مشكلة تقابلنا هي بمثابة عقبة وحجر عثرة في طريق حياتنا.
فلا تقلق، لقد تعلمت توا كيف تنجو من أعمق آبار المشاكل بأن تنفض هذه المشاكل عن ظهرك وترتفع بذلك خطوة واحدة لأعلى.

يلخص لنا الحصان القواعد الستة للسعادة بعبارات محددة كالآتي:

اجعل قلبك خالياً من الهموم
اجعل عقلك خالياً من القلق

عش حياتك ببساطة

أكثر من العطاء وتوقع المصاعب

توقع أن تأخذ القليل

توكل على الله واطمئن لعدالته

الحكمة من وراء هذه القصة :

كلما حاولت أن تنسى همومك ، فهي لن تنساك وسوف تواصل إلقاء نفسها فوق ظهرك .
ولكنك دوماً تستطيع أن تقفز عليها لتجعلها مقوية لك وموجهة لك إلى دروب نجاحك .

حافظ على قراءة هذا الدعاء في الصباح والمساء وفي كل أوان

دعاء كشف الهموم :

(لا إله إلا أنت سبحانك إني كنت من الظالمين)

فيأتيك الجواب من رب العالمين سبحانه وتعالى:

(فاستجبنا له ونجيناه من الغم، وكذلك ننجي المؤمنين)

رسيلا • 15 سنة

الحمدلله اليوم نظفت الحمامات عميق

والبيت ممسحته البارح ومكنسته بس شلت الحوووسه بعد عيالي بكل البيت والحين تروشت وبخرت البيت

حتى المطبخ خلصته من اليومي طبعا

وبسوي عشاء خفيف واحاااول انااااام عشان اشبع نوم فالليل ومااصحى كسلانه

ياااااااااااااااااااارب انام انا وعيالي ومانصحى الا عالمدااارس يااااااارب

ماعندكم طرق للنوم خخخخخخخ

بدويه متحنيه • 15 سنة

السلام عليكم كيف حالكم اليوم شكله موشي
شغل اليوم غير الغدا والعيال والتنظيف اليومي
اتجهت للمجلس بالعده طبعا وبديت في الدريشه من برا وجوه
وبعدها الستاره نفضت غبارها لين قلت حقي برقبتي
وبعدها مسحت البلازما والرفوف والتحف ماعاد فيه شلتها كلها
خلاص موضه قديمه ونظفت المكيف والحمدلله ياربي لك الحمد
وغسلت ملابس عيالي والبيت كله كالعاده لازم يوميا
والفرن بعد والحين جالسه اتقهوى ياربي لك الحمد والشكر اللهم ديمها
من نعمه

