*****stars :

السلام عليكم ورحمة الله وبركاته يومياتي :: اليوم بعد الغدا مع اني ما تغديت ، طلع ابو الشباب جاني حماس وفكيت الستاره والبلاك آوت تبعها وعلى الغساله وفكيت شباك الصاله وعلى الحمام وغسلته من قلب ونظفت مجرى الشباك بالفرشه وبعدين كنسته بالمكنسه الكهرب تعبت والله لأني رافعه يدي وماسكه عصا المكنسه وكمان الورده مشرفه واي مجهود ظهري خلااااص الله يجعله على اجر ومسحت المكيف والجدار اللي عليه الشباك لأني احسه مليان تراب وركبت الاشباك وكويت الستاير وركبتها ، وكملت شغل البيت اليومي وباقي لي المقلط اللي فيه الألعاب عيالي جايبين العيد فيه ودي اريح شوي بعدين ارتبه واكنسه ،، نجي للردود :::: صموته :: الله يبارك فيك ياعسل ، والله انك على بالي دايمآ انتي وفروحه وبسومه وشيومه الله يجمعنا دايمآ على خير .. قرة :: ياخطيييييره انتي ، ارشحك بقوووه وننتظر المسلسل بكل حماس وشوق واقتراحاتك جدآ رائعه .. نشنوشه :: تسأل عنك العافية ياقمر ، انا بخير الحمد لله .. ام مهند :: ايامك نشاط ماشاء الله ، واسلوبك وسواليفك تفتح النفس ، الله يحفظك ويخليلك جوزك واولادك .. ارجو العذر من البنات اللي مارديت عليهم ،، باقي العسولات ، الله يحفظكم ويمتعنا وإياكم بالصحة والعافيه والنشاط ..

السلام عليكم ورحمة الله وبركاته يومياتي :: اليوم بعد الغدا مع اني ما تغديت ، طلع ابو الشباب...