كيفكم يابنات وش أخباركم
اليوم والحمدلله ماااااأنجزت ولاشئ وذالك لسببين
الأول _اني كنت صايمه الله يتقبل منا أجمعين واذا صمت ماأحب أتعب نفسي خاصة اذاماتسحرت علشان ماأجوع وانهار ههههه الصيام يتعبني شويه من زين الصحه والتغذيه ولله الحمد لله
الثاني _ظهري متعبني على الأخير والحمدلله على كل حال تسدحت تقريبا ساعتين علشان أريحه خف شويه لكن لازال الألم ماأدري نومتي كانت غلط والا من كثر الجلسه على اللاب توب والا من المطبخ والامنها كلها ؟؟؟؟؟
المهم اني استغليت فترة الاسترخاء في اجراء بعض المكالمات لأعز الناس وأقربهم الى قلبي وعزمت بعضهم على الهمم هههههههه (صار عرس ماهو كرف في كرف )
وتعرفون أبوطبيع مايخلي طبعه لازم أصور رغم كل الاحباط اللي جاني
والحمدلله المركزاللي متعوده عليه تعافى ورجع لعقله صرت مدمنه عليه زي عالم حواء

وهذه قهوتي على المغرب مع بعض الشوكلاتات المفضله



وبيتزا بالتوست قطعتها صغار علشان أغري ملوك ياكلها وراح تعبي على الفاضي أكل حبه وحده وبس الجبنه ماااااايعجبه العجب الله يهدي قلبه



وسلاااااااامتكم غير كذا مااااااااااافيش
نجي للتعليقات




أما هذه الصور يابدبد معببببببره وتناسبك لكن بدل القدور لاب توب
ومشكوره على الأذكار للأطفال عجبتني وحفظتها
هدوء
تسلمين والله كله من ذوقك والذوق الحلو عندك ماشاء الله
احساس
الله يسلمك يسلمك من كل شر وعاذرينك والله مابيننا عتب ومشكوره على الهدايا كله من ذوقك
والله يعطيك العافيه على الشغل المعدل
جموره
والله مانفع مع النامس لامضرب ولاغيره صرنا نلحقه بأطرف شئ ولابأيدينا المضرب مايكون جنبنا على طول ومن حقدنا عليه نضربه أول بأول
وبعدين حزنتيني والله على الموقف الباااااااايخ اللي صار معاك ماأدري وش قصتنا أنا تأزمت معايه الصور وانتي مع الردود وضاااااعت أوقاتنا
بس قوليلي كيف واجه زوجك ردة فعلك والله أتوقع لومكانك كان أخلي ضميره يأنبه أسبوع أقل شئ كل يوم أذكره (تذكر يوم فصلت الكمبيوتر علشان تشحن جوالك انتبه لاتعيدها علشان ماتزهق روح موكل مره تسلم الجره لورحت فيها بتتحمل ديتي أهلي مابيسامحونك ) فيلم هندي ههههههه
وبعدين عسى ماشر جالسه تسرقين فساتين على كيفك وماتسلطتي الاعلى فستاني هوخلاص انتقلت ملكيته من بدبد وصار ملكي يعني استأذني مني لوسمحتي وبيطلع شكله عليك رووووووعه لأنك بتطقمين عليه سروال البلده مخطط بالبنفسجي ياسلااااااااام موضةعام 3000
(والله من جد من جدأعجبني الموديل واللون جنااااااان حفظته عندي من أول ماشفته أفكر أفصله في الصيف لكن وش يناسبه أكمام ؟؟؟؟؟؟هنا الحيره دائما
سندريلا
ياهوووووووووه ياخلفيات طلعتي المواهب انتي وأم ريما أجل مايبغالها لاااااازم أنافسكم علشان يطلع الملف يفتح النفس تعجبني هذه الخلفيات
وهذه عجبتتتتتتتتني روووووعه طلعي ياأختي الاحتراف ومين قالك الورده بتجلس لبدبدبس وماأحدبيسرقهاالاوالله ماخذينها وبرضاك كمان


والكبسه ماشاء الله شكلها لذيييييييييذ ومشهي ماشاء الله عليكم بالعافيه لكن الليمونه عليها شئ أسودغريب وش هو والا من التصوير -ونشكر لكم حسن تعاونكم
فتفوته
الله يجزاك خير على الدعوه الحلوه ياعسل
جوى
الله ينولك اللي في بالك ياااااارب
يارا
ألف سلامع عليك وطهور ان شاء الله
أم نهى
والله كلنا ظهورنا تشتكي الله المستعان صرت أفكر أستخدم حبوب كالسيوم وفيتامينات ظهري اليوم هلكني الحمدلله ماقدرت أشتغل ولاشغله
باتشي
الله يعطيك الصحه والعافيه ويقويك ويبارك فيك
الياسمين
الله يشفيك ويعافيك ويديم عليك الصحه والعافيه وانتبهي لنفسك الكتمه فعلا متعبه الله يصبرك عليها

هدوانثى ماشاء الله تسلم الايادي الاكل بيشهي والا الفوندو حكايه ثانيه

جموره الله يعطيك العافيه الفرن روعه عقبال الي عندي ناويه عليه بس لازم اروق اول والله وحشتيني يالغاليه

هبة الله ماشاء الله عليك ابداع وشغل يفتح النفس الله يقويك

ميلاد تسلمين ياعسل والصور والله ماعرفت اعدلها لاني انزلها من موقع التحميل على المنتدى على طول وبعض الاحيان اقول شي احسن من لاشي