هدوء مشكوره على كلامك والله يساعدك يارب والفراشه تهبل يعطيك العافيه

الحب مشكوره تعبتي حالك تسلم اليدين الله يعطيك العافيه اكيد اكيد من قبل ما اجرب ان السمك روعه ابجرب ان شاء الله في اقرب وقت الله يسعدك
كرستاله هلا والله هاه كيف مشوار الطايف وكيف ولدك ان شاء الله احسن
نورنهى بسم الله عليك اسال الله العظيم رب العرش العظيم ان يشفيك
دلع الحويه بالعكس شغلك مميز ليه تقولين اخيرا احد حس فيه ماشاء الله عليك سنعه واذا نزلتي شغلك بالصور اسنع وحده بعد ههههههههه بس انتي ماتتفاعلين مع الردود والا راح تشوفين المدح والعلوم الزينه
سجود السحر الله يحفظك ويبارك في وقتك وصحتك
زاهده والفجر ماشاء الله عليكم الله يكتب اجركم على كل صوره لاني اعرف هم تنزيل الصور والتحميل شغل لحاله
ام شعر منكوش احلى ياحرررررررررررركات ماشاء الله لا لا ماني مصدقه صور اليوم عاد وحتى اذا البيت قديم اهم شي النظافه وماشاء الله عليك نظيفه واهم شي المحاوله والاستمرار الله يزيدك من فضله
براءة ياخساررررررررررررره يعني ام عبد الملك مطوله ياربي تسدد الفاتوره وترجع في اسرع وقت والله يساعدها ويبارك في وقتك
دمعه حزن لاتزعلين ولايكون بخاطرك الدراسه اذا ربي كتب راح تدرسين اصلا الحين ماعاد فيه الا المدارس الخاصه تنجحين وانتي مغمضه والا الحكوميه لازم يطلعون ريحتك الحريم فيهم تعقيد يتوزع على العالم لازم يعقدن الامور اي مكان فيه حريم في مستشفى او سوق او اي مكان لازم من التعقيد والمهايط اهم شي الحين افرح بالحج وعلى قولهم عصفور في اليد خير من عشره على الشجره ويمكن خيره الواحد مايدري عن القدر وش مخبي له تفائلي والله يكتب لك كل خيرررررررررررررررررررررررر
دمعه فرح الله يسعدك ومشكوررررررررررررررررررره على الروابط
البرنسيسه ليه القمر زعلان اكيد كتبتي رد وطااااااااااااار صح
ماعليك تصير دائم بس الصور معبره احسن من الكلام هههههه
محتاره الله يسعدك انتي ماتدرين قصه ام وريف قد ايش اثرت فيه ودي اعرف وش صار عليها وكيف ماتت البنت
ام الفتيه يعطيك العافيه
سما الله يعطيك العافيه القصه مؤثره الله ياربي لاتشغلنا الا في طاعتك
والكاركتير بعد حلوووووووووووه تغير جو الله يسعدك
رسيلا الله يساعد الجيل الحين اغلبهم مدلع على اتكالي ومايعجبهم العجب اهم شي انتي عاملي كل وحد على قد عمره وحرام عليك برا البيت عاقبيهم قدامك احسن لايصير لهم شي برا وتندمين اخاف يدفون بعض من على الدرجه والا شي لا قدر الله انتبهي وادعي لهم في كل صلاة والسجود وبين الاذان والاقامه والله يصلح عيالنا كلهم واذا تقدرين يروحون التحفيظ احسن عيال التحفيظ ربي هاديهم
ام مستجده ماعليك انتي اصبري وتحملي وحاولي من الحين واهم صغار تكونين شخصيتهم على الادب وكل واحد يحب اخوه الثاني ويسمع كلامك ونظمي وقتك اهم شي ولاتعصبين الحين يطلعون مثلك يعصبون ويزعلون بسرعه
دعاء السجود يعطيك العافيه
الياسمين ماشاء الله عليك خلصتي الجدول الله يزيدك يارب والتحاميل هههههههههه لو ادري ان فيه تحاميل لظهر والله لاخذها بس مافيه الله يسعدك مت ضحك ماشاء الله عليك تذكرين نسيت انا
رووووووووح هلا والله فيك كيف حالك مع الحمل
ام الجود وينك
نسمات اخبارك مع ضيوف الغفله
عزوله الحمد لله بنت وحده اجل ماعليك انا قلت الحين البيت مليان
احسن يكون كل اثنين ورا بعض علشان ماتجلس لحالها وبعدها خذي فتره راحه وجيبي اثنين ورا بعض ياويلي ههههههههههههه
كابتشينو اي والله الستاره صعبه والدريشه بعد ثقيله بس مره في الشهر مايخالف على قولهم الله يعطيك العافيه امك فرحانه بعد دخلتي همم وحاسه انك متغيره والا عادي اكيد انتي من قبل نظيفه بس بعد همم لازم تلاحظ الفرق
سندريلا وينك

رسيلا • 15 سنة

هلا بدويه متحنيه ايوالله صدقتي بكلامك والله

اما التحفيظ فكرت فيه بس يالله يقومون بدروووسهم بلشت فيهم والله العظيم

بس تطمني خخخخخخخ برى يخافون ويسكتون وينتظرون مني الفرج ويطقون ييقولون خلاص اسسفين هههه بس والله مااقدر ادخلهم على طول واسامحهم بسرعه اذا سويت كذا معاهم ربع ساااعه ويرجعون لطبعهم واللقافه

