ملكة السكون :

هلا وغلا لكل بنات المنتدى... وهذا القسم بشكل خاص.. لكل من سالت أنا من وين؟ أنا من بلدي الحبيب والغالي الامارات ، بس مغتربه في بريطانيا (مانشستر) كنت أشتغل أخصائية نفسيه وبعدين صرت طالبه (خلصت بس أنتظر النتائج- يارب تبيض الويه) والحين أنا ربة بيت انتظر زوجي يخلص ونرجع بلادنا وعندي امل أني استقر ببيت بروحي... اول مره اشتغل شغل البيت بروحي بدون مساعد، في بيت اهلي كان في خدم والوالده ماتقصر، وبيت اهل زوجي كان في خدم واول ماوصلت بريطانيا توهقت وبصراحه كانت عندي نسبة فوضى، بس مش كبيره لأني ما احب اقعد بمكان وصخ غير أني ما استحمل الغبارابد. اذا المكان مغبر مااييني رقاد ابد بس اكح واكح واكح لوكانت الغرفه نظيفه بس تحت السرير غبار ماارقد (وهذي احد اسباب مشاكلي مع الخدم-لأني بسرعه اعرف مكان الغبره) المشكله الوحيده كانت بالطبخ ، ما كنت اقدر اوازن بالوقت يعني اذا سويت فطور خلاص مافي غدا، واذا سويت غدا مافي عشى او ريوق، احيانا كثيره اكون متعمده ما اطبخ لأني ما احب اطبخ غير أني عندي دراسه من الساعه 9صباحا الى 3الظهر فآكل بالمعهد وخلاص بعدي يكون الطوفان،،، هاهاهاااا وزوجي كان يدرس بالمعهد بس كان دوامه مختلف من 9 الى 12 الظهر الا يومين بالأسبوع يخلص اربع.. هذا الى جانب(صارت نشرة اخبار) كنت اعرف خمس طبخات بس (محبوس دياي- دياي مشوي وعيش ملون- تونه وعيش- مكرونه بالبشاميل - مكرونه بالخضار) وشوربات و سينامون .... وكيفه غصبن عنه يأكل ويقول حلو والا يزعل مابطبخ.. لا حظتو شي مافي لحم لانه يصير عندي يابس مثل الحجر فلغيته من القائمه بس يشهد ربي ان زوجي كان فرحان بطبخي لأني من يوم الرؤية الشرعيه كنت واضحه وقلت له تراني ما اعرف اسوي شي ابد وهذي قصة حياتي يا بدبد ،،، قلت كل شي .. اذا بغيتو شي تراني حاضره.. اليوم ما سويت شي غير الشغل اليومي ،،، شكلي ببتدي بالمطبخ لأني فتحتها الصبح شفت حليب مخيس الدنيا.. هنادي مارديتي علي: شو رايك انج تسوي لنا دوره في التخزين المواد الغذائية واختيارها؟ بعدين سؤال ثاني بالنسبة لليمون ما يتغير طعمه بالفريزر؟ حتى مع انطفاء الكهربا باستمرار؟

هلا وغلا لكل بنات المنتدى... وهذا القسم بشكل خاص.. لكل من سالت أنا من وين؟ أنا من بلدي...