هدوء قائدتنا العسل
اول شي الف سلامة لابنك ماانتبهت مبارح انه مريض
ربي ينظرله بالشفاء العاجل ويفرح قلبك باعافيته التامة
تاني شي ياغالية تسلم اياديك وربي يجزيك عنا كل خير
حسيت حالي اخدت شي مااستاهله بس شكلي بتدلع على حسابك
تسلم الايادي يلي نسخت ويلي الصقت وحملت هههههههه
لو تشوفي الواجهات عندي اليوم وكم الغبار يلي عليها من الخارج ، كنتي عرفتي اني ماخلصت شغل
ولسا امامي الكثير الكثير ولليوم للقيت اجابة ليش بيعملوا الشبابيك عندكم محجرة او مظللة يعني عمري ماشفت
الزجاج متل عنا مسطح وبيلمع بس عرفت اااجابة انه معمول هيك خصوصا لحتى مايبان عليه الغبار بسرعة
لانه هي اول متاعبي هون انه الواجهات كل كم يوم بتلاقي الغبار واضح عليها وفي الاعادة افادة
شكلي بصير من اصحاب العضلات من كتر ماايدي واكتافي عم تتمرن بمسح الواجهات هههههه
بكل احوال متل العادة بعمل همم وحدي بعد يوم الاربعاء لاني بتوقع تكون الهمم قفلت وبرجع بعمل تنظيف سريع
لكل ماسبق وربي وحده عالم كم الامتنان يلي بقلبي لانك امسكتي قيادة الهمم
عندي احساس بالذنب فظيع لاني عم اتهرب من هالمهمة بس عليم الله مابيمشي الحال مع ظروف الجهاز والنت عندي
ماعدا ظروفي لسا ماحكيت فيها واحيت انت ريحتي ضميري لاني عرفت انه همهوم بيكون بايدي امينة.


كريستالة
ياعمري نحنا اخوات ومابدها شكر
فرحتيني انك لقيتي طريقة تعلميه فيها
ربي يقر عينك فيه وباخوته


الياسمين
نيالكم اكيد الخروف قاعد بيعزف سيمفونيات كل مابدكم تناموا
كنت اموت بهالمرحلة من صوت الشخير يلي بيطلعه وهو نايم بالليل وهو بيقعد عند شباكي
وانا ببقى متونسة طول الليل بصوتو
كل عام وانتوا بخير مقدما وربي يتقبل طاعتكم


ياربي بدي اشكر البنوتة يلي دخلت بعد غياب طويل اتوقع كانت
الامور الحلوة ، مالي متاكدة من الاسم
هي الامورة واستني ودعت لابني بالعافية
حبيت احكيلها انه ابني ماعاد نطقه في شي ولله الحمد وصار بلبل حياتي هو وحروفه حبيب قلبي
يعني مايغلي قلبها من هالناحية بس خجلانة من نسيان الاسم
والجهاز هون بيروح كل تحميل الصفحة اذا بنقل لغيرها فماراح ينفع

دعاء
تسلم اايادي شو انك بنت حلال
ماسكة شوكولا وبدي اكل قطعة لقيتك منزلة الصورة وانا دايبة على قضمة
ربي يسلم اياديك ويجزيك خير
اذكر اني لما قرات قصة سيدنا عمر وكيف كان عم يشرح رضي الله عنه كيف وصل انه الشيطان اذا وجده بطريق
بيسلك طريق اخر من فقدان امله من سيدنا عمر انه ممكن يستجيب لوسوسته
يومها السر كان في ان سيدنا عمر كل ماطلبت نفسه شيئا عمل العكس تماما حتى تهذبت نفسه وعلمت ان لا خير
الا في الزهد وعدم الطلب
بعد ماسمعت هالقصة مالقيت شي قلبي معلق فيه الا الشوكولا " المارس والتويكس " ومع اني وقتها كنت نمنومة
يعني قطعة المارس الحجم العادي باكلها على سبعة ايام كل يوم قضمة ، مابقدر اكل اكتر من هيك
ومع ذلك كنت عنجد مابقدر عيش بدون مااكل شوكولا وتفسيري وقتها اني متزوجة جديد والاشغال مهولة فوق راسي
واكيد جسمي محتاج هالمادة لحتى عم يطلبها وماما ربي يخليها كانت كل ماشافتني تشتري لي لعلمها اني
راح اخجل من زوجي وماراح اطلب منو الشوكولا
المهم يوم نويت اني مااعطي نفسي هواها وانه مابدي اذا اشتهيت اكل ، الحمد لله النتيجة كانت رائعة ولله الحمد
بفرح وقت بشوف النتائج لانه النفس طماعة كل مااعطيتيها مبتغاها بتطلب المزيد وكل مالبيتي رغباتها كمان
بتطلب المزيد لحتى ماعاد تخلصي من دوامة النفس واهوائها
ربي يعافينا ويردنا اليه ردا جميلا  