عشان كذا اتركهم برى مده طويله

ومنها اقدر انظف ويرتاح راسئ واتقهوى واكلم واكل واشرب واللي قاهرني يتمشكلون قدامي حييييييييييييل وضرب من مناطق خطره

غير حوووسة البيت ومايشيلون اللي وراااهم عجزت يومين يطيعون و5ايام لا

واليومين غالبا قبل الاربعاء لان صرت اعاقبهم مانروح ونطلع برى البيت

اتعبووووووووووووني فيه احد مثل اولادي وابوهم رحوووم فيهم وهو اللي خربهم ودلعهم

والحيين ندم بس يسكت ييقووول ييكبرون ويعقلووووووووون بس هذا تفكيره للاسف

جوى الحب الاول • 15 سنة

..

ح ـلوهـ نعيــش
{ الحب}
.. بقلوب .. الأطفال .!
وأحلى لـو أن" العمر كلهـ { طفولــه}..

,,

ابله هدوء ..
مشكوره ياعسل على الهدايا والفراشات الله يعطيك العافيه يااااااااااارب ..

الفجر ..
الله يعطيك العافيه ياقمر صورك حماااااااااس تسلم يدك ..

ياسمينا ..
هلا والله فيك يالله جربي طريقه السمك مرررررره لذيذه ..
وبالعافيه عليكم مقدما ...
ليه كذا ذكرتيني بايام الكليه الله مامحلاها محاضرات وتدوين واختبارات جو ثاني الله يذكرها بالخير ذيك الايام ..

ام طيف وشهد ..
الله يعطيك العافيه يارب وعساك على القوه ..
انتي من وين ؟؟

سجود السحر ..
الله يعطيك العافيه وعساك على القوه ..بشري كيف السلطه ان شاء الله عجبتكم ..

دمعه فرح ..
الله يعطيك العافيه ياقمر..
تسلميلي ياقلبي هذا من ذوقك ياعسل ..
جاري سماع المحاضره والله يجزاك خير يارب على المواضيع والمقاطع ..

عزوله الاموره ..
تسلميلي ياقلبي هذا من ذوقك ..
الله يسلمك يارب لابي خلاص طفش منا الظاهر ماعاد فيه امل ههههه ..

البرنسيسه ..
اعصابك ياقمر ايش سوالك الكمبيوتر هههههههه..

نور ونهى ..دلوعه ..ام الفتيه ..مهنده ..ام وعد ..راكبه تحت ظل شجره ..
الله يعطيكم العافيه وعساكم على القوه ..

جوريه ..
مشكوره ياعسل على المقاطع الحلوه مع اني ماشفتها مارضيت تفتح من الجوال ابرجع اشوفها شكلها تحمس ..
الله يعطيك العافيه وعساك على القوه ..

ام غلا ..
الله يوفقك يااااااااااارب والله يعطيك العافيه ياقمر ..

دعاء ..
الله يعطيك العافيه ياقلبي وعساك على القوه ..

بدبد ..
كيقك ياقلبي طمنيني عنك كيف صحتك الان ..
وبالعافيه عليك السمك مقدما ..والله يعطيك العافيه وعساك على القوه ياعسل ..

ام الرسام ..
الله يجزاك خير ياقلبي وعساك على القوه ..

اوراق ذابله ..
الله يعطيك العافيه ياعسل ..

ام شعر منكوش ..
الله يعطيك العافيه وعساك على القوه ..
ماشاء الله صورك حماااااااااس ..
بالنسبه للبويه خذي سلك نحاس ناعم مو خشن وافركيها وان شاء الله تطلع ..

دمعه حزن ..
الف سلامه على بنتك اذا تعبانه غيبيها لايزيد عليها هناك واذا نص ونص خليها تروح تتنشط على حسب وضعها وانتي ادرى ..

كابتشينو ..
جزاك الله خير على المقطع والله يعطيك العافيه ياعسل ..

رسيلا ..
كلو زبادي او اشربي لبن يساعد على الاسترخاء والنوم والله يعطيك العافيه ياقمر ..
الله يهديلك اولادك يارب كم اعمارهم شكلهم مراهقين صح ..

..