همومي اشاركها معكم للفضفضه فقط

السلام عليكم

الموضوع للي يعرفون قصتي بس ولا تدورون الملف ترا مواضيعي واجد وغثيت خلق الله والشكوى لغير الله مذله
لكن مجرد فضفضه احسن ماانفجر واخرب الي بنيته

زوجي ماعاد زوجي وحياتي ماعادت حياتي
ميته بالحياه .. عمري 22 وراسي شيب
الناس تنام بالليل وانا ع المخده تبللها دموعي

صبرت على خيانته واحتسبت الاجر .. صبرت على ظلم اهله ووقفت بعيني وقفتهم معي في يوم .. صبرت على مرضه وكرهه لي بسبب السحر .. واخرتها الحاله النفسيه صار كنه مجنون
اخرتها المح بعيونهم اتهامات اني ممكن اكون ساحرته
كيف ساحرته وهو مايطيقني
مايجلس بالبيت حت ولده مايبيه
غريبه بلحالي بديره حت اهلي مو يمي بعيد
واعطي واعطي واعطي
احقد عليه من يدخل واشوف عيونه الذبلانه من المرض اشفق عليه
واحضنه وانسى كل شي
مرات الوم نفسي يوم دعيت عليه بالمرض والذل
واشوفه بعيني ذليل يبكي بسبب المرض بسبب دعوتي عليه
شهر كامل كنت ادعي عليه بجوف الليل بدموع ان ربي يذله
وانا الي خسرت بالاخر
اكتب لكم الحين مااشوف الكيبورد قسم من الدموع
الي تقرى كلامي وعندها مشكله تحمد ربها كل المشاكل تهون مع مشكلتي
شبابي راح وعمري ضاع عزيزه قوم ذلوني الغرايب
سليله شيوخ مادرو اني صرت خدامه
والله والله عند اهلي ينحسب لي الف حساب اااه بس ع الزمن الي يرفع وينزل
الحمدلله على كل حال

لاحد يسئل وش المشكله مافي شي محدد مجرد هموم وفاض فيني