كتاب




تحميل

http://www.7ozn.com/do.php?filename=13189182801.pdf

ال spa

بماا انو فيه بناات ماشاء الله خلصوو
من المطبخ والباقي بااقي شي بسيط
حبيت اكاافئكم بجلست استرخااء ومساج واكيد الكل محتاجه بالصيف و
كرف المطبخ الفكره مبيتتهاا من امس
بس فيه بنات كافئو انفسهم ماشاء الله
عليهم ماقصرو وكل وحده لها غرفه خاصه لهاا يالله اتمنى لكم وقت ممتع
ومريح وان شالله ترووقون ..
حبيت انوه **ماودي احطكم بذمتي وتروحون اماكن زي كذا لان ماعندي خلفيه هل يجوز ولا يعتبر من كشف العوره والله اعلم سووها ببيتكم احلى.



يساعد المساج بشكل عام على جعل نفسية الانسان في حاله من الاسترخاء
حيث أن تدليك بعض المناطق في الجسم و خصوصا التي يتركز عليها الكثير من المجهود اليومي يستخرج تشنجها و يساعدها على الاسترخاء و التمدد مما يجعلها تقوم بارسال سيال عصبي للدماغ يخبره بالارتياح و بالتالي تسيطر الراحه على نفسية الانسان و تفكيره و تجده لا إراديا يبتسم بسبب الشعور الرائع الذي يعيشه لحظتها.

ويتم بصور وطرق متعددة ومختلفة وقبل التطرق لتلك الطرق والأنواع الخاصة بالمساج لابد التطرق إلى أن هذا


الأمر يتطلب أدوات وأغراض خاصة مثل الزيوت المختلفة وأنواع من الكريمات لتدليك الجسم وصخور معينة

وغيرها من الأدوات والأغراض






















ويعتبر أفضل وقت للتدليك في الصباح قبل أن تأخذ الحمّام الدّافئ أو قبل النوم








يعتبر احد وسائل العلاج الطبيعي وهو عبارة من مجموعة حركات تعمل على الجسم بهدف العلاج والتأهيل والوقاية.


ومن اهم التأثيرات التي يمكن ان يتأثر بها الجسم:


1- تنشيط الدورة الدموية وزيادة الغذاء الواصل الى المنطقة المدلكة.
2- تنشيط الغدد اللمفاوية .
3- ازالة الفضلات الموجودة بالجسم والتخلص منها.
4- ازالة الطبقة الميتة من الجلد كما يساعد في تحسين الوظيفة التنفسية والمرونة والتخلص من التجاعيد والوقاية منها.
5- تحسن السائل الزلالي في المفصل.
6- منع الالتصاقات والتقلصات في عضلات الجسم .
7- تحسين عمل الجهاز الهضمي والتخلص من الامساك والوقاية منه.


ملاحظة : هناك حالات يمنع فيها التدليك وهي:


1- في حالة ارتفاع حرارة الجسم.
2- في حالة الحروق.
3- في حالة الجروح.
4- عند وجود تقرحات او بثور على الجلد.
5- عند وجود التهابات المفاصل.
6- عند وجود تمزقات في العضلات والاربطة.
7- في حالة وجود نزيف داخلي او خارجي.
8- في حالة وجود اورام خبيثة.


ومن اهم الامراض التي يسمح فيها التدليك:


1- تيبسات المفاصل.
2- التقلصات العضلية.
3- الام العمود الفقري.
4- التليف.
5- تأهيل الاصابات والكسور.
6- التمزقات العضلية بعد مرور 48 ساعة على الاصابة.


انواع التدليك؟


1- التدليك الرياضي ويقسم الى تدليك اعدادي وتدريبي وتأهيلي.
2- التدليك العلاجي ويقسم الى تدليك مقطعي ونقطي.
3- التدليك الترفيهي.
4- التدليك التجميلي. >BR>


اهم الحركات المتبع في التدليك:


1- الحركات المسجية.
2- الحركات الفركية.
3- الحركات العجنية.
4- الحركات القرصية.
5- الحركات النقرية والاهتزازية والطرقية.


الشروط الواجب اتباعها عند التليك:


1- غرفة خاصة مغلقة تكون درجة حرارتها 18-20.
2- وجود شفاط لتغيير الهواء.
3- انارة خافتة بالاضافة الى موسيقى هادئة.
4- وجود مناشف ومغسلة وادوات تنظيف.
5- تغطية المريض او الشخص وخاصة الاجزاء المدلكة.


