جود صباحك ورد

من عادة الكههوفّ ،
أن تكَوون مُظلمة. !!
إلا گهف؛ الجمعه"
فَ إن نورهـ يمتد
-( لِ آسبوع گآمل

سورة آلگهفْ،
يسعد صباحكم ويجعل ايامكم عامرة بذكره تعالى

دعواتكم عندي اليوم مراجعة مكثفة وخايفة كتير اتفاجا يوم الاحد انه تجويدي للحروف متراجع
لانه هذه مشكلة البعد عن التجويد مع تصحيح المعلم بتلاقي نفسك اتراجعتي بدون ماتشعري
ضريبة البعد
اسال الله ان يجعل القران العظيم ربيع قلوبنا ونور ابصارنا وذهاب وجلاء غمومنا واحزاننا


برووءة
ربي يسعدك انت وترتيبك انت واختك
وصلتيني تماما للصورة يلي بدي خزانة بنتي تكون عليها وفرحت بالصورة كتير
وقلت لازم اخليها تشوفها لاني كل ماجبت لها صناديق للترتيب بحس انها مو مستوعبة كتير
شو الشكل يلي ببحث عنه وانا مابحب كتير اتدخل بطريقتها بالترتيب
لاني بحب كيف بتتعلم من اخطائها وبتشوف النتائج بدون مايكون لي يد فيها
ومشكلتها انها واثقة بنفسها ومشان هيك مابتقلدني بطريقتي بس مع صورتك راح يكون
الامر واضح ومفهوم
تسمحي لي اخليها تحفظها عندها بجهازها ؟؟؟؟؟
مشان تكون الها مرجع كل ماحبت ترتب خزانتها
اسال الله العظيم ان يجعلك مرضية الوالدين ويطعمك ماتتمنيه يارب

كابتشيينو
تسلم الايادي عالموضوع
الله يسعدها. "دونا " من حلقة رمش الغلى هون بالمنتدى ارسلت لي رابطه لانها نازلة تشجيع بالكل
ربي يجعله بصحايف اعمالها ، تعرفي اني اغبطها على همتها لاني كنت عم فكر ، لسا عم فكر
اني لازم اعمل شي لهالحلقة ومن زمان ونفسي اورجيهم جدول واضح فيه تقصيرهم لانه العمر بيجري
بسرعة ومابيشعر الانسان بتقصيره الا لما بيشوف التواريخ مكتوبة. امام عيونو وبيكتشف انه مااعطى القران
ولاحتى 30 دقيقة باليوم مع انه اليوم فيه 1440 دقيقة
يعني اتصوري انه مااعطى القران ولاحتى. 2.08 بالمية من الوقت المتوفر عنده كل يوم
واجت هي ماشاءالله عليها وعملت جدول وجعلت الحفظ وفقا للالوان واعطت كل بنت رقم لمتابعتها على الوورد
وقسمت البنات فريقين للتنافس وارسلت رسائل بعدد كبير جدا ومالقيت غير الحلقة رجعت لها الحياة
ربي يجعله نور بصحايف اعمالها وانا راح علي الثواب يلي كنت عم اجل فيه ، انت اكيد فاهمة علي ليش
عم احكي هالكلام لاني مابدي انك تروحي من ايدك ولافرصة ممكن تحصلي منها على ثواب ماراح ينتظرك
اذا اتاخرتي عنه
مشان الرسائل ربي يسعدك ، انا اكيد مو حابة احكي خصوصياتي ولكن هذه هي الطريقة الوحيدة
التي اعرفها هنا في منتدى عالنت لانه بهالحالة راح يستقبل الرسالة ذوي الالباب ويستفيدوا منها
وغير هيك مافيني اوجه كلام مباشر لاي احد الا المقربين
يسلملي اللبيب يلي بيفهم علي ، ربي ينور بصرك وبصيرتك ويرزقك فهم النبيين


