مساء الخير
مشاء الله وش هالنشاط تبارك الرحمن
يعطيكم الف عافيه
صراحه امس يوم مميز جدا
طبعا شغلي امس مايقارن بشغل المتفوقات سندريلاوام عبدالملك وبراءه وجوى وام بيبرس يعطيكم العافيه ويبارك بصحتكم
امس غسلت مفرشة المطبخ
وغسلت المطبخ ورتبته وفركت مغسلة المطبخ فرك
كنس=وغسيل حمام ومغسلة غرفة الحريم
واكبر انجاز في حياتي
مطاردة برصه(وزغه)وهات مطارده بالفليت وجننتني حتى طاحت بالمغسله وانا بسطل الزباله انتظرها ياقرفي منها يدوب دخلت فيه وربطت الكيس وخليت ولدي يرمها ولما دخل البيت قال ياماما لقد انتهت حياتها مت من الضحك عليه عمره 5سنين
قلت مادريت انا رمينها حيه يمكن تطلع وتجينا خخخخخخخخخخ
طبعا غسلت المغسله بكلوركس بعدين
بمستر مصل مكتوب عليه يقضي على 99من الجراثيم
ولدي متقرف من المغسله وعيا يغسل فيها
مشت على الستاره ويقول خلي بابا يجيب وحده جديده
امس خرجنا ومارجعنا الا الساعه وحده عشيتهم ونمنا

مساكم الله بالخير يالغاليات

اليوم صحيت متأخر عن العاده
وبعدما أفطرنا دخلت قلت أشوف أخباركم
وآخذ جرعة نشاط وأصحصح
ورديت على صفحتين تقريبا وقلت أصلي الظهر
وأرجع أكمل الا الكهرب طفي
من غير سابق انذار وطاااار كل شئ
وعااااادي صار عندي مقاومه ضد الصدمات الالكترونيه
وان شاء أرجع أعيدها لأن في كلام بقلبي ولازم أوصله
وشفت هذه القصه بطريقي أعجبتني مرررررره
وأثرت في نفسي
واكثر شئ لفت نظري فيها
الوالد يوم انه حفظ الله حفظ الله اولاده
عجااااااااااااائب سبحان الله العظيم

أخليكم مع القصه





قصة حقيقية لشاب سأله والده
أمنتك بالله ماذا حـدث لك اليوم العصر

دارت أحداث هذه القصة في عطلة الحج قبل سنتين في منطقة الشعيبه
وهي منطقه ساحليه بريه
على شواطىء البحر الأحمر
تقع جنوب جده على طريق الليث,, وتعتبر منطقة تخييم < طلعات > للشباب والعوائل في إجازة الشتاء


المهم كنا 5 من الشباب وصلنا الصباح و نصبنا خيمتنا على شاطئ البحر وكالعادة ذبحنا الذبيحة ووو الخ
أنا بصراحة وأعوذ بالله كنت الوحيد بينهم ما أصلي نهائيا يعني وقتها كان عمري 21 ولا أركعها
مع أن أبوي إمام مسجد و كنت أطيعه في كل شي يقوله ويامربه ألا الصلاة
وفي حياتي ماسمعتة يدعي على ماكان يقول غير الله يهديك ويصلحك بس
كان يقومني للصلاة أروح اخذ فره بالسياره وارجع بعد ما يخلصون
لأنه هو أول واحد يدخل المسجد وأخر واحد يطلع منه
عشان كذا مراح يفقدني
يعني كنت عاصي لدرجه مو طبيعيه,,,,


المهم بعد ما تغدينا جهزوا الشباب عدتهم يبغون ينزلون البحر يروحون رحلة غوص
وطبعا كان لازم واحد يجلس في الخيمة جلست أنا لأني موقد كذا في الغوص
جلست لوحدي في الخيمة وكان جنبنا شباب أذن واحد منهم وطلعت برى
شفتهم يتجهزون للصلاة قلت تجنبا للإحراج خلني انزل للبحر
اخذ لي شوط سباحه,,


المهم لبست ونزلت للبحر .. مشيت مشيت الين جيت في منطقه حلوه للسباحه موعميقه مره ولا قريبه
سبحت وسبحت وسبحت ومنطقة الشعيبة معروفه بالأجراف
تعرفون الأجراف أكيد,,


