الحاضر أحلي :

ممكن انظم لكم طبعا دلتني الأخت الله يجزاها خير ام وعــــــــــــــــــــــــتد وللي لها بعد الله فضل في تغيري حصلتلي ظروف وجاني أكتأب وهملت بيتي ولكن بديت من يوم الجمعه اغير في نفسي وسويت معاينه للبيت ولقيت التالي 1 جدران البيت كلها شخابيط مجلس الرجال وصاله وحتي مداخل 2 كنب الصاله اللي هو نفسه مجبس حريم زباله الله يكركم عصير مكبوب ولبن وحتي طحينيه 3 الموكيت جديد ماكمل شهرين وصاير كله بقع (فحم + عصير +لبن +شطه ) 4 غرفة عيالي دواليب فاضيه وملابس كلها على الأرض الموكيت كله شوكولاته ولبن والوان الأستكرات واللمبات كلها معدومه وهي لها بس شهرين 5 المطبخ كله مواعين وسخه و الأرضيه تغير لونها ودولاب أنعدم بقع في كل مكان الثلاجه الشئ الوحيد النظيف 6 غرفة النوم حدث ولا حرج 7 حمام وبلكونة العيال مانفتحت من سكنت ناويه أنظفها وافتحها 8الأثاث بسبب الظروف اللي كنت فيها كله ذوق زوجي يعني شكله بشع جدا ومتناقض وهذي مشكله كبيره 9 الحوش معدوم 10 عندي حوشين واحد رملي ناويه أسوي حديقه صغيره شكلي وزني زاد 5كيلوا صار عندي كلف وهالات وشعري انعدم ويتساقط وكله شيب كنت امشطه كل اربع ايام وكان طويل مره لكن للاسف كنت متضايقه وقصيته عيالي بالأخص الولد عمره 4سنين صار عدوان وعنده تأتأه بسبب قسوتي عليه هالحين احاول أغير بس الأسف صار يقلدني برمي الأشياء ولعن وصراخ زوجي علاقتنا شبه معدومه بعد الحب المجنون اللي كان بيننا صرنا بعيدين عن بعض امس رجع من دوام لقي البيت شبه نظيف قال خير احد جاي ماصرت اقدر أتكلم معاه وكل نقاش بيننا اقوله وديني لأهلي أشكر بنات حواء ساعدوني وراح اخرج من حالتي بس يبي لي وقت ومشكلة النوم أنام بعد الفجر وأصحي 12وهذي النقطه تضايق زوجي لانه ينام بدري وهذا نص مشكلتي الأولي للي ماقرأ الموضوع سلام ياأحلي صبايا مدري ويش صار فيني كنت اول نظيفه في بيتي ونفسي وعيالي وهالحين صرت شخص ثاني اول كنت في بيت قديم وكنت نظيفه وهالحين ساكنه شقه جديده وملك وخليتها زباله الله يكرمكم صارت لي ظروفي جدا صعبه دمرتني :44: ولدت وبعد ولادتي بأسبوع مات أبوي وهنا حسيت حياتي وقفت صرت وسخه بكل معني الكلمه عيالي يجلسون بألاسابيع بدون تسبيح حتي بنتي عمرها خمس سنين تجي تقول ماما ابي اتسبح شعري وسخ وانا اذا تسبحت مره بالأسبوع ماأنظف البيت الأ اذا جوني ضيوف وبس نايمه أو جالسه أسترجع ذكرياتي قبل موت ابوي الله يرحمه واعيشها من جديد احس اني مو عايشه وقتي حتي الأيام وتواريخ ماسأل عنها تصدقون حتي رمضان شايله همه ابي اروح مكان مافيه اهلي او عيالي او زوجي ابي مكان ماأتذكر ابوي فيه مادري ويش اسوي ابي أتغير بس حياتي واقفه تكفون اللي تعرف احد مر بحالتي وتغير وكيف واللي جربوا الجداول تبع تنظيف البيت ممكن تنفعني وهل ينفع اشغل قران وانا أشتغل لأنه الشئ الوحيد اللي يريحني لاني سمعت انه حرام تكفون دلوني او لازم اروح طبيب نفسي مثل ماقال زوجي حتي هو نزل وزنه وعايش بهم ماهو قادر يغيرني او يتعايش مع وضعي وشغاله مالقيت ابي وحده تساعدني

ممكن انظم لكم طبعا دلتني الأخت الله يجزاها خير ام وعــــــــــــــــــــــــتد وللي لها بعد الله...