زهودة
الله لا يحرمني منك يارب
مع اني عارفة انه معك حق بس موبيدي اشفقت عليه مبارح من شوفة منظره "ربي يختم لنا بالايمان "
شكلي واحدة من اتينين : يابينفجر راسي ، يابغير طريقة تفكيري
ومابعرف ايهما اسهل ، يعني اليوم فايقة راسي بينفجر من الصداع وانا نايمة على طهارة والاحلام ماتركتني
وكل هالشي ليييييش ؟؟؟؟ لاني من يوم ماعرفت هجوم الاكراد على الاتراك وانا قلبي عند الاكراد المساكين
مو يلي عم يقاتلوا لااااا عم احكي عن يلي مالهم لا ناقة. لاجمل بهالصراعات ، يعني هم لعبة بيد السياسيين والشعب قاعد بيدفع
الثمن ولقيتهم اجوني باحلامي وصار الحلم كله خوف عليهم
ربي يصلح حالي ومايخليني اشغل عقلي الا بشي مفيد لاني عم استهلك طاقتي بشي ماراح يفيد
ادعيلي زهودة ارجوك ربي ينور بصري وبصيرتي لحتى اعرف الحق من الباطل
من صغري كنت عارفة انه السياسة لعبة مو نظيفة بس مااتوقعت لهالدرجة الكذب والخيانة وتفضيل المصالح
صحة وهنا على قلبك المارس وربي يجعله عوافي ، وانت حطيتي ايدك عالجرح لما قلتي ربي الكبير
وهو بيربي اخوانه ، ماانا ماقدرت اربي متل مابدي لا الكبير ولا الاصغر منو لاني وقتها كنت مضغوطة وفي من
بيشاركني التربية بس لما صرت وحدي كان خلاااص مشي الحال كبروا وهي نحنا بنحاول
بتعرفي انه زوجي حاليا مصر انه يخليه ابنه السنة بنفس الصف يعني ماراح يسمح له ينجح وبدو يخليه يعيد
السنة كلها ، انا كان جوابي له انه اذا عندك استعداد ترجع تدفع كل هالمبلغ لاعادة السنة
اذا اترك الشغل شوي وصادق ابنك والعب معه افضل من جعل نفسيته في الحضيض من الاعادة وكانه كسول
وغير قادر على النجاح ، عليم الله تعبت لسانا باول السنة وشوفي الشكاوي من المعلمات وانا عم روح للمدرسة
بس بدون مايعرف لانه تعببت نفسيته مني و عدم ثقتي فيه
بس الصراحة اضطريت من يومين احاصره بكلام معلمته لحتى قبل يدرس معي افعال اللغة الانكليزية
يعني جايب بالاختبار. علامات مزفتة وبالاخر له عين يحط مبررات مالها طعم ولا لون لحد ماكنت صريحة اني كلمت المعلمة
اتخانقنا شوي وطلعت روحي شوي وبكيت شوي وبعدها اجا اعتذر ودرس وجاب علامة تامة من دراسة ساعتين معي فقط
طبعا مابيمشي الا كلامو بالاخر يعني كان مصر انه مابيكتب كل فعل ثلاث مرات وانه بتنكسر ايدو اذا كتب الفعل ثلاث مرات
كنت بالبكالوريا وكنت اكتب الكلمة عشر مرات لاحفظها وهو ثلاث فقط مو قابل وبالاخر ماصار الا متل مابدو
فظيع هالصبي الله يقدرني على تربيته وطبعا ابوه شايفني هلكانة بتدريسه وبرايه انه اذا خليناه بالصف الحالي كمان عام
راح يكبر ويعرف مصلحته اكثر. وانه مو معقول ينجح وهو مابيدرس الا اذا نحنا اترجيناه
افيديني زهودة والله احترت ومالي عارفةشو ساوي
لا تشجيع نفع ولا سحب الكمبيوتر نفع وشلت الريسيفر نفس النتيجة بيضيع وقته بشغلات تانية
ماله قابل يفهم انه ضروروي كتير انه يدرس لانه بيقدر يحفظ الدرس بسرعة شديدة لما بيكون بالصف لذلك مطمن قلبو
الا الرياضيات عم تتعبو كتير وعقله ماعم يقدر يستوعبها
وانا خلاااص بدات الامتحانات وانا تعبانة اصلا من عدم تجاوبه هي يوميا الحمد لله لازم اروح للمدرسة
لاني لازم اشوف كل معلماته والمدرسة بعيدة بس مضطرة وماعم لاقي حل غير هيك
حاليا بدات المعلمات تخانقه ليش عم يغمض عيونو بهالشكل ، معناها رجعت له حالة الرفرفة بعيونو يلي كل ماتضايق
من الدراسةبتصير معو لانه طول الصيف كان مافيه شي ولما سمعت منو انه متضايق من المعلمات ليش عم يطلبوا منو
يتوقف عن الرفرفة بعيونو ، عرفت فورا نه ابني بدا يتعب من ملاحقة المعلمات له
وبكرة بلاقي الحالة زادت. وبتصير حتى بالبيت عيونو بترفرف بشكل مزعج وكل مالها بتزيد
من جهة اشفقت عليه ومن جهة تانية محتارة معه كيف بتركه هيك وخواته البنات ماشاءالله بيشهوا القلب ربي يسعدهم
يعني فقط فرق العلامات بينهم راح يزعجه ويتعب نفسيته وماعاد عندي استعداد نهائيا اني استثمر فيه وقتي واترك
بنتي الصغيرة لانها العام الماضي صعقتني لما جابت نفس مجموع علاماته
يعني هي نزل مجموعها بشكل يخوف لانها طلبت كتير مني المساعدة وانا كنت مشغولة باخوها وماقدرت ساعدها حتى بالعلوم
باللغة اانكليزية يلي هي عن جد صعبة ولا بالفرنسي يلي كمان صعب عليهم
وهو اتحسنت علاماته بس ماكانت وفقا للتعب يلي تعبناه يعني هون كان يطلع ممتاز وراح جاب لي علامات
اقل ب 8علامات من المجموع العام و3 علامات منهم راحوا بمادة الرياضيات
سامحيني ارجوك ماعاد سكتت بس قدوم الامتحانات مع الصداع خلاني فقدت تركيزي وعم استنى تجيني الاعانة من السما
يارب يهون علينا كل صعب ويجزيك خير عني