مساج للوجه

من فوائد مساج الوجـــه
ينشط الدوره الدمويه
ويأخر ظهور التجاعيد
ويساعد على الراحه والإسترخـــاء



مساج العيون ... أحد وسائل الراحه النفسيه




في زمن الكمبيوتر و الانترنت فإن أكثر ما يجهد خلال ساعات العمل خصوصا هو العين نتيجة الجلوس الطويل أمام شاشات الكمبيوتر مما يؤدي إلى عقد الحاجبين و دخول العينين للداخل و إغلاق الاجفان بشكل 50% على العين نتيجة الارهاق و الاصرار على التركيز و مواصلة العمل بل تصل أحيانا إلى احمرار العينين و الاحساس بحرقه في العين


عند وصلك لهذه المرحله حاول أولا أم تغمض عينيك لمدة دقيقتين على الاقل ثم قم بعمل مساج للتجويف أعلى العين و تحت الحاجب و استمر لفتره بسيطه ثم قم بتحريك إصبعك بلطف على العين من الاعلى و ستلاحظ أن العين و عضلاتها قد بدأت بالاسترخاء ثم أغلق عينيك لمدة دقيقه ثم قم بغسلهما بماء بارد

مساج القدمين






ان تدليك القدم اوالمساج
يساعدك على تقليل الضغط والتوتر
ويساعد على تدفق الدم بصورة طبيعية
ويعطيك شعور بالراحة والاسترخاء
ليس للقدم فقط وانما ينعكس على الجسم كله
ويمكن عمله في اي وقت وهذه خطوات بسيطه
يمكن اتباعها لعمل مساج للقدم
كل ماعليك هو الجلوس في مقعد مريح او سرير
ووضع القدم على وسادة كبيرة
والاستعداد لمساج رائع


ويمكنك استعمال فوطة او قطعة قماش كبيرة
تحت القدم حتى لا ينسكب الزيت اوالكريم
المستعمل في عملية التدليك على السرير اوالكرسي


وقبل البدء في عمليةالتدليك
ابدأ بتدليك بسيط بالزيت اوالكريم
كعملية تسخين وتطرية للجلد


ولنبدأ باتباع الخطوات التالية كما في الصور


مع تمنياتي لكم بالراحة والاسترخاء

رانيا ونون تسلمين ماقصرتي بس ليه تقولين
كذا بالعكس صوري لاتيئسي بسرعه ترى نرجع
نشوفهاا ولايهمك اهم شي مايقل حماسك .



سجود السحر ماشاء الله جدول يومك ببيتك مرا
حلو والجانب الديني كمان الله يزيدك من فضله
وينور قلبك ياارب انتظرتك بالصور ماجيتي ان شالله
خييير ..




زوجه وام ناجحه تسلم يدينك على البيتزاا يااربي
من زماان ونفسي اسوي ذا الشكل وكل مره اقول
المره الجايه ان شالله اسويهاا سهله وشكل حلو .

رسيلااا مااقصرتي ياعسل مابقى الاا القليل الله
يقويك وتخلصينه.



زبده ماشاءالله على الانجاازات ماقصرتي الله يعطيك
العافيه ويشفيلك ولدك ومعليش على اللخبطه و
تصدقين انبسطت لما قلتي انكم كلكم بناات احب
جو البناات بالبيت ذكرتيني بخواتي الله يسعدكم.



همووسه مااقصرتي يالغلااا الله يعطيك العاافيه ياارب والله يوفقك ويرزقك الذريه الصالحه ياارب و
الله يسعدك ضحكتيني هاا وينك اليوم باقي بالمسبح
ولا لقيتي احد ينقذك ههههه.ماتمشي معي الرشوه
ياهموسه بس والله مااقدر اقول شي مشاغباتك
حلوه وتسكنتي من حظك .



جوى الحب مبرووك انتهائك من المطبخ هم وانزاح
مااقصرتي وانا اشوف الصاله اهووون بكثيير من
المطبخ عادي ماقصدي شي والله عن الاسم تصيرلي كثير واغلط هههه والله يعوضك بلاب جديد
ان شالله وماقصرتي على كذا مواظبه الله يسعدك
ياارب طمنيني على جنو العسوله المرهفه زي امها
تسلمين جوى تصدقين رغم اني ابد مااحب اشارك
احد بمشاكلي وهمومي لاكن الاقي الكثير يبدأ بسرد
مشاكلهم لي ويحبون ياخذون راي اقول سبحان الله
ليه يعني بنفسي وش اللي يخليهم كذا !....



بدوو تسلمين ياعسل وسلامتك احسك انتي بعد
زي هنادي ماعندك يمه ارحميني شوي شوي على
نفسك ريحي الشغل مايخلص ..


ام علوش حياك الله وينك وين يومياتك مالك حس .

ام مستجده ماقصرتي وان شالله ياارب مانخليها و
يمكن قلتلك مكسله نسيت عن موضوع نقلك الله
يسرلك اللي فيه الخير ياارب وانا عارفه انو تعب النقل وراح ياخذ من مجهودك الكثير لاكن النتيجه النهائيه مرضيه ان شالله وتنبسطي والتغيير حلو وما
قصرتي بالصور الله يسعدك باينه النظافه فيها .



دعاء السجود ماقصرتي ياقلبي وان شالله تلاقي اللي
يريحلك اعصابك والسباحه حتى انا مااعرف بس احب
اتغطس لو ماسكه بالجوانب او البس طوق هههههه.