برياني الله يعطيك العافيه ياقمر ويقويك ماشاء الله تبارك الله
ام ملوكي فديتك انا واسفه على الانقطاع بس وش اسوي الشكوى لله لكن معاد اعيدها ان شاء الله وانا موافقه على التنافس فالاناشيد والمحاظرات والشغل نص ونص
واعمالك روعه ماشاء الله تبارك الله
والحمد لله انك تطمنتي على ملوكي الله يطمن قلبك
ام ريما بصراحه مافيه كلمات توفي ابداعاتك يالغاليه ماشاء الله لاقوة الابالله والخلفيات روعه بس مره جربت انزل البرنامج حقها ومارضي يتحمل معايه ابد رغم ان كل الي حاولوا نزل معاهم الا انا مدري ليه وصديقك يهبل الله يسعده

احساس ام الابداع انتي الله يحفظك ويقويك والظاهر انك سالتي عن الغساله انا اغسل من 4 الى 5مرات فاليوم عادي
نسنوسه تسلمين لي يالغاليه الله يسعدك ويخليك ياعسل وحشتني مناشباتك انتي وسوسو

سندريلا بصراحه عوضتي غيابك فالملفات السابقه وكل ماشوف مشاركاتك انبسط عليها كثير الله يسعدك وكتكوتتك تهبل ربي يحفظها لك
واعمالك متقنه ماشاء الله تبارك الله

جوي تسلمين يالغاليه ياام قلب كبير دايم قلبك على الكل الله لايحرمنا منك ويبارك فيك يالغاليه

صموته مدري ليه الوحده لاشافت الالعاب تفقد السيطره على مشاعرها وتتهور ههههههههه المهم الحمد لله على سلامتك وماتدرين وين الخير فيه على الاقل رحتي للمرخه وانتبهتي لنفسك بس لاعاد تعيدينها

رووووووح وينك قلتي لنا كم كلمه وقطعتي قلوبنا وغبتي بالله عليك ادخلي وطمنينا حتى لوماودك تكملين معانا اهم شي تطمنينا عليك

ام الجود عظم الله اجرك وغفر لميتكم
والله يعطيك العافيه ياعسل بس ليش ماتدخلين مثل اول

الزوجه الحنون هلا والله فيك وماشاء الله مبدعه الله يسلمك ان شاء الله

كرومه الله يقويك ويعطيك العافيه وماشاء الله قمتي قومه محترمه بس اشوفك ماتدخلين مثل اول ليه

بدبد انتي عاد حكايه ثانيه ماشاء الله عليك ملف ولااحلى ويفتح النفس الله يكتب لك الاجر ومشكوره على الهديه الحلوه




راح احتفظ فيها وماراح ابيعها لاارتفع الذهب ههههههه
والكهرباء طفت على الرياض والشرقيه على حسب ماسمعت من الاخبار وفوفو كان فيه بس ينتظر العامل يخرج وراح نام وانا جلست مع عيالي
وجوجو زعلانه على خطيبها ههههه على بالها سعد خطيبها ومن يوم قلت بنروح زواجه وهي تصيح باعلى صوت وتبكي عليه وتقول يعني انا مابيتجوجني هههههههههههههه
بنات اكمل بكره مع الباقيات خلاص معاد اشوف تصبحون على خير

السلام عليكن
بدو ماقدرت ادخل الا لحين النت كان تعبان ............... الله يشفيه ويصبرنا عليه
يومياتي
صحيت الفجر وجهزت عيالي للمدرسه ورضعت الصغيرين جلست احوس شوي بالبيت الاجاء زوجي ومعاه فطور افطرنا الساعه 8ونص وبعدين تسهل لشغله وقال لاتسوين غدا بدري اخريه قلت اوكي رحت عند عيالي ونمت وصحيت على الساعه وحده صليت وقمت اسوي غدا
وزعت الثلاجه +لميت زباله لمطبخ +غسلت المواعين
بدو المطبخ عندي صغير يعني ساعه يخلص والدروج دايما ارتبهن تقريبا كل يوم من عيالي الله يهديهم كل يوم لازم يفلونه (يعني يفتشون بكل غرض ) يدورون حلاو وكاكاو

ام عبد الملك
ياعمري انا سعوديه بس كنت مسافره عمان من شان علاج ولدي عنده نقص اكسجين
وشغلك يفتح النفس واسمحيلي اخذت صوره الثلاجه الان ودي اوريه زوجي كل مايروح الرياض اقول له هات قفل الثلاجه من ساكو او ايكيا يقول ماعرف شكله ........ مايبي يسال
فتفوته
الله يجزاك خير
جوى الحب الاول
الله يسهل لك امرك ويرزقك من واسع فضله
بدويه
الله يعطيك العافيه على هالنصايح والمعلومات المفيده


وسعو صدوركم






تحياتي

شخباركم ياااابنات كتبت رد طووويل وانمسح عالعموم صحيت الساعه 9ونص بالليل انا وعيالي وسويت عشانا مقلقل لحم ورز ابيض وشطفت العيال وبدلت ملابسهم وتعشينا انا وبنتي لوحدنا لان زوجي باقي نايم والحين بسوي بيتزا شهوني فيها البنات لي عوده بعد مااسويها

سلامي للجميع
يومياتي
في الصباح نمت صحيت على الساعه 11.5 سويت الغدا وتجهزت ولمى جات بنتي وابوها تغدينا وريحت شوي وذكرت لبنتي وعلى العصر رحت لمهجه اشتريت اغراض
بعد المغرب روشت عيالي وعشيتهم وكنست غرفتهم ونومتهم

وبعدين رحت على المطبخ ومسكت اثلاجه ونظفتها الصور تحكي