محتارة
تسلم الايادي بس هون بالهمم ماظهرت الصورة عندي ولما دخلت موضوعك شفت الصور
ماشاءالله شكلها مع القهوة ممتازة لانه طعم الكراميل مع القهوة روعة ولو اني مابشرب قهوة بس بتخيل الطعم لضيوفي
تسلم اياديك يارب , ربي يحرمهم عن النار


دموعة
ربي يجزيك خير كتير حلوة اختياراتك
الله يقر عينك ببناتك لسا اولادك صغاار
استمتعي قد ماتقدري بهالفترة قبل مايدخل هم الدراسة للبيت ، ربي يهون عليك تربيتهم على النحو الذي يرضيه تعالى عنك

مشكورة ابلة هدو عالاسورة كلك ذوق والله يجزيك خير على تعبك معانا وبنات الهمم كلكم جمعه مباركه خرووووج

سؤال حبيباتي لسكان مكة :
التاكسي من منطقة الزاهر الى الحرم كم يكلف ؟؟
وهل فعلا الزاهر تبعد ٤ كيلو فقط ؟؟
واذا بدها الواحدة تروح لتحرم فكم سيكلفها هذا ايضا ؟؟؟
شكرا لكم وسامحوني عم عذبكم معي  

جمعة مباركة على كل البنات

اخباركم

انا اليوم ما عندي لاا الشغل اليومي

اذا ممكن الي عندها طريقة لتخفيف الام الحلق
حلقي ملتهب واحسو مجروح من الكحة
صرت اتكلم مع اولادي يالاشارة

وتعرفون بكرة غرفة النوم
وانا مادخلت من اول اسبوع
يعني جدول غرفتي بطبقة على غرفة البنات وغرفة ولدي
الله يعين

بروح اسوي الغداء واصلي شوية ويأذن
استودعتكم الله

نسيت ابلة هدوووو
مشكووووووورة على الاسورة
جات كبيرة شوية وديتها الصايغ قصرها هههههههههه
تسلمي يالغالية