ملامح الانوثه هلاا فيك وعارفه انك مشغوله الله يعينك وعيونا راحت فيها من ذا الاب توب الله يستر
ويشفيك وماشاءالله تبارك الله تغييرات حلوه ونظافه
احلااا الله يسعدك ياارب ومطبخك راايق زيك وحلو
فكرتك للشغاله مراا ان شالله تمشي عليه بترتاحي
واكيد التشييك مهم عليهم ومكافئتك لنفسك روووعه
تستاهلي وانا راح ازيدك كمااان ...

دمعة فرح القصه مراا مؤثره الله المستعان ويعطيناا الصبر وقت المحن ياارب وماقصرتي بالواجب ياعسل.



جوود الله يكون بعونك ياارب وان شالله تخلصي اليوم
الهمه بس وعارفه شغلت العيال الله يوفقهم يارب
وتسلمين ماتقصرين على مواضيعك ومداخلاتك .



منتهى التفاؤل لاتضييقين صدرك ولاااشي والله لااا
عااد الاقارب ولا الجيران الاا من رحم ربي وفكي
نفسك من الهم احسن وعيشي حياتك والنت بحر
فيه كل شي تتسلين وتتواصلين مع البعيدين والمفروض انك ماسكتي وقلتيلهاا انو اللي صاار مااانتي راضيه عليه الله يسخرلك الناس اللي تحبك
وترتاحي معااهم ياارب ..



محتاره تسلمين يختي وش ذاا بتفتحين نفوسناا مرا
ولااا اقولك احسن حلوو للرجيم تجين بتاكلين تخافين
وتنسد نفسك ههههه.



ام وعد ماتشوفين شر والله بالعكس انتي قلتي انك
تعبانه من الشوكه واكيد والله نفقدكم بالعكس مااحب انا نفقد احد فجأه بس ننسى من كثرهم مشالله وحركااات خلصتي المطبخ الله يسعدك ماقصرتي والحين ريحي بعد التعب .



كابتشينو الله يسعدك ياارب ماقصرتي وجدولك روعه
الله يفتحهاا بوجهك ياارب حسستيني بتقصيري الله
يمن علياا ياارب ويجعل قلوبنا معلقه بحفظ كتابه .



عزوله ماشاءالله تبارك الله مااقصرتي على الصور و
النظافه .



ام شعر منكوش ماتشوفين شر يااقلبي انقلبت عليك
الرحله الحلوه يالله ان شالله تخفين بسرعه وتلحقين
على شغل المطبخ .



براءة فكر تعالي تعالي وين اذنك بمسكها شوي كل
يوم اعذارك كثرت خلاااص مااعاد فيه امشيلك ..
<<لاتزعلين امزح والله مسويه شديده ههههه بالعكس احب اللي تغيب وتجي منجزه الكثير ترفع
المعنوياات الله يسعدك ياارب مااقصرتي وكلامك
وكلامك يفتح النفس يخليني استعيد الطاقه ماقصرتي .



اسومه سلامتك وش السالفه نسيت وش اللي صارلك الذاكره تبخرت شكلهاا وماقصرتي ياقلبي
على الانجازات ..



كرامتي عاليه مااقصرتي مراا رووعه ..

زهوده ماتقصرين يااعسل كالعااده قمه بالحماس
والنظافه الله يسعدك ياارب واحس تعبتك معي
تشيلين هم الردود وسرتي مواظبه معي الصبح احس انتظم نومك ولاا تواصلين الله يعطيك العافيه
ياارب ويحميك من كل شر .عادي ياقلبي لاقطعتي
ولا شي انا تاأخرة بالتنزيل النت بطيء مراا .



حرم القرشي ماشاء الله على الحماس والنشاط
فعلا" الوحده هي اللي تسوي من بيتهاا تعاسه و
ضيقه وهي تقدر تخلي النظافه والفرح يملاااه لو
ايش صغره الله يسعدك ياارب ودووم السعاده .



دلاله مجننهاا ماقصرتي على تواصلك رغم ماعندك
جهاز عشان تحطين يوميااتك تسلمين يااعسل .




سماا ماقصرتي يااعسل باليومياات والمواضيع
وضروري نعلمك السباحه ماينفع صيف وماتجربين
ههههه بجي جنبك بالمسبح وادفك راح تنبسطي
صدقيني ..



الاموره الحلوه ماقصرتي الزامك بتنزيل اليوميات
تنشطك خاصه لو وعدتيناا انو بتخلصين اي شغله
لما تسكري تحسين انك وعدتيناا فراح تنجزينهاا
ان شالله وتذكري العيد قريب تتحمسين الله يسعدك ياارب .




الياسمين وهنااااادي ... راااح احطكم جنب بعض
عشاان مع الاسترخاااء كل وحده تفضفض للثانيه
وتسولفوون وترووقون مع بعض ههههه.......