المهم تعبت شوي وقلت خلني أنام على ظهري وأهمل جسمي على أساس أريح شوي وارجع
سويت الحركة و جلست أطفو شوي وووفجأه حسيت أن واحد سحبني لتحت ونزلت تحت المويه
حاولت أوقف على ارض البحر وادف نفسي فوق على بالي أن المسافة مترين تقريبا
اثاريني وأنا أسبح بعدت ونزلت في جرف وأنا ما ادري وطبيت في منطقه عمقها 5 أمتار تقريبا


حاولت اطلع حاولت وحاولت مااقدرت حسيت كان فيه شخص فوقي وماسكتي مع راسي ويدفني لتحت
احاول بكل الطرق اللي تعلمتها في النادي ماقدرت اطلع
كنت في حاله ياشباب لا احسد عليها
كنت متلخبط واخبص في المويه حسيت أني ولاشي,
حسيت وقتها أني اضعف من الذباب


من منكم في يوم حس انه عاجز عن نفسه؟
بدأ النفس يضيع النفس مني بديت احس بالدم يحتقن في راسي
بالعربي بدأت احس بالموووووت,,,,,


بديت أتذكر أبوي وأمي وإخواني وأقاربي وأصحابي وعيال الحارة والعامل في البقاله
وكـــــل شخص مر علي بحياتي تذكرت كل شيء سويته وكلها في ثواني معدووده,,
وبعدها تذكرت نفسي,,,!!!


بديت اسأل نفسي: صليت؟لا, صمت؟لا, حجيت؟لا, تصدقت؟لالالالالالالالالالالالالا
أنت في طريقك لربك خلاص مفارق لدنياك مفارق لأصحابك كيف تبي تقابل ربك؟؟؟؟


وفجأة سمعت صوت أبوي وهو يناديني باسمي ويقول قوم صلي
تكرر الصوت بأذني ثلاث مرات بعدها سمعت صوته وهو يأذن
حسيت انه قريب بيجي يطلعني صرت أنادي عليه وأصيح
باسمه والمويه تدخل في فمي
أصيح وأصيح مامن مجيب..
حسيت بالملوحة المويه في أعماق جسمي
وبدا النفس يتقطع,,


أيقنت بالهلاك,,حاولت انطق بالشهادة.. نطقت أشهـ.. أشهـ..
ولا اقدر أكملها كأن فيه يد قابضه على حلقي تمنعني من نطقها حسيت أن روحي خلاص بتطلع,,
وتوقفت عن الحركه,,
وهذ آخر شي كنت أتذكره,,


صحيت في الخيمه وكان عندي عسكري من خفر السواحل والشباب اللي جنبنا,,
أول ما صحيت قالي العسكري حمد لله على السلامة ومشي
سالت اللي عندي قلت منهو ذا ومتى جاء وكيف قالوا ما ندري
جانا فجأه وطلعك وزي ما تشوف مشي فجأه!!!!


سألتهم قلت شفتوني وانا في المويه قالوا مع أننا كنا على الشاطي لأكن قسم بالله ماشفناك
ما درينا عنك الايوم جاء العسكري وطلعك من البحر,,
مع العلم أن مركز خفر السواحل يبعد عن خيمتنا تقريبا حوالي 20 كيلو متر طريق بري


يعني يبيله تقريبا ثلث ساعة عشان يوصل لنا أذا جاه بلاغ....
وحادث الغرق صارت في دقائق معدوده
واللي جنبنا وهم اقرب ناس مني وقتها يحلفون انهم ما شافوني
كيف شافني العسكري وجاني؟؟؟وربي اللي خلقني ليومكم ذا ما اعرف كيف وصل لي..!!


ودق جوالي مسكته ألا وهو أبوي بدت الأمور تتلخبط عندي بدا التشويش قبل شوي سمعت صوته والحين يتصل؟؟


رديت عليه كفيك وش أخبارك سألني قالي أنت بخير وكررها كذا مره
طبعا ما ابي اعلمه عشان مايقلق سايست الأمور وقفلت..
قفلت من عنده و قمت صليت ركعتين في حياتي ماصليت مثلها


ركعيتين جلست اصليهم في نص ساعه
ركعتين صليتها من قلب صادق
وبكيت فيهم الين انبح صوتي
في نفس اليوم يوم رجعوا الشباب قلتلهم أنا ماشي ورجعت للبيت
اول مارجعت كان ابوي موجود


اول ما فتحت الباب الا وهو في وجهي قال تعال ابيك
جيت معاه قال امنتك بالله وش صار معاك اليوم العصر؟؟
تفاجأت واندهشت وتبلعمت ما قدرت اتكلم...
حسيت كأن عنده خبر!!
كرر السؤال مرتين...
المهم حكيت له بالتفصيل الممل


