سما
تسلم اياديك عالنقل ، كنت عن جد محتاجة مايذكرني بفضل الجمعة لانه عمره ماكان يوم حلو
بسبب المسؤوليات والزوار وحاليا صار مرتبط بالدم والشهداء
ربي يسعدك لانك اسعدتيني بالاحاديث الرائعة عن يوم الجمعة

هدوء
ربي يقويك ، فرحتلك من قلبي على سهرتك مع صديقتك
الله يعطيك الف عافية
سامحيني اذا مادخلت للحفلة بس عم انتظر نوم اولادي بفارغ الصبر لروق على الحفظ
من الصبح مو لاحقة بين الطبخ والتنظيف وتدريسهم وحمامهم
وللان انا مقصرة ببرنامجي لذلك راح حاول قوي قلبي وماادخل المسا


بدبد
عزيزتي مشان سؤالك اتوقع انه قصدك محمرة العجين
مو محمرة يلي نوع بيشبه الكبة النية صح هيك ؟؟؟؟؟
بكل الاحوال المحمرة بدها اكيد فليلفة حمرا حدة مو حلوة وهي مابنصحك
تعمليها بالبيت لانه اذا عندك حدا مريض بالربو او التحسس راح يتعب من عمل
دبس الفليلفة بالبيت واذا اشتريتها من السوق فلازم تضبطي الطعم بنسبة الحد
يلي انت بتحبيها
انا بعمل بس ٢ كيلو دبس فليفلة حدة لانه معدتي بتشتكي فورا من اي شي حد
ولذلك ماباكل المحمرة وبشتريها لزوجي لانه بيحبها
هي عبارة عن زيت زيتون لتدهني به العجين عند فرد الفليلفة الحمرا وطبعا مع
رش القشقوان على الوجه بتصير اطيب كتير . اما اذا ذقتيها بمطعم بشكل تاني
في بتكون اضافة من المطعم نفسه
انا الفطاير يلي بحبها كتير ومابقدر ساويها بالبيت هي فطاير الكشك اليابس
ذقتيها شي ؟؟؟؟ اتوقع انها اردنية مالي متاكدة
طعمها روعة بس المشكلة اني لازم ارسل الحشو للمخبز يساويه لي لانه
فرن البيت مابيكفي ليستوي الكشك منيح والحمد لله مع همهوم افندي
ماعاد فضيت اسوي الكشك بالبيت وانا مابحب نهائيا صنع السوق
لانه بيكون مغشوش ونصه نشا او طحين



دلوعة
الف الحمد لله عسلامة الامور ربي يحميه ويقر عينك فيه وباخوته
فرحتيني انه ماطولت الحمد لله

معلش ياغوالي سؤال كمان
حاجزة الملف اليوم عحسابي هههه
اذا بدي اشتري سجاد للممرات عندي وهي شغلة مكلفة لذلك ماراح اشتري مرتين
مرة الان ومرة لما بفرش البيت ، يعني بدي اشتري اربعة عشر مترا من السجاد للممرات بالطول فقط
لذلك ماراح ادفع ثمنه مرتين ومافيني اجل هالخطوة لحتى شوف شو الوان العفش بالغرف
لذلك امامي الان ابواب لونها بني غامق وحيطان لونها عاجي وبس
مالي حاطة ولا شي يزين الحيطان ولا تحفة ولا شي نهائيا
شو لازم اشتري لون السجاد ؟؟؟؟؟؟
السجاد التركي عاجبني كتير للمرات بس اللون الملائم ويلي ماراح يكون غريب مهما اجا الوان عفش الغرف
هل هو البوردو " الوردي " ام الحشيشي او لون الكيوي ام اللون البيج والبني اسلم اختيار ولا في اقتراح تاني ياحلوات ؟؟؟؟
بصراحة انا مابحب اشتري السجاد قبل العفش بس مضطرة لانه الممر اصلا ضيق ومافي مكان لعفش فيه
تاني شي فصل البرد وصل والسنة راح تكون صعبة مع العقوبات الاقتصادية عالبلد ومابنعرف كم سيبلغ ثمن
المازوت والكهرباء اصلا غالية كتير .
بفضل الله انه التدفئة عندي ممكن تعتمد على الشمس بس هالشي فقط بالايام المشمسة واكيد راح احتاج مساعدة
فاسلم حل اني افرش البيت كله سجاد ومااخلي شبر يبان مشان نشعر بالدفء
وخصوصا انه فوقي وتحتي البيوت غير مسكونة وهالشي راح يخلي البيت بارد اكتر .
انتظر راي الذويقات منكم يلي ماشاءالله ذوقهم واضح في كل شيء من الكتابة الى الصور
ربي يحميكم جميع ولا يحرمني منكم

السلام عليكم

هدووو....الله يعين المنتدى اليوم موراضي يفتح معي فتحت كم متصفح ولا نفع
وان شالله اقدر ادخل شوي

وكل وحده زارتني في موضوعي الله يبارك فيكم يالغاليات والله يسعدكم

في حفظ الله

ْ
ْ





اللهم انت الوهاب لاسواك..
والمعطي لمن دعاك..
يامن تراناولانراك..
وتعطيناولا نبلغ ثناك..
اجعل كل ايام احبتي في حسن عبادتك واكرمهم بخير الدنيا ونعيم الاخره..

يارب أحببتهم.. وبدعائي ضممتهم..
فلا تحرمني ياربي رفقتهم..
اللهم أعطهم مايتمنون ..
وأجبهم بما يدعون "وارزقهم مايرجون"
اللهم يسر أمورهم وبارك
لهم في اعمارهم وأصلح
حالهم وأرح بالهم..
واغفر لهم واملأ صحائفهم
بالاستغفار... آمين ...

دموعة
هي ردك الاخير اول رد بعرف انسخه عالايباد
اخيرا عرفت كيف الحركة يلي بتنسخ كل الرد مو جزء منو فقط
احتفظت فيه عندي بالملاحظات
تسلم ايديك