¤~ همه همه (19) توصلي القمة في ضيافة احلى ام 9 ~¤

**ام رغد** • 14 سنة

..................... بين جد وحماس وبين ونس ومزاح

والله ان الدراسة ذكريات ٍ تدور
..................... في زوايا خفـوق ٍ صار كبر البراح

كثرمافي الدراسة من وقـوف وعـبور
..................... كثر مافي الكراسي من تعب وارتياح

ومرّت ايام وايام وسنين وشهور
..................... ناس نالوا فلاح وناس مامن فلاح

وعـقـب طيّ الصحايف مابه أحْـد معذور
..................... من توفـق توفـق وانتهى واستراح

ومن تعـثرّ عـساه اليوم أتلى عـثور
..................... والعوض في الليالي المقـبلات الملاح

الحفـل تنحفـر ذكراه وسط الصدور
..................... وكل ناجح لبس له يوم حفـله وشاح

كم وكم طفـل في عـمرالصبا والزهـور
..................... ماقـدر يوصف بْشارة نجاحه وصاح

وكم بنات وشباب ٍ بالحماسة تثور
..................... نجْحَوا وْكل منهم خف حمله وطاح

عمّت الفـرحة اشفاهـم وزاد السرور
..................... واطلقـوا للوناسة والسعادة جناح

والله ان النجاح يفـوق وصف وشعور
..................... وطعمه أحلا من الماي الزلال القـراح

في ليالي النجاح نشوف لهـفة حضور
..................... وكل شي ٍ سوى اللي حرم الله مباح

ذاك زين الشباب وذيك بدر البدور
..................... كل منهم تهلل واعـتلاه انشراح

ألف مبروك ياللي بالظفـر لك ظهور
..................... ياعسى الله يدلك صوب درب الصلاح

ياعسى هالتخرج لك حجاب ٍ وسور
..................... عن دروب الضلال وجعل درب سماح

لـــ ـكل من أنتهى من إمتحاناته

أصدق الأمنيات بالتوفيق والنجاح ..

لــــكل الناجحيــن ..

الذين ظهرت نتائجهم و تكللت بالنجاح

ألـــف مبروك وعقبال التخرج ..