قالي والله اني سامعك تناديني وانا ساجد السجود الثاني في آخر ركعه وكانك في مصيبه
مابعدها مصيبه
انت تناديني بصياح واحس قلبي يبي يتقطع وانا اسمع صوتك وما دريت عن نفسي الا وانا ادعيلك بأعلى صوتي
والناس تسمع,,


وفجاه حسيت كأن واحد كب علي مويه بااااارده,
طلعت من المسجد بعد الصلاه واتصلت عليك على طول والحمد لله رديت
علي وحسيت اني ارتحت اكثر,,
لكن ياولدي الصلاة انت مفرط فيها وعلى بالك
الدنيا بتدوم لك ماتدري أن ربك يقدر يقلب حالك في ثواني
وهذا شي بسيط من اللي يقدر ربك يسويه فيك,,
لكن ربي كاتب لك عمر جديد......


عرفت أن اللي أنقذني من الموقف كان برحمة الله اول شي ثم دعوة ابوي لي,,
وهذه لمسه بسيطة من لمسات الموت لكي يرينا الخالق عز وجل أن الإنسان مهما بلغت قوته وبطشه


يصبح اضعف مخلوق أمام بطش الله وجبروته عز وجل
ومن يومها ماغابت عن بالي الصلاة ولله الحمد
ويا شباب عليكم بطاعة الخالق وطاعة الوالدين
صدقوني من بر والديه مراح يخيب ابد,,


برهم أساس سعادتك في الدنيا وتوفيقك
وحمايتك من الشرور بعد طاعة الله عز وجل

نسنوسه



هلا والله يابنت الناس والله وسوسة
عسى الله يحفظك من كل شر يالغاليه
وبالليل افتح المسن الان الاجواء ماتسمح




هنوده


للاسف انا ماأستغني عن الراوايح
لكن اعتمدت طريقه تكون اخف ضرر على ولدي
لمن ابدأ بتعطير البيت او البخور
مررره بالاسبوع
وفي هذا الوقت من اول العصر اطلع اولادي
للحوش يلعيوا منها كالسيوم لعظامهم ومنها اخذ راحتي
بتعطير البيت وتنظيفه ومايدخلوا الا قريب المغرب تكون الريحه خفت
على صدورهم
وولدي ازمته تقريبا انقطعت يارب لك الحمد لان هي من شتاء لشتاء تثور عليه
واعتمدت ادويه شعبيه والحمد لله زبطت معاه عموما مشكوره عالنصيحه حبيبتي
واعرف انه من خوفك على اولادي الله يسعدلي قلبك


احلى ام


مشكوره عالهدايا ياقمرررر
ومادام الهدايا غاليه معااااك لاخر اسبووووع
ههههه امزززح
والله اني من البدايه ودي اكون معك لكن اطفش من مراكز التحميل
لكن عرفت المشكله وين



ام للطفله



انا ضد كلام هنادي انه الشعر للرجل
وجهات نظرررر عني انا الي نفسي فيه اسويه
ماأشاور احد ابددددا
ومن حسن حظه اني احب الشعر الطويل
لكن الله ماعطاني ياااه لان بعد ولادتي بعميله طاااح شعري
والي زاده كنت اروح لطبيب الاسنان تقريبا يوميا وكل يوم بنج
فصار شعري مخيف قمت قصيته بوووي للعلاج مو للزينه
والحمد لله الان افضل لكن كل ماطول سم قصيته
ونصيحتي لك لاتحتاري الي تحبيه سويه ودلعي نفسك




الصمت $محتاره $البرنسيسه $




الف شكر يالغاليات والله يعطيكم العافيه ولايحرمكم الاجر






تعديل

ام لولو تصيرباكبر العائلات الله يعينك
اهم شي الاخلاق وحب الوطن ويمكن كنت نعسانه والكهرب
حب يسويلك اكشن علشان تصحصحين
ارجعي ارجعي وبكل حزم وثقه وعيدي الي كتبتيه
ومشكوره عالقصه وبالفعل من حفظ الله الله يحفظه




لي عودة مساء بيومياتي

حابه اجرب مركز فكره :hahaha:





هذا مركز علاج طبيعي







وهذا الجهاز قلت لها لو ماطفيتيه لاكسره فوق راسك

قسم كأني شافطني كهرب يخرررررع







مشكوره ياأم لولو ررررروعه

مساء السعاده وراحه البال ..
كيفكم حبايبي عساكم بخير ..