زهودة
ربي يبشرك بلي يسر قلبك وخاطرك
ربي يقر عينك باولادك ويسخر لك في قلب زوجك
ربي يجعلك من عباده الصالحين التائبين العابدين الصابرين ويحشرك مع النبيين والصديقين والشهداء

لما قرات انه خلصنا من الطاغية
ماعرفت اي طاغية بتحكي عنو لانه " ماراح قول ماشالله بركي بتقل بركتهم " اكثر من الطغاة مافي
المهم رجعت لشوف لاني من الصبح عم احفظ واشتغل ببيتي وماشغلت التلفاز ابدا واتفاجئت بالخبر
اتفاجئت كتير مع اني لسا خايفة يطلع لعبة اعلامية وسياسية
بس يارب نصرك المؤزر لكل المسلمين ، يارب توحد كلمتهم على الحق
يارب تمدهم بمدد من عندك ورحمة منك تغنيهم عن رحمة من سواك ياارحم الراحمين
انت اعلم باحوالنا منا فحسبنا من سؤالنا علمك بحالنا يارحمن يارحيم

يوم انشنق صدام كنت بالحج وماشفت الخبر ولا رضيت شوف تسجيله لانه مهما الطغاة بغوا
فيبقوا ناس ومالازم ننسى " ارحموا من في الارض يرحمكم من في السماء "
ويارب يقدر اهل ليببا يتعاملوا مع الموقف بكل رحمة مع انه الجرح عميق عميق كتير
يعلم الله انه يلي شافوه ماهو قليل
ربي يجبر مصابهم ربي يرحم شهدائهم ويعافي مرضاهم ويامن روعاتهم ويردلهم غائبهم
ويوحد كلمتهم وينصرهم على من يعاديهم يارب

ْ
ْ






مسائكم خير . مسائكم غير



مساءالـحب الوردي













..{{ ابلى هدوء شكرا من الاعماق.. يكفي تعبك معانا ..الله يجزاك خير..}}.. فرحت كثير ربي يسعدك ,,ياليت احد يقدر تعبنا :(


هذي هديه لك يااحلى ابلى..






واحلى تورته ..

هدوء

اليوم انهيت المطبخ والحمد لله .. دخلت المطبخ بعد صلاة الفجر خرجت بعد صلاة المغرب

عز على انى اتأخر عنكم شديت حيلى اليوم وتوكلت على الله وانهيته ولله الحمد

غالياتى ادعو الله لى ان تكون يدى ورقبتى بخير يوم السبت حتى اتمكن من كتابة الدرس لكم وعذر اذا لم استطع لانى اكتب الان بصعوبة شديدة من جهد العمل

ام الرسام
ربي يمدك بالعافية وينظر لك بالشفاء العاجل
يارب يجزيك خير عنا ويعوضك خير باولادك ويقر عينك فيهم
عزيزتي الدروس مالها هربانة ونحنا كمان لازقين فيك مو تاركينك
يعني همهوم معنا وعلى اقل من مهلك لا تستعجلي على نفسك
ريحي رقبتك وايدك الله يرضى عليك