ابله احلى ام ..
عساك على القوه ياقلبي ..وكيف الوالده وسوسو عساهم بخير ..
والله ياقلبي ماردني عن التصوير الا الاب مره يطفش وانا خلقي ضيق وبسرعه امل ان شاء الله اذا صلح حاله اصور ولايهمك ..
مشكوره على الطقم يجنن بخليه للعيد ..


سندريلا ..
والله ودي ياقلبي اصور بس الاب عندي عله في التحميل اول ماابدا انزل صور يعلق ويفصل ..
ان شاء الله متى ماقدرت راح انزل ولايهمك ..
بنتي عمرها 4 سنين و6 شهور ..الله يخليلك ولدك ياااااااارب..



البرنسيسه ..
الله يعطيك العافيه وجزاك الله خير ..

جود ..
الله يجزاك خير ياقلبي ..

كرستاله ..
فنانه الهمم تسلم يدك وعساك على القوه ..
اللوحااااااااااات مرررررره حلوه تبيعين هههههههه..

حبيبه حبيبي ..
سلامتك ياعسل ماتشوفين شر ..ومشكوره على القصه ..

هدوء انثى ..
تسلمين ياقلبي ..ياهلا فيك في الشرائع
صرنا الحين 5 انا واحلى ام وام الفتيه وام الفتافيت وانتي بينور الشرائع بوجودك ..
ومشكوره على الادعيه ..جزاك الله خير..


الياسمين ..
معقوله انساك ..انتي اول وحده فقدتها يالغاليه ..




حره بديني ..
الله يعطيك العافيه ياقلبي ..

سماء ..
الله يعطيك العافيه ونعيما على الحمام ..

ام بيبرس..
الله يعطيك العافيه وكيف صديقتك ان شاء الله اتونستي ..

ام علوش ..
جزاك الله خيرعلى المواضيع المميزه ..


ام للطفله ..
الله يعطيك العافيه ..انا كنت ناويه اغير اللوك بعد مااجهضت بس ماباقي شي للعيد ابغير للعيد مره وحده ..
تخيلي شعري ماشاء تبارك الرحمن اجلس عليه من طوله وبعد مااتزوجت بدات اقصقص وكل يوم يلوموني اهلي عليه ..
الحين نص ظهري ونفسي اقصره مرره لانو طويل بس ملفوف بالذات مع الحر ماني طايقته مفتوح ..
انا من راي التغير الجذري حلو ويبين اكثر ..
وانتي شوفي اللي يناسبك ..


الصمت ..
جزاك الله خير على الاذكار ..
والدروس الله يجعلها في ميزان حسناتك ..

محتاره ..
جزاك الله خير على القصه ..


اسومه ..
الله يعطيك العافيه ..

ام ام اس ..
مشكوره ياعسل ..

انا غير كل الناس ..
الله يفرج همك ياقلبي ويريح بالك يااااااااااااارب..
ويسعدك دنيا واخره ..


هنوده ..
الله ييسرلك الحفظ ياااااااااااارب ويوفقك لحفظ القران كامل يااااااااارب
والحمدلله انك بخير وسلامه والتنظيف ملحوق عليه الله يسعدك ياااااارب..
بالنسبه للتشققات الحمل (لقافه صح هههه)سمعت انو زيت الزيتون مره حلو ..

زهره الجوري ..
الله يعطيك العافيه ..وياكرهي للوزغ اذا دخل البيت من الشباك طلعت من الباب
ههههههههه ..هذا وقته مع الحر الله يكفينا شره ويبعده عن بيوتنا يااااااااااارب..
يازين ولدك حان عليها هههههههههه..الله يخليه لك ياااااارب ..

ام لولو ..
الله يعينك ياقلبي مو وقت الكهرباء مع الحرر ..اذا جا الصيف كثرت الانقطاعات
قبل فتره زوجي يقولي شركه الكهرباء جالسه تدرس انو تقطع الكهرباء عن الاسواق في النهار عشان يخف الضغط وبالتالي ماتقطعها عن البيوت ..وتصير الاسواق مفتوحه بعد الظهر الين الليل ..ليته يطبقونه ..
جزاك الله خير على القصه والله يثبتنا على دينه ويهدينا الى مايحب ويرضى
ولايحرمنا رضى الوالدين ودعائهم ..


صدقوني من بر والديه مراح يخيب ابد,,